۳۸- خيانت به عيسا

يهؤديأن هر ساله، پسخ^عيدأ جشن گيفتيد. هأ جشن، يادآور هأن بۊ کي خۊدا صدها سال قبل ،اؤشان پئرانأ جه مصريأن بندگي ؤ اسارت نیجات بدأ بۊ. حدود سه سال بعد عيسی اولين مۊعظه ؤ عمومي تعليم، اۊن خۊ شاگردأن بۊگوفت کي خأئه پسخ عيدأ اورشليم دۊرۊن أشأن مرأ جشن بيگيره. ؤ هاتو اوشان بگفت اؤيأ اونأ کوشیدی.

يهۊدا ايتأ جه عيسی شاگردان بۊ.اۊن مسئول شاگردأن پول بۊ ؤ چون آدم پول دوستي بۊ هر وختیم هۊ کيسه جه دۊزانه ئي. بعد أنکي عيسی ؤ أوني شاگردأن اورشليمأ فأرسه ئيد، يهۊدا يهؤديأن پیله کاهنان ويرجأ بۊشۊ ؤ اؤشانأ پيشنهاد بدأ کی اگه انأ پول فادید عيسايأ لو دهه. اۊن دأنستي کي يهؤدأن رهبرأن، قوبیل ناشتید کی عيسی هو مسيح ایسه ؤ اؤني قتل نقشه يأ بکشئيد.

يهؤد مذهبي^سران کی ایتا پيله کاهن اشأنأ رهبري کودی، يهؤدا خيانت واستی کی عیسی اوشان تحویل بدا،اۊنأ سي تا نقره^سکه فأدأئيد. درست هوطو، انبيأ پيشگۊئي منستأن کي بۊگفته بيد. يهؤدا قوبیل بۊکۊد ؤ پۊلأ اؤسادو رادکفت.جه هۊ وخت اۊن ايتأ فرصت ره گردستي تا عيسايأ أشأنأ تسلیم بۊکۊنه.

عيسی اورشليم دۊرۊن، پسخ^عيدأ خۊ شاگردأن مرأ جشن بيگيفت. پسخ^شام خوردن وخت عيسی نانأ به دستأ گيفت اۊنأ تيکه تيکأ کۊد ؤ بۊگوفت: «فأگيريد،بخورید، أن مي بدن ايسه کي شيمي راه ره فدا به. هأ عملأ به مي ياد بجا بأوريد. » هأتو، عيسی بۊگوفت کي اۊني بدن اۊشانه ره قۊرباني خائه ببه.

بزين عيسی پياله ئي يأ کي شراب دۊبۊ اؤساد ؤ أشأنأ بۊگوفت«: هأن مي خۊن جديد^عهد دۊرۊن ايسه کي گونايأن آمورزش ره فؤوسته، أنأ بنوشيد. هأ عملأ آینده میان به مي ياد بجا بأوريد.

بزين عيسی خۊ شاگردانأ بۊگفت: «ايتأ از شۊمان مرأ خيانت کۊنه. »شاگردأن حيرانأ بؤستيد ؤ واروۊرسه ئيد کي هأ کارأ کؤنه. عيسی بۊگفت: « کسي کي من هأ لقمه يأ اۊنأ فأدم، خیانتکاره. »ؤ بزين نانأ يهؤدايأ فأدأ.

بعد أنکي يهؤدا نانأ اؤسأد، شيطان اؤني دۊرۊن بۊشۊو. اؤن جه اؤيأ بۊشۊ کی يهؤدان^سرانأ کمک بۊکۊنه کی عيسايأ دستگير بۊکۊنه. هأ حادثه شب دۊرۊن اتفاق دکفت.

بعد انکی غذا بخورده بوبوست،عيسی خۊ شاگردانأ اؤساد ؤ زيتون^کوه طرف بۊشۊئيد.عيسی بۊگوفت : «امشب شوما همتان مرأ تنها نيهيد. چون کيتاب آسماني دۊرۊن بينويشه بۊبۊسته: « چوپانأ زنم ؤ تۊمام گوسفندأن پراکنده بيدي. »

پطرس بۊگوفت: « حتي اگه همه ترأ ترکأ کۊنيد، من هأ کارأ نۊکۊنم. »عيسی اۊنأ بۊگوفت : «شيطان خأئه شۊمان همه تايا بداره، اما من تره دؤعا کۊنم کی تي ايمان جه بين نشه.باانحال بدأن، امشب، قبل انکی خروس بخأنه ،تو سه وار انکار کۊني کي مرأ شناسي. »

پطرس عيسايأ بۊگوفت: « حتي اگه بيميرم، ترأ انکار نۊکۊنم. » باقي شاگردانم هأنأ بۊگوفتيد.

بزین عيسی خۊ شاگردأن مرأ باغ جتسيماني بۊشۊئيد. عيسی خۊ شاگردانأ بۊگفت دؤعا دۊرۊن بئسيدکی شیطان شوماره وسوسه نکونه. بزين عيسی اؤشأنأ ترکأ کۊد ایتا خلوت جا بوشو تاکی دؤعا بۊکۊنه.

عيسی سه بار هأتۊ دؤعا بۊکۊد: «اي مي پئر، اگه ممکنه، لطفا ايجازه بده جه هأ رنج ؤ زحمت جام ننۊشم. اما اگه راه ديگه ئي آدمأن گونايأن آمورزش ره ننأ، پس تي اراده انجام ببه. »عيسی اؤنقدر فکش فکش^ روحي دچارأ بۊسته بۊ کي اۊني خون عرق منستأن زمين فۊوستي .خۊدا فرشته ئي يأ اؤسه کؤد تا أنأ تقويت بۊکۊنه.

بعد هر تأ دؤعا ،عيسی خۊ شاگردأن طرف وأگردست ،اما بيده خۊفته ئيد. وختي عيسی سومي بار وأگردست، بۊگوفت : «ويريزيد ،مي هۊ خائن شاگرد أيأ ايسا. »

يهؤدا يهؤد^رهبران مرأ،سربازأن ؤ پيله جمعيت مرأ بأمؤئيد. اؤشأن شمشير ؤ چۊماق دأشتيد. يهؤدا عيسی طرف بأمۊ ؤ بۊگفت: «سلام اي اۊستاد » ؤ اۊنأ ماچي بدأ. هأن علامتي بۊ کي يهۊدأ مذهبي سرانأ، بفهمأنه. کي کؤيتأ عيسی ايسه ،کی أنأ دستگيرأ کۊنيد. بزين عيسی اۊنأ بۊگفت: يهؤدا، ماچي مرأ ، مرأ خيانت کۊني؟»

هووخت سربازان ،عيسايأ دستگير بۊکۊديد، پطرس خۊ شمشيرأ فأکشه ؤ پيله کاهن خدمتکار راست گۊشأ واوه. عيسی أۊنأ بگفت: « تي شمشيرأ غلاف بۊکۊن. من تأنم از مي پئر کمک بخایم کی لشگری جا فرشتیان کمک وأسي اؤسه کۊنه. اما من وأسي جه مي پئر ایطاعت بۊکۊنم. » بزين عيسی هۊ مرداک گۊشأ شفا بدهو همه شاگردأن بۊگروختيد.