۳۷- عيسا بمرده ايلعازرأ زندأ کۊنه
ايتأمردای ایلعازَر نامی بو،اون دوتا خاخور بنامهای مریم و مرتا داشتی،جه ریفقای نزدیک و صمیمی عیسی بید.ایتارۊز، عيسی ايشتأوه کي ايلعازر خيلي ناخوشِ .وختي عيسی هأ خبرأ بيشتأوست بۊگوفت«: هأ ناخوشی اونأ نوکوشه بلکی خۊدا بزرگي ؤ جلال ر خأيه بوستن، همتان فامیدید و اون دیدنیدی . »
عيسی با أنکي اؤشانأ دوست دأشتي، ولي دو رۊز ديگه جائي کي ايسأبۊ ،بئسا. بعد گۊذشت دو رۊز عيسی خۊ شاگردانأ بۊگوفت : «بأئيد يهۊديه وأگرديم». اما شاگردان بۊگوفتيد : «اي اوستاد، هأ چند رۊز پيش بۊ کي يهؤديه آدمان خأستيد ترأ بۊکۊشيد! » عيسی جواب بدأ: «مي ریفیق ايلعازر خؤفته ؤ من شم کی اؤنأ ويريزأنم. »
عيسی شاگردان جواب بدائيد: «خۊداؤندا، اگر اۊن خؤفته، أني حال بخترأ به». بزين عيسی خیلی واضح بفرماست: «ايلعازر بمرد. من خۊشحالم کي اۊيأ نيسابۊم کی شۊمان بتأنيد مرأ ايمان بأوريد. »
وختي عيسی ايلعازر محل سکۊنت شهرأ فأرسه،ايلعازر چهار رۊز بۊ کي بمرده بۊ. مرتا عيسايأ پيشواز بأمۊ ؤ بۊگفت: «مي سرور ،اگه أيأ بئسأبي ،مي برأر نمردی. اما من ايمان دأرم کي تۊ هرچي خۊدا جأ بخأئي، ترأ بخشه. »
عيسی جواب بدأ: «من قيامت ؤ ابدی حيات ايسم. هر کي مرأ ايمان بأوره، حتي اگه بيميره، زندأبه. هر کي مرأ ايمان بأورد هیوخت نخأيه مردن. آيا می هأ گبأ ايمان دأري؟» مرتا جواب بدأ : «بله اۊستاد، من ايمان دأرم کي تۊ مسيح، خۊدا پسر ايسي. »
بزین مريم عيسی ويرجأ بأمۊ اۊني پا سر بکفت ؤ بۊگوفت«: مي سرور، اگه هأيأ بئسأ بي، مي برار نمردي. » عيسی اؤشأنأ وأوۊرسه: «کۊيأ اۊنأ خاکا کۊديد؟» اؤشأن جواب بدائيد: «ايتأ قبر دۊرۊن، بيا ؤ بيدين. »بزين عيسی گريه بۊکۊد.
ايلعازر قبر ايتأ غار بۊ کي ايتأ پيله سنگ أني دهانه جولۊ بنأ بيد. وختي عيسی قبرأ فأرسه اؤشأنأ بۊگوفت: «سنگأ کنار بزنيد! »اما مرتا بۊگوفت: «اۊن چهار رۊز ايسه کي بمرده .هسأ ده أني جسد بؤ دکفته. »
عيسی جواب بدأ : «مگه نۊگوفتم اگه مرأ ايمان بأوري خۊدا جلالأ ديني؟ »بزین اؤشأن سنگأ کنار بزئيد.
هۊ وخت عيسی آسمانأ فأندرست ؤ بۊگوفت: «پئر ،ترأ شوکر کۊنم کي مرایشتاوی.. من دأنم کي تو هميشک مراگوش دهی ،ولي أنأ هأ مردۊم وأسي کي هأيأ ايسائيد بۊگوفتم، مرأ ايمان بأوريد کي تۊ مرأ اؤسه کۊدي. » بزين صداي بۊلند مرأ بفرماست: « ايلعازر، بيأ بيرون! »
ايلعازر ،قبر جأ بيرون بأمو!هنو أ تۊمام انی بدنأ کفن واپخته بو. عيسی اؤشأنأ بۊگوفت: «اۊنأ بازأ کۊنيد کی بتأنه راه بشه. »خیلی جه يهۊديان چونکی هأ موجزه يأ بيده بيد، عيسايأ ايمان بأورديد.
اما يهۊديان^مذهبي سران حسودي بۊکۊديد، پس همديگه دور جمعأ بۊستيد کی عيسی ؤ ايلعازر کوشتن رع نقشه يأ بکشيد.
انجیل یوحنا فصل ۱۱ آیه های ۱ تا ۴۶
رایگان برای استفاده، اقتباس و اشتراکگذاری تحت مجوز باز (CC BY-SA 4.0).