۳۲- ديو بزه^مرداک ؤ ناخۊش^زناک شفا دئن عيسا مرأ
ايتأ رۊز عيسی ؤ أوني شاگردان لودکا مرأ أۊ طرف درياچه جدريان^شهر بۊشۊئيد.وختی خشکی فارسید جه لوتکا بیجیر باموید.
ایتا مردای اوی ایسابو کي روح پليدأ گرفتارأ بۊسته بۊ.
هۊ مردای أنقده قوي بۊ کي هيکس نتأنستي اۊنأ رام کۊنه. بارها اۊنأ زنجير مرأ دوسته بيد، ولي اۊن زنجيرانأ پارأ کۊدي.
هۊ مردأي قبرأن هو کوگاه زندگي کۊدي. اۊن شونده روز نعره کۊدي.رخت دوکوده نأشتي ؤ خۊرأ تيز سنگأن مرأ همش زئي ؤ زخمي کۊدي.
وقتي عيسی ويرجأ فأرسه، اۊني جؤلو خاکِ سر بکفت. عيسی ديوأ بفرماست: «جأ هأ مردأي بيرون بۊشۊ! »
هۊ ديوپیله ایجگره بزئه ؤ بۊگوفت: «اي عيسی، خۊدا متعال زأي ،مي جأ چي خأئي؟ خاهش کۊنم مرأ زجر نده! » عيسی بزين هۊ ديوأ واوؤرسه: « تي نام چيسه؟» اۊن جواب بدأ: «مي نام لژيون ايسه، چونکی أمي تعداد زياد ايسه.» (لژيون ايتأ جرگه حدود چند هيزار روم ارتش سربازان بيد)
ديوأن عيسی جأ خاهش بۊکۊديد: « أمرأ جه هأ منطقه بيرؤنأ نۊکۊن» هوموقه ايتأ گله خۊک بولندي سر چرستأنديبيد. ناپاک^ارواح عيسايأ التماس بۊکۊديد ؤ بۊگوفتيدي: «بزین أمرأ خۊکان دۊرۊن تأود» عيسی ایجازه بدا بفرماست : «بيشيد»
ديوأن جأ هۊ مردأي بيرونأ بۊستيد، ؤ خۊکأن دۊرۊن بۊشۊئيد. تۊمام هۊ گله بلندي جأ دکفتيد درياچه دۊرۊن ؤ دمرديد. هۊ گله حدود ۲۰۰۰تأ خۊک دأشتي.
خۊک چرانأن کي گله يأ پاستانديبيد، وختي هأ اتفاقأنأ بيدئيد دهات اطرافأ فرار بۊکۊديد ؤ هر جا فأرسئيد مردۊمأجا عیسی کار واخبرأ کۊديد. طولي نکشه که ايتأ عالمه مردوم بأمۊئيد ؤ هۊ ديو بزه مردأکأ بيدئيد کي آرام نيشته ،ؤ رخت دۊکۊده ؤ کاملا عاقلأ بۊسته بو.
مردۊم خيلي بترسئيد، ؤ عيسی جأ بخواستيد کي اۊيايأ ترکأ کۊنه. عيسايم لودکا دروون وأگردست تا هۊيايأ ترکأ کۊنه .ولي هۊ مرداي کي قبل اون ديوأ اسير بۊ عيسی جأ خاهش بۊکۊد کي اۊنم خۊ أمرأ ببره.
اما عيسی اۊنأ بۊگوفت: « کي تي خانه وأگرد ؤ همه کس بۊگۊ کي خۊدا تره چي بۊکۊده ؤ چۊتۊ اؤني لطف شامل تي حال بۊبۊسته. »
هن وأسي هۊ مردأي بشو وهر کیه فارسای، گوفتی کي عيسی اۊنأرع چی بکود. هر کس کي هأ نقلأ ايشنأوستي، تعجب کۊدي.
عيسی او طرفِ درياچه وأگردست. وقتي فأرسه بيده، ايتأ عالمه مردۊم اؤني دۊر جمعأ بۊستيد، اؤنأ فيشار أوريد. جمعيت ميان ايتأ زناي ايسأ بۊ کي ۱۲ سال مرض خۊنريزي دأشتي.اون تۊمام خۊ دارائي يأ خۊ مرض درمان وأسي خرج بۊکۊده بۊ. اما هيتأ جه دۊکتۊرأن نتأنسته بيد اۊنأ درمان بۊکۊنيد ؤ اۊني حال بدترأ بۊستي.
اۊن بيشنوسته بۊ کي عيسا ناخوشأنأ شفا بخشه ؤ خؤ مرأ زمزمه کؤدي: « مطمئنم اگه مي دست عيسی ردایأ واسؤخه ،من شفا يأفم. »اۊن خۊدشأ جه جمعيت ميأن عيسی پۊشت سر فأرسأنه ؤ اؤني ردايأ دسأ زه. هتو کی عيسی ردای واسوخست،اون خۊنريزي قطعأ بۊست.
عيسی فورا بفهمسته کي ايتأ نيرو جه أوني وجود بيرون بؤشۊ. بزین واگردست ؤ واوۊرسه : «کي مي ردایأ دس بزه؟» شاگردأن جواب بدأئيد دينيد: « کي همه تأن جه هر طرف شۊمارأ فيشار آوردأندريد، پس چره واوؤرسيد «کي شومارأ دس بزه؟»
هۊ زناي کي ترس جأ پرکستی، عيسی پا جولو زانو بزه. بزين بۊگوفت کي چي بۊکۊده ؤ أنکي شفا بيأفته. عيسی اؤنأ بۊگوفت : «تي ايمان ترأ شفا بدأ! بۊشۊ بسلامت. »
انجیل متی فصل ۸ آیه های ۲۸ تا ۳۴؛ فصل ۹: آیه های ۲۰ تا ۲۲؛ انجیل مرقس فصل ۵؛ انجیل لوقا فصل ۸ آیه های ۲۶ تا ۴۸
رایگان برای استفاده، اقتباس و اشتراکگذاری تحت مجوز باز (CC BY-SA 4.0).