۱۹. پیامبران

اسرائيل تاريخ دۊرۊن خۊدا پيفمبرانيأ اۊشأنه ره اۊسه کۊد. پيفمبران خۊدا جه پيغامهائي فأگيفتيد ؤ مردۊمأ انتقال دئيد.

اخاب پادشاهي موقع ایسرائيل سر، ايليا پيفمبر بۊ.اخاب بدکار^مردأکي بۊ کي مردۊمأ تشويق کۊدي بعل^بتأ پرستش بۊکۊنيد. ايليا اخابأ بۊگوفتخودا تره تنبه کونه.همچنین اخاب بگوفت: «ایسرائيل قلمرو دۊرۊن هيچ وارش ؤ شي زمين سر فینوه، وقتي کي من بگم. » هأ موضوع اخابأ خيلي عصباني بۊکۊدتا جای که بصرافت دکفت ایلیا بکوشه.

خۊدا ايليايأ بۊگوفت بۊشۊ بيابان دۊرۊن ترأ جه اخاب قائمأکون.ایلیا بشو بیابان میانی هو روخان کناری که خودا نیشان بدابو ،ساکن بوبوست.هر رۊز صبح ؤ عصر کلاغان ايليا رٔ نان ؤ گوشت أورديد. هو مدت میانی اخاب ؤ أني سپاه ايليا دۊنبال گردستيد اما نتأنستيد اۊنأ بيأفيد.

چون وارشی نامویی ،خشک سالي باعث بۊبۊسته بۊ کي رۊخان آب خۊشکأ به.هن وأسي ايليا همسايه سرزمين بۊشۊ.اوسرزمین میانی ايتأ بيوه زنأي کي پسر زأي دأشتي زندگي کۊدي ؤ خشکسالي وأسي هيچ غذائي خوردن رٔ نأشتيد. اما اۊشأن ايليا جأ مراقبت بۊکۊديد ؤ خۊدا اۊشأن رٔ تا وقتي کي وارش نبارستي آرد ؤ روغن فراهم کۊدي. تۊمام خشکسالي دوران أشأن خومره آرد تۊمامأ نۊبوست ؤ اشأن کوزه روغن خالي نۊبۊست. خشکسالي دوران خۊردن رٔ خۊراک دأشتيد. ايليا سه سال اۊيأ بئسا.

سه سال ؤ نيم بعد، خۊدا ايليا يأ بۊگوفت وارش خوای وارستان.خودا جه ایلیا بخواست کي ایسرائيل پادشاهي قلمرو وأگرده ؤ اخاب مرأ گب بزنه. وقتي اخاب ايليايأ بيده بۊگوفت: « تو همه هأ مشکلانأ چأکۊدي!» ايليا جواب بدأ : «همه هأ مشکلان تي وأستيه! تو يهۊوه حقيقي^خۊدايأ ترکأ کودي ؤ بعل ستايش کۊني. همه ایسرائيل^قۊمأ کرمل کوه بأور. »

همه ایسرائيل بهمراه ۴۵۰ نفر جأ بعل^بت^أنبيا مرأ کرمل^کوه بأمۊئيد. ايليا بۊگوفت: « چندر طول بکشه تا شمی افکارأ عوضأ کۊنيد؟ اگه يهۊوه خۊدايه، اۊنأ بپرستيد ؤ اگر بعل خۊدايه اۊني جأ پيروي بۊکۊنيد. »

بزين ايليا وأگردست بعل^بت^أنبيايأ بۊگوفت: «ايتأ ورزأ گاوه قورباني بۊکۊنيد،واون گوشت واوین بزین و قوربانگاه سربنید، اما اۊنأ آتش نزنيد .ؤ منم هأکارا کۊنم ایتا قوربانگاه دیگرسر.ؤ خۊدائي کي اۊنأ آتش بزنه حقيقي خۊدايه.» بزین بعل^بت^کاهنأن، قوربانيأ فراهم بۊکۊديد، ولي آتش روشنأ نۊکۊديد.

بزين اۊشأن بعل^بت طرف دؤعا بۊکۊديد: «أمي دؤعايأ اجابت بۊکۊن! اي بعل. » اۊشأن تۊمام رۊز مشغول دؤعا، ؤ ایجگره زئن ؤ خوشانأ چاقو مرأ زخمی کۊدن بيد. اما هيچ جوابي اۊشانه رٔ نۊبۊوآتشی هم روشن نوبو.

انبیای بعل ،ایتا روز دوعا بکودید دع واکفتید و بس کودید.بزین ايليا ایتا ورزای دیگری هم قوربانگاه سر برنه قربانيأ آمادأ کۊد. بزين بۊگوفت کي مردوم دوازده تأ پيله خومره آب قوربانگاه گوشت ؤ هيمه فۊکۊنيد، طوري کي ، گاو گوشت ،حتي قوربانگاه و اون هیمیان و حتی اون زمين دۊر هيسدأ بۊ.

بزين ايليا هأتو دؤعا بۊکۊد. «اي يهۊوه، اي ایبرايم خۊدا ،ایسحاق ؤ يعقوب امرۊز أمرأ نيشان بده کي تو اسرائيل خۊدا ايسي ؤ من تي خدمتگزارم .مي دؤعايأ ایجابت بۊکۊن تا هأ قۊم بدانيد کي تو حقيقي خۊدا ايسي.

فوري ايتأ آتش آسمان جأ نازل بۊبۊ ؤ گوشت ، هيمه، سنگأن، خاک ؤ حتي هيسد^زمين قوربانگاه دورأ بۊسۊزأنه. مردۊم وقتي أنأ بيده ئيد ،بلافاصله زمين سر بکفتيد ؤ بۊگوفتيد: « يهۊوه خۊدايه!يهۊوه خۊدايه! »

بزين ايليا بۊگوفت : «ولانيد حتي اينفر جأ بعل^بت^أنبيا بۊگوریزه!» پس مردۊم اۊشأنأ بیگیفتیدی ؤ ايليا اۊشانأ جه اۊيأ ببرد ؤ بۊکۊشت.

بعد ايليا اخاب پادشايأ بۊگوفت: « فوري وأگرد بخانه، چونکی بزودي وارش باره. »هۊ زمات، سياه^ابرأن ،آسمانأ بپوشانئيد ؤ تونده باد وارش مرأ بگنست. يهۊوه خۊ کارأ انجام بدأ ؤ ثابت بۊکۊد کي حقيقي خۊدايه.

بعد جا ايليا ماموریت تمام بوستن، خۊدا ايتأ مرداي بنام اليشع پيغمبري رٔ انتخاب بۊکۊد. خۊدا موجزات زياديأ بوسيله اليشع انجام بدأ. ايتأ جه أن موجزات نعمان رٔ کي ايتأ دۊشمن فرمانده بۊ ؤ ايتأ وحشتناکه ناخوشی پۊستيأ مبتلا بۊ رخ بدأ. اۊن در مورد اليشع بيشتأوسته بۊ هن وأسي اۊني ور بۊشۊ ؤ تقاضاي شفا بۊکۊد. اليشع نعمانأ بۊگوفت کي هفت مرتبه خۊرأ اردن^روخان ميان بۊشۊره.

اولش نعمان جأ هأ پيشنهاد عصباني بۊبۊست ؤ نخأستي هأ کارأ بۊکۊنه چونکي فکر کۊدي هأ کارا تۊر^کاره، اما بعد خۊ تصميمأ عوضأ کۊد ؤ هفت مرتبه اردن^روخان ميأن غوطه بۊخۊرد. وقتي کي هفتمين باره رٔ آب جأ بيرون بامو، کاملا شفا پيدا بۊکۊده بۊ! خۊدا اۊنأ شفا بدأ.

خۊدا خيلي پيغمبر ديگه ئي ایسراییل قوم اۊسه کود. اۊشأن همه تأ مردۊمأ ايشتاو بدائيد کي جه بتأن پرستش دست بکشيد ،ؤ رحمت ؤ عدالتأ نسبت به ديگران رعايت بۊکۊنيد، اۊشأن مردۊمأ ايشتاو دئيد کي اگه جه خۊشأن شرارت دست نکشيد ؤ خۊدا جأ ایطاعت بۊکۊنيد.اگر اطو رفتار نکونید، خۊدا غضب به اۊشأن تقصيرات فأرسه ؤ اۊشانأ موجازات کۊنه.

بيشتر موقعیأن، مردۊم خۊدا جأ ایطاعت نۊکۊديد. ویشتر زماتأن اۊشأن پيغمبران مرأ بد رفتاري کۊديد ؤ گاهي حتي اۊشانأ کۊشتيد! ايبار ،ارمياي نبي يأ چاه دۊرۊن تاودائيد ؤ اۊنأ هؤيأ ولا کۊديد تا بيميره. ارميا چاه چؤل دۊرون فرو بۊشۊ .اما بزين ،پادشاه اۊنأ رحم بۊکۊد ؤ خۊ خادمانأ بۊگوفت کی اۊنأ قبل هأن کي بيميره چاه جأ بيرون باوريد.

باانکی مردم جا پیامبران نیفرت داشتید،اوشان بازم در مورد خۊدا گبأ زئيد. اشأن مردومأ ايشتاو دائيد کي اگه تۊبه نۊکۊنيد، جه بين شيدي. اۊشأن همچنين خۊدا عهدأ مردۊمأ خاطر اورديد که همانا موعود^مسيح أمون بۊ.