۱۳-خۊدا عهد ایسرائيل مرأ

بعد أنکي خۊدا ایسرائيل^قۊمأ جه سؤرخ^دريا ،ميأن رهبري بۊکۊد اۊشأنأ جه بيابان دروون کوه^سینا طرف هدايت بۊکۊد. أن هۊ کوهي بۊ کي مۊسا ألاو بيگيفته^بوته يأ اۊن سر بيده بۊ. قۊم کوه جیر اردو بزه ئيد.

خۊدا مۊسا ؤ اسرائيل قۊمأ بۊگۊفت«:شما ابستی می جه ایطاعت بکونید ؤ مي عهدأ وفادار ببید. واگه اع کار بکونید،شۊمأن مي خاص^قۊم بيد ،مملکتی کی جه کاهنان وموقدس قوم خوای بوستن. »

بعد سه رۊز هۊ زمات کي مردۊم خۊدشأنأ آمادأ کۊده بيدکی خودا بیدینید.بزین خۊدا سينا^کوه^تۊکالي <قله> سر گورخانه ؤ دۊخان ؤ شيپور بۊلند صدا مرأ فرود بأمو،مۊسا فقط تنهای کوه جۊر بشو.

بزين خۊدا اۊشأن مرأ عهد دوست ؤ بۊگفت: «من ايسم يهۊوه تي خۊدا، کي ترأ جه مصر اسارت ؤ بندگي آزادأ کۊدم. بغير من خۊداي ديگه ئي يأ پرستش نۊکۊن».

«بوتي چأنکۊن ؤ اۊنأ ستايش نۊکۊن؛ چۊن کي من کي يهۊوه ايسم خۊداي غيوري ايسم. مي نامأ بي حۊرمت نۊکۊن. سبت^رۊزأ (شنبه رۊز) مقدس بدأن. هفته شش رۊزأ کار بۊکۊن، هفتمي رۊز تره رۊزي ايسه کي آرام بيگيري ؤ مرا به خاطر بأوري. »

تي پئر ؤ مارأ احترام بۊکۊن. قتل نۊکۊن، زنا نۊکۊن، دزدي نۊکۊن و دۊرۊغ نۊگۊ. ديگران مال ؤ ناموس چۊم ندأر.

قوم قوبیل بکوده کی جا قانون خودا ایطاعت بکونید.اوشان قوبیل بکودید کی خوداشین ببید و فقط اون پرستش بکونید.

خۊدا همچنين ايتأ خيمه توصيفاتأ کي خأستي اۊنه چأکۊنيد با تۊمام جزئيات ایسرائيلأ فأدأ. هۊ خيمه، ملاقات^خيمه نام دأشتي.اون دستور بدا کي ايتأ پيله پرده مرأ همديگه جه به دو قسمت سوا بهبه تنها اعظم^کاهن مجاز بۊ کي پۊشت پرده اتاق دۊرۊن بشه چونکي خۊدا حضور اۊيأ ايسأبۊ.

قوم بازون باستی قوربانگاهی خیمه درجلو چاکونید.هرکی شریعت خودا جا عمل نکودی،باستی حیوانی قوربانی بکونه.کاهن باستی او حیوان بکوشه وقربانی واسی اون مذبح رو واسوجانه.خودا بگفت حیوان خون او شخص گونای لاپوشانه.و اطو خودا اون گونایه دع نیدینه و اوشخص خودا چوم جا پاک بیحساب ایه.خودا موسی و هارون و اون نتاخ اینتخاب بکود کی کاهن ببید.

بزين خۊدا هأ قانونانأ دونه آپار سنگ سر بينيويشت ؤ مۊسايأ فأدأ.خۊدا قانونأنه ديگه ئي هم مۊسايأ فأدأ. خۊدا قول بدأ کي اگه اع قانونأنأ ایطاعت بکونید أشأنأ برکت فده ؤ از اۊشأن محافظت کۊنه، ؤلی اگه اطاعت نۊکۊنيد خۊدا اۊشأنأ مجازات کۊنه.

مۊسا خيلي رۊزأن کوه^سینا جور خۊدا مرأ گب زئندۊبۊ. بسکی مردوم اونی رافا بسایید وازده بأمؤبيد .هن وأسي هارون رٔ طلا بأورديد ؤ اۊني جأ بخأستيد اشأنه رٔ بوت چأکۊنه،تا بعوض خودا اون پرستش بکونید واطوی پیله گوناهی در خودا حق بکودید.

هارون ايتأ بوت زرین گوساله منستأن چأکۊد. مردۊم هول وتکان امرع شروع بۊکۊديد بتأ پرستش کۊدن ؤ اۊنه قرباني بنأئيد! خۊدا أشأن گۊناه وأسي اۊشأن جأ خشمگين بۊبۊست ؤ تصميم بيگيفت اوشان جه بين ببره. اما مۊسا جه خودا بخواست أوشأن نکوشه .ؤ خۊدا مۊسا^دؤعايأ بيشنأوست ؤ خو تصميم جأ منصرفأ بو.

وقتي کي مۊسا کوه جأ بجير بأمو، ؤ بتأ بيده اۊنقده خشمگين بۊبۊست کي آپارسنگأني کي خۊدا ده تا فرمانأ اۊن سر بينويشته بۊ پرتأ کۊد ؤ بشکنه.

بزين بتأبسوزانه و پودرأ کۊد، پودرأ آب دۊرۊن دۊکۊد. ؤ مردۊمأ وادار بۊکۊد اۊنأ بخورید. خۊدا بلائي مردۊم رٔ نازل بۊکۊد کي خيلییان بمرديد.

مۊسا سنگي لۊحأن جا کي بشکنه بۊ تازه سنگي^لۊحان، ده تأ فرمان رٔ بتراشه. بزين دوواره کوهأ بوجور بۊشوو قۊم گۊناهأن بخشئن رٔ دوعا بۊکۊد. خۊدا مۊسا دؤعايأنأ گوش بدأ ؤ اۊشأنأ ببخشه. مۊسا ده تأ فرماني کي خۊدا تازه^لۊحأن سر بينويشته بۊ کوه جأ بجير بأمۊ. خۊدا اۊشأنأ جه کوه سینا، سرزمين مۊعۊد طرف هدايت بۊکۊد.