۲۵-شيطان عيسايأ وسوسه کۊنه
بعدجه عيسا تعميد، خۊدا روح هو موقه اۊنأ بره بيابان دروون. هو جائي کي اۊن چهل شوند رۊز ، رۊزه بيگيفت. بزين شيطان عيسا ويرجأ بأمۊ، ؤ اۊنا وسوسه بۊکۊد کی اونأ گونأه میأن تأۊده .
شيطان عيسايأ وسوسه بۊکۊد ؤ بۊگوفت: « اگه تۊ خۊدا پسر ايسي، هأ سنگانأ بۊگۊ نان بيبيد تا بتأني بۊخۊري!»
عيسا جواب بدأ: خۊدا کلام دۊرۊن بينويشته « انسان زنده ايسأنه ره فقط غذايأ نیاز نأره ،بلکی هر تأ کلمه کي جه خۊدا دهن بیرون اَیه!»
بزين شيطان اۊنأ ببرده بوجورترین جأیه معبد ؤ بۊگوفت: «تره جه هأيأ تأود بجیر ،ؤ ثابت بۊکۊن کي خۊدا زأي ايسي؛ چون آسماني^کيتاب دۊرۊن بينويشته : « خۊدا خۊ فرشتانأ اۊسه کونه کی ترأ بگیرید، کی نوکونه تي پا سنگأ بخوره. »
اما عيسا هو کاران نکوده کی شيطان اون گوفتی وجواب بدأ : خۊدا خو کلام دۊرۊن خۊ قۊمأ دستور بفرماست :« تی خۊداؤندي خۊدا آزمايش نۊکۊن. »
بزين شيطان اۊنأ به ايتأ پيله کوه تۊکألي بوبرد ؤ تۊمام جهانِ قدرت ؤ شکوه ؤ ثروت اۊنأ نيشان بدأ ؤ بۊگوفت: «أگه زانو بزني ؤ مراسجده بۊکۊني ،أشانأ همه تايأ ترأ بخشم. »
عيسا جواب بدأ: مي جأ دورأ بۊ اي شيطان! خۊدا کلام دۊرۊن اۊن خۊ قۊمأ امر بفرماست کي: فقط تی «خۊداؤندي خۊدايأ پرستش بۊکۊن ؤ تنها اۊنأ خدمت بۊکۊن. »
عيسا شيطان وسوسه يأنه دام دۊرۊن گرفتارأ نۊبۊست. پس شيطان اۊنأ ترکأ کۊد ؤ فرشتأن بأمؤئيد ؤ عيسا ره خدمت بۊکۊديد.
کتاب انجیل متی باب ۴ آیه ۱ تا ۱۱، کتاب انجیل مرقس باب ۱ آیه ۱۲ و ۱۳، کتاب انجیل لوقا باب ۴ آیه ۱ تا ۱۳
رایگان برای استفاده، اقتباس و اشتراکگذاری تحت مجوز باز (CC BY-SA 4.0).