۲۰-تبعيد ؤ وأگردستن

اسرائيل^پادشاهي ؤ يهؤدا^پادشاهي بر ضد خۊدا گۊناه بۊکۊديد. اؤشأن عهديأ کي سينا^کوه سر خۊدا مرا دوسته بيدأ، بشکنه ئيد. خۊدا پيغمبرانِ زياديأ اۊسه کۊد تا اۊشانأ ایشتاوبده کی توبهبکونید ؤ اون عبادت بۊکۊنید ،اما اۊشأن خودا ایطاعات نوکۊديد.

بنابراين خۊدا اۊشانأ تنبيه بۊکۊد ؤ ايجازه بدأ دۊشمنان ،اۊشانأ نابودا کۊنيد. اسرائيل قۊم امپراتوري آشور دست کي آدماي قوي ؤ بيرحمي بيد جه ميان بۊشۊئيد. آشوريان خيلي مردۊم ایسرائيلأ بۊکۊشتيد، ؤ همه اشانه چيزانأ ارزش دارِ نابودأ کۊديد ؤ ایسرائيل^شهر بعضي جايانأ بۊسۊجانه ئيد.

آشوريان همه رهبران، ثروتمند آدمان ؤ اۊشاني کي مهارتي دأشتيدأ خۊشان مرأ به آشور ببرديد. فقط افرادي کي فقیرو ضعيف بيد ایسرائيل دروون بمانستيد.

بزين آشوريان، بيگانه يانأ سرزمینی کی تحت حاکميت ایسرائیل بو باورديد کي اۊيا زندگي بۊکۊنيد. بيگانه يأن ويرانأ بۊسته شهرانأ دوواره بساختیدی ؤ الباقی ایسرائيليانی کي اۊيأ ايسابيد ،امرأ عروسي بۊکۊديد. الباقي جه نتاج ایسرائيليان کي بيگانیأنِ مرأ عروسي بۊکۊديأ ،سامري دۊخاديد.

مردوم یهودا پادشاهي بيده ئيد کي خوۊدا چۊطوپادشاهی ایسرائيل، بي ايماني ؤ نافرماني وأسي موجازات بۊکۊد، اما اۊشان هوتو بوتأن ؤ کنعان خۊدايانأ بپرستيد. خۊدا پيغمبرانیأ اۊسه کۊد کي اشانأ ايشتاو بده، اما اۊشان هوتو خۊشان کارا کۊديد.

حدود صد سال بعدجا نابودي ایسرائيل پادشاهي توسط آشوريان ، خۊدا نبوکدنصر بابل پادشائيأ انتخاب بۊکۊد کی يهؤدا پادشاهيأ حمله بۊکۊنه. بابليأن قدرتمند امپراتوري بيد. يهؤدا پادشاه قوبیل بۊکۊد کي نبوکدنصرأ خدمت بۊکۊنه ؤ هر سال ماليات ویشتری اۊنأ فأده.

اما چند سال بعد، يهؤدا پادشاهي عليه بابل ويريشت. هن وأسي بابليأن وأگردستيد ؤ دوواره يهؤدا پادشاهيأ حمله بۊکۊديد. بابليأن اورشليم شهرأ تصرف بۊکۊديد، معبدأ نابودأ کۊديد ؤ هر ثروتي کي شهر ؤ معبد دۊرۊن نهأبويأ، خۊشان مرأ ببرديد.

يهؤدا پادشاه تنبيه وأسي، نبوکدنصر سربازان ،اۊن پسرانأ اۊن چوم جلو بوکوشتید ؤ اۊن چومانأ کۊرا کۊديد. بزین، اۊشان پادشايأ خۊشان مرأ ببرديد کی بابل^زندان ميان بيميره.

نبوکدنصر ؤ أني سپاهيان تقريبا همه يهؤدا قلمرو اهاليأ خۊشان مرأ ببرديد بابل ؤ فقط ضعيف آدمان باقي بمانستيد کی زیمين سر زراعت بۊکۊنيد. هأ دوره زماني کي خۊدا قۊم وادار بوبوستید کی سرزمين موعود ترکأ کۊیدأ، تبعيد بنامستيد.

اگه چی تبعيد،خۊدا موجازات ایسرائيل قۊم گۊناه واسی بۊ، اۊن نه اۊشان ؤ نه وعده أنی کي اۊشانأ بدأ بۊيأ فراموشا نۊکۊد. خۊدا خۊ قۊم مراقب بۊ اۊشان مرأ بوسيله خۊ انبيأ گب زئي. خۊدا اۊشانأ وعده بدأ کي بعد هفتاد سال دوواره ایسرائيل قۊمأ به موعود سرزمين واگردأنه.

هفتاد سال بعد ،پارسيان پادشاه کوروش، بابليانأ شکست بدأ وهأطۊ پارسيان امپراتوري بابليان^امپراتوري جايأ بيگيفت. ایسرائيل مردۊمأ هأ زمات يهؤدي دۊخاديد ؤ ويشتراوشأن تۊمام خۊشانأ عمرأ بابل دۊرۊن زندگي بۊکۊده بيد. فقط تعداد کمي کي خيلي پير بيد، تأنستيد يهؤدا سرزمينأ خاطر باوريد.

پارس^امپراتوري در عين قدرتمند بۊدن ،نسبت به مغلوب قۊمأن، با ملايمت ؤ مهرباني رفتار کۊدي. بعدجا کوتاه مدتي کوروش پادشاه پارس بۊبۊست ،اون دستور بدأ کي هر يهؤدي کي خأيه به يهؤدا واگرده تأنه پارس^سرزمينأ ترکأ کۊنه .ؤ يهؤدا^سرزمين واگرده. اۊن حتي اۊشانأ پول فادأ کي اورشليم معبدأ دوواره بازسازی بۊکۊنيد!بعد هفتاد سال تبعيد، کوجي گروهي جه يهؤديان به اورشليم يهؤدا^سرزمين وأگردستيد.

وقتي قۊم اورشليمأ فأرسه ئيد ،معبد ؤ ديوارأ بازسازي بۊکۊديد. اگه چی اۊشان هنوپارسیان حکومتِ سلطه جیر ايسابيد،اما الان سرزمين موعود دۊرۊن ایسابید ؤ تأنستيد خۊدايا اورشليم معبد ميان پرستش بۊکۊنيد.