۳۵- ديلسوز پئر نقل

ايتأ رۊز عيسی خيلي جه مردوم اون دور جمعا بوستابید تا اون گب بشتاوید،تعلیم بدا.ویشتر اوشان مأموراي باج ؤ خراج ؤ باقي مردومانی بید کي اوشان دیل نخواستی موسی شریعت ایطاعت بکونید.

اما دين عالمأنم اؤيأ ايسابيد، ؤ دئيد کي عيسی چۊتۊئي گۊناهکاران مرأ خۊ دۊستان نزدیک منستأن رفتار کؤنه. کس کس گفتیدی عیسی اشتباه کونه و اونی جه ایراد گیفتید. عیسی کی اشان بشتاوسید، هأ نقلأ اۊشأن ره تعريف بۊکۊد:

«ايتأ مردأي دوتا پسر دأشتي. ايتأ رۊز کۊجي پسر خۊ پئرأ بۊگوفت: «پئر ،من مي ارثأ الان خأيم! »هن وأسي پئر خۊ دارائيأ خۊ دوتأ پسر ميأن سهم بۊکۊد. »

چيزي نۊگوذشت کي کۊجي پسر هر چي دأشتيأ جمعأ کۊد ؤ به ايتأ سرزمين دوري بۊشۊ ؤ هۊيأ تۊمام خؤ ثروتأ عياشي ؤ راه هاي نادرست دۊرۊن بباد بدأ.

جائي کي هۊ پسره ايسأ بۊ قحطي شديدي بوبوسته ، ؤ اۊن ده پولي غذا هئن ره نأشتي. بنا بر أن ناچار بۊبۊست خۊک بچرأنه ؤ اقذر درمانده و وشتابو کي خۊکأنه غذا مرأ خۊ شکمأ سئرأ کۊنه.

آخر بسر کۊجي پسر خۊ مرأ بۊگوفت ،«من چي کارأ درم؟مي پئر خانه خدمتکاران ايتأ عالمه خۊراک خۊردن ره دأريد، اما من أيأ کرأ جه ویشتأیی مردأن درم. پس می پئر ويرجأ وأگردم اؤني جأ خأیم کي مرأ نؤکري وأسي قوبیل بۊکۊنه. »

پس خۊ پئر خانه طرف راه دکفت. وختي هنو جه خانه دور بۊ أني پئر أنأ بيده ؤ أني ديل بۊسۊخت ؤ أنی پيشواز رِ بدوبست اون طرف، اۊنأ کشأگيفت ؤ ماچي بدأ.

پسر پئرأ بۊگوفت: «پئر،من خودأ حق و تی حق گۊناه بۊکۊدم ؤ دٔ لياقت نارم کي مرأ تي پسر بدأني. »

اما أني پئر خدمتکارانأ بۊگوفت: «دس بۊجۊنبانيد ؤ بخترين رختأنأ خانه جأ بأوريد، ؤ اؤنأمی پسر دۊکۊنيد. انگشتر أني دس ؤ ايتأ کفش أني پا دۊکۊنيد ؤ ايتأ پروار^گوساله يأ بأوريد، سرأ بينيد کی جشن بيگيريم ؤ شادي بۊکۊنيم. چونکی مي هأ پسر ،بمرده بۊ ؤ زندأ بۊست ؤ گؤمأ بۊسته بۊ هسا اون او بیافتم . »

پس، اؤشأن پیله جشن بیگیفتیدی. طولي نکشئه کي پيله پسر مزرعه جأ بأمو بخانه ، ساز ؤ رقص ؤ آواز صدايأ بيشتأوست ؤ تعجب بۊکۊد کي چي اتفاق دکفته .

وختي کي پيله پسر بفهمست کي هأ جشن أني برار بخانه وأگردستن وأسیه، عصباني بۊبۊست ؤ حاضر نۊبۊست خانه دۊرۊن بشه. تا أنکي أني پئر بيرون بأمۊ ؤ أۊنأ التماس بۊکۊد کي بخانه بأيه ؤ مهمانيه ملحق ببه اما اۊن قوبیل نۊکۊد.

پيله پسر خۊ پئرأ بۊگوفت: «سالان ساله کي ايتأ غلام منستأن تره خدمت کۊدأن درم! هيوخت جه تي دستورأن سرپيچي نۊکۊدم ؤ تۊمام هأ مدت ،حتي ايتأ بزغاله ئم مرأ فاندأئي تا بتأنم مي دوستان مرأ جشن بيگيرم. اما وختي هأ پسر، کي تي ثروتأ گۊناهکاري دۊرۊن تلف بۊکۊد بخانه وأگردست ،تۊ بهترين پروار^گۊساله يأ اؤن ره سئرابئي تا جشن بگیری.

أني پئر بۊگوفت: «مي جان دیل پسر ،تۊ هميشک مي ور ايسأبي ؤ من هرچي کي دأرم تي شينه. اما الان دۊرۊسته کي جشن بيگيريم ؤ شادي بۊکۊنيم چون تي برأر بمرده بۊ ؤ زندأ بۊست. گۊمأ بۊسته بۊ ؤ پيدا بۊبۊست. »