۲۸- ثروتمند^جوان
ايتأ رۊز ايتأ جه سران کی ثروتمند بو عيسی ويرجأ بامو ؤ واوؤرسه: « نيکو^اوستاد ،چي وأ بۊکۊنيم کی جاودان زندگی بیافیم؟ »عيسی اۊنأ بۊگوفت: « چره مرأ نيکو دۊخاني؟ هسأ کي، جه غيرزِ خۊدا هي کس نيکو نيه. اگه خأئي جاودان زندگی بداري، خۊدا دستوران دونبال کون. »
اۊن واوؤرسه : «کۊيتأ فرمانان جا وأسي دونبال کۊنم؟» عيسا جواب بدأ«: قتل نۊکۊن،زنا نۊکۊن،دوزدي نۊکۊن، دورۊغ نۊگۊ،تي پئر ؤ مارأ احترام بنه ؤ ديگرانأ خۊدتِ منستأن دوست بدأر. »
ولي جوان مردأي بۊگوفت: «جه کوچکی دوران تا هساتۊمام هأ فرمانان حفظ بۊکۊدم،هسأ دٔ چي وأ بۊکۊنم کی جاودان زندگی بيافم؟» عيسا محبت مرأ اۊنأ فأندرست.
وعيسی جواب بدأ: « اگه خأئي بهتر جا اون بکونی، بۊشۊ ؤ هر چي دأري بۊفروش ؤ اۊن پولأ فقيرانأ فأدن تا تي گنج آسمان دۊرۊن ببه نه زمين سر! بزين بيأ ؤ مرأ دونبال کون! »
وقتي هۊ جوانِ مردأي ها عيسی حرفأ بيشتوست ،خيلي اندوهگينأ بۊست چونکي ثروتمند بۊ ؤ نخأستي خۊ مال ؤ اموالأ جا دست بده. اۊن خۊ رؤيأ واگردأنه ؤ جه عيسی ويرجأ بۊشۊ.
بزين عيسی خۊ شاگردأنأ بۊگوفت : «أنأ بدأنيد کي ايتأ ثروتمند وارد بۊستن بخۊدا ملکوت خيلي سخت ايسه. بازم گم شۊتۊر ،گۊذشتن جه سوزن سوراخ راحتتر ایسه جه ايتأ ثروتمند وارد بۊستن بخۊدا ملکۊت! »
شاگردان وقتی هأحرفأنأ بيشتأوستيدي متعجبأ بۊستيد ؤ واوۊرسئيد،:« پس کي تأنه نیجات بيأفه؟»
عيسا خۊ شاگردانأ فأندرست و بۊگوفت،: «اینسان نتانه خودش نیجات بده، ولي خۊدا ره همه چي ممکن ايسه. »
پطرس عيسايأ بۊگوفت: « امأن جه أمي همه چي دست بکشئيم کی تیی دۊنبال بئيم ،هسأ چي پاداشی امره دأره؟»
عيسی جواب بدأ: « هر کي مي خاطر وأسي جه خۊ خاخؤر ۊ برار، پئر ؤ مار ؤ زأي، خانه ؤ زمين دست بکشه، صد مرتبه ويشتر يأفه ؤ جاودان زندگيأ بدست أوره. ولي خيلیيأن کي اول ايسيد، آخر بيد ؤ خیلییآن کي آخريدي، اول بيد.
انجیل متی فصل ۱۹ آیه های ۱۶ تا ۳۰، انجیل مرقس فصل ۱۰ آیه های ۱۷ تا ۳۱، انجیل لوقا فصل ۱۸ آیه های ۱۸ تا ۳۰
رایگان برای استفاده، اقتباس و اشتراکگذاری تحت مجوز باز (CC BY-SA 4.0).