۳۴- عيسا مثلأن ديگه ئي تعليم دئهه
عيسا مثلأن ديگه ائي هم درباره خۊدا پادشاهی مردۊم ره بگوفته. مثلا هأتۊ بفرماست: «خۊدا پادشاهی ايتأ خردل دانه يأ مانه کي اينفر خۊ مزرعه دۊرۊن بکاشت. شۊمان خُب دانيدي کي خردل دانه کۊجدانه ترين دانه يه».
«هسه وقتي خردل دانه رشد کؤنه، تۊمام مزرعه بوته يأن جأ پيله ترأ به. ؤ ايتأ دار أندر طۊري کي پرندأن اۊني شاخه يان میان ایستراحت کۊنيد. »
عيسا ايتأ مثل ديگه بوگوفته: «خودا پادشاهی خمیر مایه مانه کی ایتا زنای اون آرد امره مخلؤطأ کۊنه کی سرتاسر خمير دۊرۊن پخشأبه. »
«خۊداپادشاهیگنجيأ مأنه کي اینفر اؤنأ مزرعه دۊرۊن قائمأ کؤده بيد. اينفردیگه اؤنأ بيأفت ؤ دۊباره خاک جیر قائمأ گۊد ؤ هۊن ذؤق واسی بۊشۊ هر چيأ دأشتي بۊفرۊخت کی پول خبي بدس بأوره ؤ هۊ مزرعه يأ بيهينه، کی گنجأ صاحبأ به. »
«خۊداپادشاهی، ايتأ قشنگ مرواريد قيمتيأ مأنه کی ايتأ تاجر، هو مرواريدأ بيأفت ؤ هرچي دأشتي، بۊفرۊخت کی اۊني پۊل مرأ هۊ مرواريدأ بيهينه. »
اویه کسانی ایسابید که فیکر کودید خؤشانأ پاکي ؤ پرهيزگاري خودا ویرجیه قوبیله ؤ بقيه مردۊمأنأ کوچیک دانستید.بزین عیسی اوشان رِ هأ نقلأ تعريف بۊکۊد: «دونفر،ايتأ مذهبي رهبر ؤ اينفر ديگه مسئول باج ؤ خراج خۊدا خانه بۊشۊئيد دؤعا بۊکۊنيد. »
«مذهبي رهبر جولۊ بئسأ ؤ هأتؤ دؤعا بۊکۊد: « اي خۊدا ترأ شوکر کۊنم کي باقي مردۊم منستأن، گۊناهکار،دۊزد،ستمکار،زناکار ؤ مخصوصا هأ باجگير منستأن نيئم. »
هر هفته دۊبار رۊزه گيرم ؤ جه همه پولي کي بدس أورم، يک دهمشأ تي راه فأدم. »
«اما هۊ باجگير دۊرتر جه هۊ مذهبي رهبربئسأ ؤ دؤعا وخت ،حتي جرأت نۊکۊد خجالت وأسي خۊ سرأ راستأ کۊنه، بلکی اندوه ؤ شرم مرأ خۊ سينه يأ بکوبست ؤ بۊگوفت: «خۊدايا مرأ رحم بۊکۊن، من گۊناهکار أيسم! »
بزين عيسی ایدامه بدا: «حقیقت شمره گم؛ خۊدا هۊ باجگير دؤعايأ بيشتأوست ؤ اۊنأ پارسا حيساب بأورد. خۊدا هرکيأ کي خۊدشأ پيله جلوه بده پستأ کۊنه ؤ هر کيأ کي خۊدشأ فروتن چأکۊنه سربلندأ کۊنه. »
انجیل متی فصل ۱۳ آیه های ۳۱ تا ۴۶؛ انجیل مرقس فصل ۴ آیه های ۲۶ تا ۳۴؛ انجیل لوقا فصل ۱۳ آیه های ۱۸ تا ۲۱؛ فصل ۱۸ آیه های ۹ تا ۱۴
رایگان برای استفاده، اقتباس و اشتراکگذاری تحت مجوز باز (CC BY-SA 4.0).