۲۹- بيرحم^ خدمتکار داستان

ايتأ رۊز پطرس عيسايأ واوۊرسه: « اوستاد ،براري کي أمي مرأ بدي بۊکۊنه، چند وار وأسي ببخشيم؟آيا هفت بار؟»عيسا بۊگفت:« نه هفت بار، بلکی هفتاد تأ هفت بار!. »عيسا أن وأسي خأستي بگه کي امأن هميشک وأسي ببخشيم. بزين عيسا هأ داستانأ بۊگوفت.

اون بگوفت،« خۊداؤند ملکوت پادشاهيأ مأنه کي تصميم بيگيفت خۊ حسابانأ خۊ خدمتکارأنأ امرأ تسويه بۊکۊنه. ايتأ جه هۊ خدمتکاران بدهي، معادل دستمزد ۲۰۰۰۰۰ سال کار دأشتي. »

از هۊيأ کي خدمتکار نتأنستي هأ مقدار بدهيأ وأگردانه، پادشاه دستور بدأ در ازاي أن بدهي ،اؤنأوأني زن ؤ زأي ؤ تۊمام أنی دارائيان بۊفرۊشيد.

ولي هۊ مرداي پادشاه پا سر بکفت ؤ التماس بۊکۊد ؤ بۊگوفت: « اَي پادشاه، خایش کونم مرأ فورصت بده کی تۊمام مي بدهيأ تا آخر فادم. »پادشاه ديل بۊسوخت ،پس اؤنأ آزادأ کۊد ؤ اۊنی بدهيأ ببخشه.

اما وختي کي هۊ خدمتکار جه شاه^دربار بيرون بأمۊ ،ايتأ جه خۊ همکارأنأ کي بقده چهار ماه اۊنأ طلب دأشتي بيده .بزیناۊني گۊليأ دخشارد ؤ بۊگوفت : «زود واش می پولأ فأده. »

اۊني بدهکار^ريفق اۊن پا سر بکفت ؤ بۊگوفت: « تره خأهش کۊنم مرأ فورصت بده کی تۊمام مي بدهيأ ترأ پسأ دم. »اما طلبکار راضيأ نۊبۊست ؤ خۊ همکارأ تاودأ زندان کی همه یه خو پولأ وأگردانه.

وقتي هۊ شخص دوستأن هأ ماجرايأ بيشتأوستيد، خيلي اندوهگينأ بۊستيد ؤ شاه ويرجأ بۊشۊئيد، تۊمام ماجرايأ اۊن بوگفتید.

پادشاه بيلافاصله هۊ مرداکأ دۊخاد ؤ بۊگوفت: « اَي جاهیل و شرشور! من تي خأهش وأسي تي پیله بدهيأ ببخشئم. تو هم وأسي هأ رفتارأ تي همکار مرأ بۊکۊده بي. »پادشاه خيلي غظبناکأ بۊست ؤ دستور بدأ اۊنأ زندان تأوديد ؤ تا اۊن بدهيأ وانگردأنه، اۊنأ آزادأ نۊکۊنيد.

بزين عيسی بۊگفت: «مي آسماني پئر شيمي مرأ هأتو رفتار کۊنه، اگه شۊمان شيمي برارأ جه ديل ته نبخشيد.