۳۱- عيسی آب سر راه شه
بعد جا خوراک دهن مردوم عيسی خۊ شاگردانأ بفرماست کي لودکایه سوارأ بيد، ؤ هۊ طرف درياچه بيشيد،اما اون ایپچه اویه بیئسه .بزین کي عيسا مردۊمأ اۊسه کۊد. ايتأ کوه جۊر بۊشۊ کی دؤعا بۊکۊنه. اۊن اۊيأ تنها بۊ ؤ تا آخر شب دؤعا بۊکۊد.
هأ ميأن، شاگردأن لودکا دۊرۊن پارو زئنديبيد، اما تا نصف شب فقط بتأ نسته بيد وسط درياچه فأرسيد. چون کي برخلاف تۊروأ (باد شدید)پارو زئن سخت انجام بۊستي.
عيسی بزين خۊ دؤعايأ تۊمامأ کۊد ؤ خۊ شاگردان طرف بۊشۊ. اۊن اۊشأن لودکا ور آب سر قدم بزه.
وختي شاگردان عيسايأ بيدئيد، خيلي بترسئيد، چون فکر کۊديد ايتأ روح دئندريد. عيسی دأنستي کي اۊشان بترسایدی، بزين اۊشانأ بفرماست: « نترسيد منم! »
بزين پطرس عيسايأ بۊگفت: « مي سرور ،اگه حقيقتن شمائيد، دستور بديد منم آب سر راه بشم ؤ شيمي ور بأيم. » عيسی پطرسأ بفرماست: «بيأ!»
بزين پطرس جه لودکا بيرون بأمو ؤ آب سر راه دکفت ؤ عيسی ور بۊشۊ. اما بعد ايتأ کوتاه مسافتأ کی بوشو، اۊن عيسی جأ رو وأگردأنه ؤ پيله موجانأ چۊم بۊدخت ؤ تۊروا (باد شدید) قدرتأ احساس بۊکۊد.
ایتافای پطرسأبترسه،اون وحشت بيگيفت ؤ شروع بۊکۊد آبا بۊدرون شؤن، اۊن اجگیره زای : «مي سرور مرأ نیجات بديد! » عيسی فوري خۊ بالأ درازأ کۊد ؤ اۊنأ بيرون فأکشه. بزين عيسی پطرسأ بۊگفت: «اي کم ايمان، چره مرع ایعتمادنوکودی تا در امان بمانی ؟»
وقتي پطرس ؤ عيسی لودکأیه سوارأ بۊستيد ،باد گنستن (وزش)فوري قطعأ بؤست ؤ آب آرام بيگيفت. شاگردان کي خيلي قاق بۊبۊسته بيد، عيسايأ پرستش بۊکۊديد، ؤ بۊگوفتيد: «راس راسی کي تو خۊدا پسري ايسي . »
انجیل متی فصل ۱۴ آیه های ۲۲ تا ۳۳؛ انجیل مرقس فصل ۶ آیه های ۴۵ تا ۵۲؛ انجیل یوحنا فصل ۶ آیه های ۱۶ تا ۲۱
رایگان برای استفاده، اقتباس و اشتراکگذاری تحت مجوز باز (CC BY-SA 4.0).