۲۷- سامري^نيکو داستان
ايتأ رۊز ايتأ جه مذهبي استادان عيسا ويرجأ بأمو.اون خاستی ثابت بکون کی عیسی اموجان ایشتباهِ. اۊنی جأ واورسه: «اوستاد، انسان چي وأ بۊکۊنه کی جاوداني زندگی بيأفه؟» عيسا جواب بدأ : «تورات^کيتاب دۊرۊن در هأ باره چي بينوسته بۊبۊسته؟»
اومردای بگوفت: « تی خۊداوند،خۊدايأ تی تؤمام ديل، جان ؤ تی تؤمأم فکر مرأ دوست بدار.تي همساده يأ هۊن قدر کي ترأ دوست داري ،دوست بدأر. » بزين عيسی بفرماست«:درست گي!تۊ هم هأ کارأ بۊکۊن کی ابدی حيات بداري. »
اما هۊ عالم مذهبی چونکی خؤأستي خۊرأ آدم پارسائي نيشان بده. بازم واورسه: «مي همساده کيسه؟»
عيسی ايتأ داستان مرأ مذهبي^رهبرجوابأ بدأ: «يهؤدي مرداي جه اورشليم اريحا طرف سفرأ دۊبۊ
راه دۊرۊن ، راهزنان أنأ حمله بۊکۊديد واون اموالأ فأگيفتيد، اۊنأ لگدمیج کودید ؤ اۊن لث جانِ مرا جاده کناره ولأ کۊديد.
بعد هأ ماجرا ،يهؤدي^کاهن جه اۊيا ردبوستی. وقتي هو مرداکأ کی جاده کناره کفتابوبیده، جه طرفِ دیگه یه جاده خۊ رايأ بيگيفته بشو و اون ندید بیگیفت. »
پور زماتی نبوبوکی ايتأ لاوي جه راه فأرسه( لاويان ايتأ ایسرائيل قبيله شين بيد کي کاهنانأ معبد دۊرۊن کمک کۊديد) اۊنم اهو طرفِ جاده بۊشۊ ؤ هأ مرداکأ ندید بیگیفت و خوره نه نهه.
بعد اينفر سامري بأمۊ(سامريأن جه يهؤديان همديگه جا نیفرت دأشتيد) .وختي سامري هۊ زخمي مرداکأ بيده با أنی یهودی بو،ولی اون ديل بۊسوخت ؤ أني زخمانأ بۊشست ، مرحم بمالست ؤ دۊست. »
بزين سامري مردأي اۊنأ خۊ اولاغ سر سوارأ کۊد، ؤ ببرده ايتأ مهمانخانه ؤ اۊني جأ مراقبت بۊکۊد. »
«فرداي هۊ رۊز هۊ ،سامري مجبور بۊ خۊ سفرأ ادامه بده. ايپچه پول مهمانخانه دارأ فأدأ ؤ بۊگوفت: «هأ شخص جأ مراقبت بۊکۊن ؤ اگه ويشتر جه أن خرج بۊکۊني، وقتي وأگردستم ترأ فأدم. »
بزين عيسی جه هؤ مذهبي^عالم واورسه: «هاسه تو فکر کۊني کۊيتأ جه هأ سه نفر، هؤ مرداکي کي انی جأ دوزدی بوکودید و انأ چوب بزئید همساده بۊ؟» مذهبي عالم جواب بدأ:« اۊنيکي اۊنی جأ مراقبت بۊکۊده بۊ ؤ عيسا بۊگوفت : «تونم بۊشۊ هأتۊ بۊکۊن. »
کتاب انجیل لوقا باب ۱۰ آیههای ۲۵ تا ۳۷
رایگان برای استفاده، اقتباس و اشتراکگذاری تحت مجوز باز (CC BY-SA 4.0).