۴۱- خۊدا عيسايأ جأ مرده يأن ويريزأنه
بعد أنکي سربازأن عيسايأ مصلوب بۊکۊديد، يهؤديأن قۊم پیله سران پيلاتوس ويرجأ بۊشۊئيد ؤ بۊگفتيد: « عيسی فريبکاری مرا بۊگوفت کي سه رۊز بعد مؤرديأنأ جأ ويريزه. اینفر واسی قبرأ تا سه رۊز بپأیه کی مطمئن ببه کي اؤني شاگردأن نتأنيد بأئيد ؤ اؤني جسدأ بۊدۊزأنيد ،ؤ ادعا بۊکۊنيد کي اؤن زنده بۊبوسته و جا موردیان جا ویرشته. »
پيلاتوس بۊگفت : «سربازأنأ اۊسأنيد ؤ قبرأ کاملا بپأئيد. »بنا بر أن اؤشأن بۊشۊئيد ؤ پيله سنگ قبر ورودي درأ مهر ؤ موم بۊکۊديد ؤ چندتأ سربازأ اؤيأ پاستن وأسي بنأئيد، کی هيکس نتأنه جسدأ بۊدۊزأنه.
رۊز بعد جا عيسی دفنأ کۊدن، شباترۊزبوکی کارکودن ممنوع بو،هیکس جا عیسی رفیقان ايجازه نأشتید کی قبر سر بيشيد. فردای صبح دمِ، چنتأ جه زنأکأن آماده بوبوستید کی عيسی قبرسربشید تا عيسی جسدأ معطرأ کۊنيد.
قبل جا آنکی زناکان اویه فارسید، ايدفأ پیله زیمين لرزه تفاق دکفت. ايتأ فرشته جه آسمان بيجير بأمۊ ؤ قبر سنگأ ور بۊشۊ ؤ اؤنأ ايتأ کنار بغلتأنه ؤ اۊن سر بينيشت. اُو فرشته جه ماه آسمانی منستان برق زای.نگهبانأن اؤن دئن مرأ خيلي بترسئيد ؤ بلرزستيد ؤ بمرده يأن منستأن بيحرکت زمين سر بکفتيد.
وختي کي زنأکأن قبرأ فأرسئيد، فرشته اؤشأنأ بۊگوفت: « نترسيد !عيسی ايأ نئسأ. اۊن مرده يأن جأ ويريشت درست هۊتۊ کي بۊگفته بۊ. قبر دۊرۊنأ فأندريد. » زنأکأن قبر دۊرۊنأ فاندرستیدی ؤ جائي کي عيسی پيکرأ اۊيأ بنأبيد، بيدئيد ولي جسدي نيأفتيد.
هۊوخت فرشته زناکأنأ بۊگوفت: «بيشيد ؤ شاگردأنأ بيگيد کي عيسی مؤرده يأن جأ ويريشت ؤ قبل شۊما شه جليل . »
زناکأن کي هم ذوق کودید ؤ همم ترسئيد، شاگردان ور بۊشۊئيد کی خۊش^خبرأ اؤشأنأ فارسأنيد.
در هأ بین زنأکأن دۊوستأنديبيد کی هأ خۊش خبرأ شاگردأنأ فأديد ،ايدفأ عيسايأ خؤشأن جلو بيدئيد ؤ أوني پا سر بکفتيد کی اؤنأ بپرستيد. عيسی بۊگوفت : «نترسيد !بيشيد ؤ مي شاگردأنأ بيگيد کي جليل بيشيد ؤ مرأ اؤيأ دینیدی. »
کتاب انجیل متی باب ۲۷ آیه ۶۲ تا باب ۲۸ آیه ۱۵؛ کتاب انجیل مرقس باب ۱۶ آیههای ۱ تا ۱۱؛ کتاب انجیل لوقا باب ۲۴ آیههای ۱ تا ۱۲؛ کتاب انجیل یوحنا باب ۲۰ آیههای ۱ تا ۱۸
رایگان برای استفاده، اقتباس و اشتراکگذاری تحت مجوز باز (CC BY-SA 4.0).