۳۶- عيسا قيافه وأگردستتن

ايتأ رۊز، عيسی سه تأ جه خۊ شاگردانأ يعني پطرس،يعقوب ؤ يۊحنايأ اۊساد ؤ ايتأ بۊلند کۊه سر ببرد تا دؤعا بوکونید.(یوحنای کی عیسی تعمید ده،اینفر دیگر ایس)

دؤعا وقت،عيسی صورت خۊرشيد منستأن درخشانأ بۊست ؤ أني رخت نور منستأن سيفيدأ بۊست. هۊ تۊ سفيد کي زمين سر اؤني منستأن پيدا نيبه.

هۊ وخت مۊسا ؤ ايليا(الياس) ظاهرأ بۊستيد. هأ مردأکأن، صدها سال قبل جه هأ رويداد زمين سر زندگي کۊديد. اؤشأن عيسی مرأ درباره أني مرگ کي بزودي اورشليم دۊرۊن رخ دئهه، گب بزئيد.

زماني کي مۊسا ؤ ايليا عيسی مرأ گب زئنديبيد، پطرس عيسايأ بۊگوفت: « چي خب بۊبۊست کي أمأن هأيأ ايسائيم. ايجازه بده سه تأ سايبان چأکۊنيم، ايتأ تره، ايتأ مۊسا ره ايتأ ئم ايليا ره. »پطرس نأنستي کي چي گه.

هنو پطرس گب تۊمامأ نۊبسته بۊ کي ايتأ درخشان ابر بيجير بأمو ؤ اؤشانأ احاطه بۊکۊد ؤ ايتأ ندا اۊني جأ فأرسه کي«: أن مي عزيز پسره کي اؤني جأ کاملا خشنۊد ايسم. اؤني گبأ بئشتأويد. » سه تأ شاگرد ترس جأ زمين سر بکفتيد.

عيسی نزديکأ بۊست ؤ اؤشأن رو دس بنأ ؤ بۊگوفت«: ويريزيد ؤ نواترسئنید. » وختي کي اؤشأن خۊشان چۊمانأ وازأ کۊديدهرطرف فاندرستید ،هي کس ديگه جه غيرز عيسی نيده ئيد.

عيسی ؤ هۊ سه تأ شاگرد کوه جأ وأگردستيد. بزين عيسی بفرماست: «هسا او چيزي کي بيدئيد فعلا کسي يأ هيچي نيگييد. من بزودي ميرم ؤ دوواره زندأ بم. بزین تأنيد ديگرانأ بيگيد چي بيدئيد. »