۳۳- کشاورز داستان
ایتأ رۊز عيسی درياچه کنار جمعيت زياديأ تعليم دأندۊبۊ. عده زيادي اؤني دۊر جمعأ بۊسته بيد ؤ پس عيسی سوار ايتأ لودکا آب کنار بۊبۊست کی گب زئن ره فضاي کافي بدأره. اۊن لودکا دۊرۊن بينيشت ؤ جه هۊيأ تعليم مردۊمأنأ تعليم بدأ.
عيسی هأ نقلأ مردۊم ره تعريف بۊکۊد: «ايتأ کشاورز خۊ مزرعه دۊرۊن بذر کأشتي. هأطۊ کي بذرأنأ پاشانئي ،بعضيأن اتفاقي باغأن مرز سر کفتي ؤ پرندأن أمؤئيد ؤ اؤشانأ خۊرديد. »
«بعضيأن ايتأ خاک سر بکفتيد ؤ اۊن جیر سنگ نأهأبۊ.بذرأن هۊ کم عمق، خاک سر خيلي زود سبزأ بؤستيد. ولي چون اؤشان ريشه نتأنستید خاک عمق دۊرۊن بشید .وقتي داغ^آفتاب اؤشانأ بتابست، همه بۊسۊختيد ؤ جه بين بۊشۊئيد. »
«بعضي جه بذرأن تمشکله (گومار)میان دکفتيد. تمشان ؤ بذرأن ايجائي رشد بۊکۊديد ؤ گياه جوان^ساقه يأن تمشان جیر خفأ بؤستيد ؤ هيچ محصولي نأورديد. »
«الباقی بذرأن خُرم خاک سر بکفتيد، ؤ جه هر ايتأ بذر سی،شصد ؤ حتي صد تا بذر ديگه بارباورد. هرکی خاییه خودایی دونبال کونه می گبان خُب گوش بدید.
شاگردان جه هأ نقل ايشتأوستن گيجأ بۊستيد. و هن وأسي عيسی تۊضيح بدأ : «بذر ،خۊدا کلامه. گذرگاه، کسي ايسه کي خۊدا کلامأ ايشتاوه ولي درک نۊکۊنه ؤ شيطان اؤني کلامأ دۊزانه.بختر بگم شیطان وناله اون کلام درک بوکونه. »
«سنگ فورش زیمین،آدمي ايسه کي خۊدا پيغامأ ايشتأوه، فوري شادي مرأ قوبیل کۊنه، ولي سختي زمات و یا زماتی کی مردوم اون اذیت کونید،خودایی جاخاطره دع. بختربگم اون خو ایعتماد به خودا جه دست ده. »
«زميني کي تمشان مرأ بپوشأنه بۊسته بۊ، کسی ايسه کي پيغامأ ايشتأوه ولي زندگي نگرانيأن ؤ عشق پول و خیلی چیزای دیگه،باعث به پور زمات نوگذره که جای دوست داشتن خودای بگیره.ودع نتانیه خودای جا انچی کی اون کلام جا دانستی خوشحال کونه. اون گندم خوشه مانه کی نتأنه ره ثمري بأوره. »
«اما خُرم زیمين، کسی ایسه کی خۊدا پيغامأ ايشتأوه، اۊنأ فهمه ؤ ثمر أوره. »
انجیل متی فصل ۱۳ آیه های ۱ تا ۲۳؛ انجیل مرقس فصل ۴ آیه های ۱ تا ۲۰؛ انجیل لوقا فصل ۸ آیه های ۴ تا ۱۵
رایگان برای استفاده، اقتباس و اشتراکگذاری تحت مجوز باز (CC BY-SA 4.0).