۱۴-سرگرداني بيابان ميأن

بعد أنکي خۊدا قوم جا قوانین شريعت واخبر کود،اوشان کوه سینا طرف هدایت بکود.اوشان جه خاطر اونی عهد اون شریعتایطاعت کۊديد. خۊدا اشأنأ سرزمين موعود طرف کي کنعان ببه هدايت بۊکۊد. خوداابر ستون میان اشأن جلۊ شؤئي ؤ اۊشأن اۊنأ دۊنبالا کۊديد.

خۊدا ایبرايم، ایسحاق ؤ يعقوبأ قول بدأ بۊ کي موعود شهرأ اشأن زأکأنأ فأده. اما هأ زمان قبايل زيادي اۊيأ زندگي کۊديد کي به کنعانيان معروف بيد. کنعانيان خۊدايأ پرستش ؤ ایطاعت نۊکۊديد. اۊشأن دروغين خۊدايأنأ پرستئيد ؤ شريرانه کاران انجام دئيد.

خۊدا قوم اسرائيل بۊگۊفت : «بعد فارسن به سرزمین وعده بدا،شومأن وأسي جه کنعانيأن شر موعود^شهر ميان خلاصأ بيد. اۊشأن مرأ صلح نۊکۊنيد ؤ اۊشأن مرا عروسي نۊکۊنيد. شۊمأن وأسي اۊشان بتأنأ همه جه بين ببريد. اگر مرأ ایطاعت نۊکۊنيد، اۊشأن بتأنأ بجاي من پرستش کۊنيد».

وختی ایسرائيلیان کي کنعان^شهر مرزأ فأرسه ئيد، مۊسا دوازده تأ مرد جه هر قبيله اينفر انتخاب بۊکۊد. بعد دستورالعمل لازمأ فأدأن اۊشانأ جاسوسي ؤ تحقيق رٔ اۊيأ اۊسه کۊد. اۊشأنم وأسي تحقيق بۊکۊده بيد ؤ بيده بيد کي کنعانيأن قوي يا ضعيفيد.

هۊ دوازده مرد چهل رۊز سرتاسر کنعانأ بگردستيد ؤ بزين وأگردستيد. اۊشأن قۊمأ بۊگفتيد: « سرزمين خيلي خب ؤ حاصلخيزي ايسه. »اما ده نفر جه هؤ مردکان ايضاقأ کۊديد: « شهرأن مستحکميدي ؤ أني ساکنان غول پيکريد. اگه اۊشأنأ حمله بۊکۊنيم، حتما شکست خۊريم ؤ اۊشأن دست مرأ ميريم. »

فوري هۊ دوتأ ديگه جاسوسأن کي أشأن نام کاليب ؤ يوشع بۊ، بۊگفتيد: « هن درسته کي کنعان مردۊمأن أمي جأ درازتر و قويتر ایسید، اما أمئن قطعا أشأنأ شکست ديهيم!چون خۊدا أمره جنگه. »

اما قۊم يوشع ؤ کاليب گبا گوش ندئيد ؤ مۊسا ؤ هارون جأ خشمگينأ بۊستيد ؤ بۊگفتيد: « أمرأ چره به هأ ترسناک جاجیگاه بأورديد؟ أمئن وأسي مصر بئسابيم.اگر اویه بشیم ،جنگ دۊرۊن ميريم ؤ أمي زن ؤ زأي اسيرأ بيد. » اۊشأن خأستيد تازه رهبر انتخاب بۊکۊنيد تا وأگرديد مصر.

خۊدا خيلي خشمگينأ بۊ ؤ خيمه ملاقات ميأن ظاهرأ بۊ ؤ بفرماست: « هن وأسي کي بر ضد من سرکشي بۊکۊديد، بزین همه تا بيابان دۊرۊن سرگردانأ بیدید. همه تأن ویشتر جه بيست سال ، بغیرز کاليب ؤ يوشع،بیابان ميأن هلاکأ به ؤ هرگز موعود^شهر نيشيد. »

وختي مردۊم أنأ جا خودا بيشتأوستيد جه خۊشانه پيله گۊناه پشيمانأ بۊستيدو خۊشأنه سلاح اۊساديد کی کنعانيانأ حمله بۊکۊنید. مۊسا اۊشأنأ ايشتاو بدأ کي نيشيد، چون خۊدا اۊشأن مرأ نۊبۊ .اما اۊشأن مۊسا گبأ گوش نۊکۊديد.

خۊدا اوو جنگ دۊرۊن أشانه مرأ نۊبۊ. هن وأسي شکست بۊخۊرديد ؤ خیلی جه اوشأن بمرديد. بزين بني اسرائيل کنعان جه وأگردستيد ؤ چهل سال بيابان ميأن ابیربوستید.

چهل سالي کي اسرائيلان سرگردان بيد ،خۊدا اۊشانأ حمايت کۊدي. جه آسمان ايتأ نان بنام«مَنّا» فادأئي. همچنين بلدرچین اۊشانه اۊسه کودي تا کی اونی گوشتم خوردن رٔ بدأريد. در تومام هو مودت خۊدا وناشت اوشان کفش ؤ رخت لیباس فورچاخه.

حتي خۊدا ایتأ موجزه اشأنأ رِ بوکود و صخره يأن ميان اۊشانأ آب فادائي. هتو کی هأ موجزه يأن کودی، ایسرائيل قۊم ضد خۊدا ؤ مۊسا شکايت ؤ ناله کۊديد ولي خۊدا هتو خۊ عهد ایبرايم ،ایساق ؤ يعقوب مرآ دأشتی، پايبند بۊ.

ايبار وقتي کي مردم آب خوردنأ رٔ نأشتيد، خۊدا مۊسايأ بۊگفت: « صخره يأ بۊگۊ آب جاري بۊکۊنه». اما مۊسا جاي أن کي صخره يأ بگه،خوعصا مرأ دوبار اۊنأ بزه ؤباکارخودای بی احترامی بکود. آب صخره جأ تۊمام قۊم رٔ بيرون بامۊ، ؤ اۊشان بخوردیدی. اما خۊدا مۊسا دست دلگيرأ بۊ ؤ بۊگۊفت: « تو سرزمين موعود دۊرۊن نيشي.»

چهل سال بعد ایسرائيل قۊم سرگرداني ،بيابان ميان همه اۊشأني کي بر ضد خۊدا شورش بۊکۊده بيد، بمرديد. بزين خۊدا دوباره قۊمأ ايجازه بدأ تا موعود^سرزمين نزديکي فأرسيد. مۊسا پيرأ بۊسته بۊ، هن وأسي يوشع يأ خۊ جانشين انتخاب بۊکۊد. خودا موسیء قول بدا،ایتا روز پیامبری خودش منثل مردوم ره اوسا کونه.

خۊدا مۊسايأ امر بۊکۊد تا کوه جۊر بشه ؤ جه هۊيأ بتأنه موعود سرزمينأ بيدينه. مۊسا موعود سرزمينأ بيده، اما خۊدا ايجازه ندأ که بۊدرون بشه. بزين مۊسا بمرد ؤ قوم ایسرائيل سي رۊز اۊنه رٔ عزاداري بۊکۊديد. يوشع بمنسبِ رهبر انتخاب بۊبۊ. اۊن خرم رهبر بۊ، چون خۊدايأ اطمينان دأشتي ؤ اۊني جه ایطاعت کۊدي.