۳۰- عیسی مسیح پنج هیزارنفر غذا دئیه

عيسا خۊ رسولانأ بشارت ؤ تعليم وأسي خیلی روستايانأ اۊسه کۊد. وقتي اۊشأن وأگردستيد، عيساي در جريان خۊشان کاران بنأئيد. بزين عسيا اؤشانأ ايتأ خلوت جيگا درياچه نزديکي ببرد تا ايپچه ایستراحت بۊکۊنيد. و بزین همه بوشوئید ايتأ کشتي دۊرۊن ؤ اؤ طرف رؤخان بۊشۊئيدی.

چون مردۊم بيدئيد کي عيسی ؤ أوني شاگردان کشتي مرأ جه اۊيأ بۊشۊئيد، اؤشأن دريا کنار بدؤوستيد کی او طرف ديگه دریا فأرسئيد. وختي عيسی ؤ أوني شاگردان هم اؤيأ فأرسئيد ،مردۊم زيادي اؤيأ اشأنأ رافا ايسابيد ؤ اؤشأنی جأ استقبال بۊکۊديد.

آدمأن بدون ایشماردن زناکأن ؤ زاکأن، حدود پنج هيزارتأ مرداي بيد. عيسا^مسيح ديل خيلي اَشأنه رٔ بۊسۊخت، چونکی بي چوپان گۊسفندان منستأن بيد.بزین شروع بکود اوشان آموجش دهن و اوشانی که ناخوش احوال بید،شفا بده.

غروب دم، شاگردأن عيسی ويرجا بأموئيد ؤ بۊگوفتيد: « اي اوستاد !مردۊمأ بيگيد بيشيد کی خۊشأن رٔ خوراک تهيه بۊکۊنيد؛ چون هأ دور دکفته جيگا، هيچي خۊردن رٔ پيدا نيبه. »

اما عيسی خۊ شاگردانأ بۊگوفت: «شۊمان خودتان أشأنأ خۊراک فأديد. »اۊشأن جواب بدأئيد: « چۊ تۊ تأنيم هأ جمعيتأ سئیرکونیم؟! امأن فقط پنج تأ قرص نان ؤ دوتأ کوجي ماهي دأريم. »

عيسی خۊ شاگردانأ بۊگوفت کي مردۊمأ بيگيد، پنجاه نفري گروهأن دۊرۊن سبزأنه سر بينيشتيد.

بزين عيسی پنج تأ نان ؤ دونه ماهيأ خۊ دست بيگيفت ؤ آسمانأ فأندرست ؤ خۊدايأ خوراک وأسي شوکر بۊکۊد ؤ اۊنأ برکت بدأ.

بزين عيسی نانأن ؤ ماهيانأ تيکه تيکأ کۊد. اوشأنأ خۊ شاگردانأ فأدأ کی مردۊم دۊرۊن سهم بۊکۊنيد. شاگردأن اونقد مردۊمأ خوراک بدأئيد کی بخۊرديد ؤ سيرأ بۊستيد، اما چیزی جا او خوراک کم نبوستی.

بعد اۊن شاگردان جه خۊرده نانأن ؤ پسمأنسته يأن جمعأ کۊديد،هاطو بوکی جا او پنج تا نان دونه ماهی، دوازده تا سبد پور بوست.