۳۹- عيسا محاکمه
نيمه هاي شب بۊ،سربازأن عيسايأ پيله^کاهن خانه ببرديد تا پيله کاهن اؤنأ واخاست بۊکۊنه. پطرس دورأدور اؤشأنه دۊنبال سر أمؤئي. وقتي عيسايأ خانه دۊرۊن ببرديد ،پطرس بيرون خانه آتش ويرجأ بئسأتا خوره گرم کونه.
خانه دۊرۊن ،يهۊدأن^رئيسان اؤنأ وازخاست بۊکۊديد. اؤشأن دروغي^شاهدأن بأورديد کي عیسیا ایفترا زادید. اما، اؤشأن گبأن همديگه مرأ ايتأ نۊبۊ، بنا برأن يهؤديأن رهبران نتأنستيد ثابت بۊکۊنيد کي اۊن گۊناهکار ايسه. عيسائم هيچ گبي نزه.
آخر بسر، پيله^کاهن عيسايأ فأندرست ؤ بۊگوفت: « أمرأ بۊگۊ، تۊ آيا مسيح زنده^خۊدا^پسر ايسي؟»
عيسی بۊگوفت: «بله أيسم، ؤ ايتأ رۊز مرأ دينيد کي خۊدا راست دس نيشتئم جه آسمان زمينأ وأگردم. »ايدفأ پيله^کاهن ،غضبناک بوبوست ،خۊ رختأ پارأ کۊد اجگراه امرا سران مذهبی رهبران بۊگفت: « کفر گه امأن دٔ نيازي به شاهدأن ناريم .همه تأن بيشتوستيد کي اۊن بۊگوفت من خۊدا پسر ايسم چي رأي ديهيد؟»
يهؤدأن مذهبي رهبران همه تأن جواب بوگفتید: «اۊن سزاوار مرگ ايسه» بزین عيسی چومأنأ دوستيد، ؤ أۊني ديمأ فيلي فۊکۊديد، ؤ اۊنأ بزئيد ؤ مسخره بۊکۊديد.
خانه بیرون پطرس عیسی رافاایسابو. ايتأ کنيز اؤنأ بيده ؤ اؤنأ بۊگوفت: « تۊنم عيسا مرأ بي ». پطرس انکار بۊکۊد. ايپچه بعد ايتأ کنيز ديگه هأ حرفأ اۊنأ بزه. آخر سر، کسائي کي اؤيأ ايسأ بيد اؤنأ بۊگوفتيد : «تۊ حتما ايتأ جه عيسی شاگردأن ايسي،چون توهم جليلي ايسه».
بزين پطرس قسم بۊخۊرد ؤ بۊگوفت : «خۊدا مرأ لعنت بۊکۊنه اگه هأ مردأکأ بشنأسم ». هووخت خروس بخأند ؤ عيسا وأگردست پطرسأ فأندرست.
بزين پطرس جه خانه حياط بيرون بۊشۊ ؤ زار زار گريه بۊکۊد. خائن^يهؤدا بيده يهؤدي رهبران عيسايأ به مرگ محکۊم بۊکۊديد غم ؤ ماتم اؤنأ بيگيفت ؤ خؤرأ بۊکۊشت .
او روزان میان پیلاتس رومی فرماندار یهودا را بو. يهؤديأن^سران عیسی اون ويرجأ ببرديد. اؤشأن اميدوار بيد کي پيلاتۊس عيسايأ گۊناهکار بدأنه ؤ اؤنأ به مرگ محکوم بۊکۊنه. پيلاتۊس عيسايأ واۊرسه: « تو آيا يهؤد پادشاه أيسي؟
عيسی جواب بدأ: « هأتۊ أيسه کي تۊ گي، اما مي پادشاهي مثل دونیاییي پادشاهي نيه.اگه هأتۊ بۊ، مي پيروان جنگستيد. اما من ها جهان بأمۊم کی حقيقتأ درواره خۊداهمتان بگم.تۊمام کسائي کي حقيقتأ دوست دأريد می جأ گوش کۊنيد.» پيلاتۊس واورسه: «حقيقت چيسه؟»
بعد پيلاتۊس ؤ عيسی بگۊ بيشتاو، اۊن بۊشۊ بيرون ؤ جمعيت ميأن بۊگوفت: «من گۊناهي در هأ شخص نيأفتمکی سزاش مرگ ببه. »اما يهؤديأن سران ؤ جمعيت ایجگره بزئید: «مصلؤبأ کۊنيد. »پيلاتۊس جواب بدأ : «اۊن گۊناهکار نيه. »اما اؤشأن أيبار بلندتر ایجگره بزئيد. بزين پيلاتۊس سومي بار بۊگوفت: «اۊن گۊناهکار نيه. »
اما پيلاتۊس بترسه کي شورش ببه، هن وأسي موافقت بۊکۊد ؤ عيسايأ خۊ سربازان بسپارد کی اؤنأ مصلۊب بۊکۊنيد. رومي سربازأن عيسايأ شلاق بزئيد ؤ سلطنتي ردا اؤنأ دۊکۊديد ايتأ خاري^تاج اۊني سر بنأئيد. بزین رخشن مرا گوفتید: « زنده باد يهؤد^پادشاه ».
انجیل متی فصل ۲۶ آیه ۵۷ و فصل ۲۷ آیه ۲۶، انجیل مرقس فصل ۱۴ آیه ۵۳ تا فصل ۱۵ آیه ۱۵، انجیل لوقا فصل ۲۲ آیه ۵۴ تا فصل ۲۳ آیه ۲۵، انجیل یوحنا فصل ۱۸ آیه ۱۲ تا فصل ۱۹ آیه ۱۶
رایگان برای استفاده، اقتباس و اشتراکگذاری تحت مجوز باز (CC BY-SA 4.0).