۱۸-منقسم بۊبۊسته پادشاهي

داوود چهل سال پادشاهی بوکود. بعد اونی بمردن، ؤ أني پسر سليمان اسرائيل^قۊم پادشاه بوبوسته. خۊدا سليمان مرأ رؤيا دۊرۊن گب بزه ؤ انأ واوۊرسه: «مي جأ چي خأئي کی ترأ فأدم ؟» سليمان حکمتأ تقاضا بۊکۊد خۊدا خيلي خۊشحالأ بۊ ؤ اؤنأ حکيم ترين مرد زمين سر بۊکۊد. سليمان خيلي چيزانأ ياد بيگيفت ؤ خردمند^داور بۊ. خۊدا سليمانأ خيلي ثروتمند چأکۊد.

سليمان اؤرشليم دۊرۊن ايتأ معبدي کي داود بصرافت چأکۊدنش بۊ يأ بنا بۊکۊد.جه او زمان، دٔ مردم تأنستيد بجاي ملاقات^خيمه، اۊيأ عبادت بۊکۊنيد ؤ اونأ قورباني تقديم بۊکۊنيد. خۊدا معبد سر نازلأ بۊ ؤ اۊيأ حاضر بۊ ؤ خۊ قۊم مرأ زندگي شروع بۊکۊد.

اما سليمان جه سرزمينأنأ دیگرِ زناکانأ دوست دأشتي. اون تقريبا ۱۰۰۰تأ زن مرأ عروسي بۊکۊد ؤ هن وأسي خۊدا فرمان جأ سرپيچي بۊکۊد. خیلی جه هؤ زناکأن ،بيگانه شهرانه جأ بأموبيد خۊشأن مرأ بت دأشتيد. سليمان کي پيرأ بۊست اؤنم شروع بۊکۊد اۊشأنه بتأ عبادت کۊدن.

خۊداؤند سليمان جأ خشنود نۊبۊ . هنی بي ایطاعتي، موجازات وأسي وعده بفرماست کي ایسرائيل^پادشاهيأ بعد انکی اون بمرده دو نیمه بۊکۊنه.

بعد أن کي سليمان بمرد، أني پسر رحبعام اۊنی جا سر پادشاه بۊبۊست. ایسرائيل همه قبيله يأن جمعأ بؤستيد کي اۊني پادشاهيأ قوبیل بۊکۊنيد. اۊشأن رحبعام رٔ شکايت بۊکۊديد کي سليمان اۊشأن جأ زيادي کار فأکشه ائي ؤ مجبور بيد خیلی ماليات فأديد.اوشان جا رِحُبعام بخواستید کی خو پئر مانستان سخت گیر نبه.

رحبعام اوشأنأ ایتا کال جواب بدأ ؤ بوگوفت: «شۊما فکر کۊنيد مي پئر سخت گيري کۊدي من ولي شيمي جأ ويشتر کار فأکشم ؤ شۊمارأ مي پئر جأ سخت تر تنبيه کۊنم. »

بعد جه اون گب،مردومان زیادی شورش بکودید. ده تأ قبيله جه ایسرائيل قبيلأن رحبعام سلطه جیر نۊشۊئيد. فقط دوتأ قبيله اۊنأ وفادار بمانستيد ؤ هأ دوتأ قبيله یهودا پادشاهيأ خوشان رع نام بناید.

الباقي ده تأ قبيله ايتأ مرداي به نام يربعامأ خۊشانه پادشاه بۊکۊديدکی خۊشان^پادشاهي^قلمروأ شمال هؤ حوالی ميان ايجاد بۊکۊديد ؤ اۊنأ ایسرائيل پادشاهي دۊخأديد.

يربعام بر ضد خۊدا ويريشت ؤ باعث بۊبۊ مردۊم گۊناه طرف بيشيد. اون دو تأ بت چأکۊد ؤ مردۊمأ تشويق بۊکۊد کي جاي هن کي پرستش وأسي خۊدا^خانه اؤرشليم کی در پادشاهی یهودابو بيشيد، اۊشانأ بپرستيد.

يهؤدا پادشاهي ؤ ایسرائيل پادشاهي کس کس مرأ دۊشمن بيد ؤ حتي گاهي همديگه مرأ جنگ کۊديد.

ایسرائيل تازه^پادشاهي دۊرۊن، همه پادشاهان بدکار بيد. ويشتر اۊشان توسط افرادي کي خواستيد سلطنتأ صاحب بيبيد، کشته بۊستيد.

اۊشان همه پادشاهان ؤ خيلي از ایسرائيل^مردم بتأ عبادت کۊديد. اۊشان بوت پرستي اغلب خاک بر سري کاران، خرابدار زناک امر همرا بو و حتي زاکأنه بوتان رع قورباني کودید.

يهؤدا پادشاهي جه داوود نتاج بيد. بعضي جأ هأ پادشايان آدماي عادل ؤ خبي بيد، ؤ يکتا خۊدايأ پرستش کۊديد. اما ويشتر یهودا پادشاهی، بدکار ؤ فاسد ؤ بوت پرست بيد. بعضي جه اۊشان حتي خۊشان زاکأنه بتأنه رٔ قورباني کۊديد. يهؤدا ويشتر اهاليم ضد خۊدا ويريشتيد ؤ الباقي خۊدايانأ پرستش کۊديد.