۲۱-خۊدا مسيح أمون وعده يأ دئهه
جه هۊ اول آفرینشخۊدا دانستی کی بعد جا مدت طولانی واسی موعود^مسيحأ اۊسه کۊنه. مسيح وعده يأ خۊدا اول بار آدم ؤ حوايأ بدأ. خۊدا وعده بدأ کي جه حوا نتاج اينفر أيه کي مار سرأ کۊبه. ماري کي حوايأ فريب بدأ بو شيطان بۊ. وعده أن بۊ کي مسيح، شيطانأ کامل شکست دئهه.
خۊدا ایبرايمأ وعده بدأ کي اۊنأ مرأ همه دونيا مردومأ برکت د ئهه. اون خو وعده مسيح أمون مرع عملی بکود. مسیح موعود بایستی تۊمام آدمان جا هر قوم و نتاجی جه گوناه نیجاتأ بدا.
خۊدا مۊسايأ وعده بدأ کي آينده دۊرۊن اۊن منستأن پيغمبر ويريزه. او نیجات دهنده هو مسیح موعود بو.أنم ايتأ ديگه وعده مسيح أمون رٔ.
خۊدا داودأ پادشاهیأ وعده بدأ کي جه اۊنی نتاج تا ابد خۊدا قۊمأ سلطنت کۊنيد. هأن به هأ معني بۊ کي مسيح جه داوود نتاج خأيه امون.
خودا جه طریق ارميا نبي وعده بفرماست کي تازه عهدأ فراهم کۊنه، اما نه مثل عهدي کي خۊدا ایسرائيل مرا کوه سینا دوسته بۊ. تازه عهد دۊرۊن، خۊدا خۊ قانونأ مردۊم قلب سر نيويسه، و مردۊم خوشأن خۊداي شخصا شناسيد، واون محبت و احکام جه ایطاعت کونید. مسيح اون کسی ایسه کی اع تازه عهدأ اوشان امرع دوده.اوشان خۊدا قۊم بیدی و خۊدا اشأن گۊنايأنأ بخشه.
خۊدا پيغمبرانم بۊگفتيد کي موعود مسيح پيغمبر،کاهن ؤ پادشه خأيه بۊستن. پيغمبر کسي ايسه کي، خۊداصدایأ کلامأ ايشتاوه ؤ اۊنأ مردۊم رٔ واگۊيا کۊنه. موعود^مسيح خودا،ایتا کامل پيغمبر بۊ.چون اون خودا پپغامان کاملا ایشتاوستی و مردوم رع واگویا کودی.
يهؤدي^کاهنان جه طرف مردۊم اشأن گونایان واسی خۊدا ره قورباني نيهيد .همچنين کاهنان مردۊم رٔ خۊدا درگاه دؤعا کۊديد. اما قرار بۊ موعد^مسيح پيله کاهن ببه کي خۊدشأ ايتأ کامل قورباني منستأن تقديم خۊدا بۊکۊنه.یعنی اون هرگز گوناه نوکود و خودش قوربانی منستان خودای تقدیم بکونه،بزین هیچ قوربانی جه خاطر گونایان لازم نیه.
پادشان و حاکیمان کی مردوم رو حکمرانی کونید گاهی ایشتاهاتی هم دارید و کامل نید.داوود پادشاه فقط ایسرایلیان رو حکومت بکود.موعود^مسيح کامل^پادشاه خأيه بۊستن کي داوود خۊ جد سلطنت تخت سر نيشينه ؤ تۊمام دونيايأ حکومت کۊنه. اۊن صادقانه داوري کۊنه ؤ هميشک درست^تصميمانأ گيره.
پيغمبران کی جا طرف خودا اموید موعود^مسيح تولدأ پيش بيني بۊکۊده بيد. ملاکي^نبي پيش بيني بۊکۊده بۊ کي قبل مسيح أمون، پيله^پيغمبر ديگه أيه. اشعياي^نبي پيشگوئي بۊکۊده بۊ کی مسيح جه ايتأ باکره تولد يأفه. ميکاه^نبي هم بۊگفته بۊ کي بيت لحم شهر دۊرۊن تولد يأفه.
اشعياي^نبي بۊگوفت کي مسيح جليل دۊرۊن زندگي کۊنه .اۊن آدمان بشکسته قلبانأ آرامش دئهه ؤ اسيرانأ آزادي بخشه. اۊن همچنين پيشگوئي کونه کي موعود^مسيح مریضأنأ يعني کوران، چولأقأن،کرأن ؤ لالأنم شفا دئهه.
اشعياي^نبي همچنين پيشگۊئي بۊکۊده بۊ کي مردم جه موعود^مسيح نیفرت خوای داشتن و اون قبویل نخواهی کودن. ایتا دیگه پيغمبر پيشگۊئي بۊکۊده بوکي ایتا جا مسیح ریفقان اون تنها نهه. زکرياپیغمبر پيش بيني بۊکۊد هو مسيح ریفیق سي تأ نقره ئي سکه واسی مسيحأ خيانت کونه. اوشأنی کي مسيحأ کۊشيدي اۊن رختِ سر قرعه تاوديد .
همچنين پيغمبران راجع به أن کي موعود^مسيح چۊطۊ ميره بۊگفته بيد. اشعياي^نبي پيشگوئي بۊکۊده بۊ کي مردۊم اۊن رۊ فيلي فۊکۊنيد ؤ اؤنا لگد دیمیج کۊنيدو رخشن گیرد. بزين أني جانأ سوراخ کونید کی ايتأ پيله دردأ مرأ بيميره، با انکي هيچ کار اشتباهي نۊکۊده بۊ.
پيغمبران همچنين پيشگۊئي بۊکۊده بيد کي موعود^مسيح وأسي کامل^انسان ؤ بدون هيچ گۊناهي ببه. اۊن وأسي تنبيه ؤ موجازات ببه ؤ بزين مردۊم گۊنايانه رٔ بيميره، اۊن مجازات باعث بۊستي کي بين انسان ؤ خۊدا آرامش بایه. هن وأسي خۊدا اراده هن بۊ ،کي مسيح مضروب ؤ کوشته ببه.
پيغمبران پيشگوئي بۊکۊديد کي مسيح وأستي بيميره ؤ خۊدا همچنين خۊأستي اۊنأ جه مرده يأن ويريزأنه. بنابران مسيح مردن ؤ ويرشتن جه مرگ،خۊدا خواستي کي گۊناهکاران نیجات نقشه يأ کاملأ کۊنه ؤ تازه عهدي بشر مرأ دوده.
خۊدا خيلي چيزأن درواره مسيح أمون پيغميران رٔ واکوده. اما مسيح هو زمان هيتأ جه هأ پيغمبران هنو نأمو ؤ ويشتر جه ۴۰۰ سال بعد جه آخرأن پيشگوئي ، وختي کي زمان به کمال برسه، خۊدا مسيحأ جهان دروون اۊسه کۊد.
کتاب پیدایش: فصل ۳ و۱۲؛ کتاب تثنیه فصل ۱۸ آیه ۱۵؛ کتاب دوم سموئیل فصل ۷؛ مزمور شماره ۱۶ و ۲۲ و ۳۵ و ۶۹ و ۴۱؛ کتاب اشعیا فصل ۷ ایه ۱۴ و فصل ۹ ایه ۱ تا ۷ و فصل ۵۰ آیه ۶ و فصل ۵۹ آیه ۱۶و فصل ۵۳ و ۶۱؛ کتاب ارمیا فصل ۳۱؛ کتاب دانیال فصل ۷؛ کتاب میکا فصل ۵ آیه ۲؛ کتاب زکریا فصل از ۱۱ تا فصل ۱۲ آیه ۱۲ و ۱۳؛ کتاب ملاکی فصل ۴ آیه ۵.
رایگان برای استفاده، اقتباس و اشتراکگذاری تحت مجوز باز (CC BY-SA 4.0).