۲۴- یوحنا عيسايأ تعميد دئهه

يوحنا زکريا ؤ اليزابت پسر، پيلأ بۊست ؤ به پيغمبري اینتخاب بۊبۊست. اۊن ايتأ بيابان دۊرۊن زندگي کۊدي، صحرائي^عسل ؤ ملخ خۊرديو ايتأ رخت جه شتر پشم دۊکۊدي.

خیلی جه مردۊم شۊئيد بيابان يوحنا ويرجأ ؤ اۊنی گبانأ گوش کۊديد. اۊن اۊشانه ره مۊعظه کۊدي ؤ گفتي :«توبه بۊکۊنيد چونکی خۊدا پادشاهي نزديکه. »

مردۊم وقتي يوحنا پیغامأ ايشتاوستيد، خيلي جه اوشأن، خۊشأن گونأيأن جأ توبه کۊديد ؤ يوحنا اۊشانأ آب مرأ تعميد دأئي. خيلي جه مذهبي^رهبرانم تعميد آب وأسي يوحنا ويرجأ أموئيد، اما به خۊشان گونأيأن اعتراف نۊکۊديد ؤ توبه نۊکۊديد.

يوحنا مذهبي رهبرانأ گوفتي: « اي سمي لأنتيأن! توبه بۊکۊنيد ؤ شيمي رفتارأ عوضأ کۊند. خودا هر تأ دار کي خب ميوه نأوره ،وأوه به ؤ آتش میأن دکفه. »يوحنا پيغمبر پيشگوئيأنأ تومأمأ کوده کي بۊگفته بۊ: « فأندر، هسأ من مي پيغامأ آورأ تی ورجأ، اۊسه کۊنم تاکی تی رايأ هموارأ کۊنه. »

بعضي يهؤديأن يوحنا جأ واوۊرسه ئيد: «کي تو مسيح ايسي؟» يوحنا جواب بدأ: « من مسيح نيم ،اما اينفر بعد من أيه کي أني موقام مي جأ خيلي بوجورتره ،اۊنقد کي من لياقت نارم اۊني کفش بندانأ وازا کۊنم. »

رۊز بعد عيسا تعميد وأسي ،يوحناکی تعمید دهی، ويرجأ بأمو. وقتي يوحنا اۊنأ بيده بۊگوفت: «أن هۊ بره ائي ايسه کي خۊدا اۊسه کۊده کی مردۊم دونیأ گونايأنأ بیأمورزه و اوشأنأ ره قورباني ببه. »

يوحنا کی تعمید دهی، عيسايأ بۊگوفت : «من لايق نيئم کي ترأ تعميد بدم. أن منم کي وأسي تي جأ تعميد بيگيرم. »اما عيسا بۊگوفت : «تۊ مرأ تعميد بده، چونکی درست کار هنه. »هن وأسي يوحنا عيسايأتعمید بدا، با أن کي هیوخت گۊناه نۊکۊده .

وقتي عيسا بعد تعميد جه آب بيرون بأمو، خۊدا^روح ايتأ کۊتر منستأن بو بيجير بأمو ؤ اۊنی رو قرار بيگيفت ؤ هۊ وخت ،خۊدا ندا جه آسمان فأرسه: « تۊ مي پسر ايسي ترأ دوست دأرم ؤ تي جأ خشنودم. »

خۊدا يوحنايأ بۊگوفته بۊ: «روح القدس هر کسِ رو کي تو اۊنأ تعميد ديهي خأیه اَمون، هؤ کس خۊدا پسره. »خۊدا ايتأيه اما هتو کي يوحنا عيسايأ تعميد بدأ خۊداي پئرأ صدايأ بيشنأوست. خۊداي پسر يعني عيسايأ بيده ؤ روح القدسأ هم بیده.