۴۲- عيسی وأگردستن به آسمان
رۊزي کي خودا عيسی جه مؤرده يأن ويرزانه، دونه جه عیسی شاگردأن ايتأ جه نزديک^شهرأن شؤندبيد، ؤ راه دۊرۊن اوچی کي عيسی ره اتفاق دکفته بۊ گب زئنديبيد. اؤشأن اميد دأشتید کي اؤن هۊ موعود^مسيح ببه،. هسأ زناکأن گفتيد کي عيسی دوواره زنده بۊبۊسته،اما شاگردان نأنستيد چيأ وا باور بۊکۊنيد.
عيسی شاگردان نزديک بۊسته و اَوشأن مرأ گب بزه اما اؤشأن اؤنأ نشنأختيد.عيسی اؤشأنی جأ وأوۊرسه درباره چي گب زئندريد. اؤشأن عيسايأ بۊگوفتيد درباره اتفاق عجيبي گب زئندريم کي چند رۊز پيش ،عيسی ره اتفاق دکفت. اؤشأن گومان کۊديدعیسی ايتأ غريبهء و ماجرائي کي اۊرشليم دۊرۊن تفاق دکفته بو بي خبره.
بزين عيسی اؤشأن ره واشکافت ، کي خۊدا^کلام راجب به مسيح چي بۊگفته بۊ. اؤن اۊشأنأ يادآوري بۊکۊد کي پيغمبران بۊگفته بيد کي مسيح زجر کشه ؤ کوشته به، اما سومي رۊز زندأ به.
وختي اؤشأن شهر نزديکي فأرسه ئيد ، تقريبا شب بۊبۊسته بۊ. اوشان عيسی جأ بخواستید کي شبأ اؤشان مرأ بئسه، اون اوشان مرع ایتا خانه میان بوشوید. وقتي شام^سفره سر نيشته بيد، عيسی نانأ اۊساد ؤ شوکرگزاري بۊکۊد ؤ اؤنأ پارأ کۊد. ايدفأ اؤشان چومان وازأ بۊست ؤ فوري اؤنأ بشنأختيد .ولي هۊ وخت عيسی جه اؤشأن نظر غیبه بۊست.
اؤشأن دوتأ کس کسأ بۊگوفتيد: « اؤن عيسی بۊ،ؤ هن وأسي أمي ديل تراپ تراپ دکفت ؤ به هيجان دکفتيم وقتي اؤن مقدس^کيتاب مطلبأ امره شرح دائي. »بزين سريع به اۊرشليم وأگردستيد ؤ وقتي کي فأرسئيد، شاگردأنأ بۊگوفتيد: « عيسی زنده ايسه! امئن اؤنأ بيده ئيم. »
هۊ وقت کي گب گب زئندئبيد، ايدفأ عيسی أشأن ميان ظاهربو ؤ بۊگوفت : «شؤمأرأ سلام باد! » شاگردأن فکر بۊکۊديد کي روح دئندريد، اما عيسی بۊگفت : «چره بترسئیدی ! ؤ شک دأريدیکی من عیسی ایسام؟ مي دس ؤ پايأ بيدينيد، روح مي منستأن جان نأره . »چونکي اؤشأنأ نيشان بده کي روح نيه ، اؤشأنی جأ بخأست ايچي فأديد کی بۊخۊره. اؤشأن أيپچه بپخته ماهي اؤنأ فأدأئيد ؤ عيسی اؤنأ بۊخۊرد.
عيسی بۊگفت : «من شۊمارأ بۊگوفتم کي هر چي خۊدا کلام دۊرۊن در باره من گفته بۊبۊسته، وأسي هوتو ببه». بزين عیسی اوشان یاورفاده کی خۊدا کلام درک بۊکۊنيد. اؤن بۊگوفت : «جه قديم ايام، انبيأ کيتابأن ميان بينويشته بۊبۊسته بۊ کي موعو^مسيح وأسي رنج ؤ زحمت بيدينه، خۊ جانأ فدا بۊکۊنه ؤ سومي رۊز زندأ به.»
«هاطویم انبیا بينويشتدی کي مي شاگردأن خودا کلام اعلان کۊنيدي و همه کس گیدی توبه بکونید.هرکی توبه بوکونه،خودا اونی گونایان بخشه. می شاگردان هأ کارأ اورشليم جه شروع کونیدی ،بزين همتا قۊمأن همه جأ خأئيد شۊن. شؤمأن شاهد می گبان ایسیدی، و تمامی تفاقاتی کی مرع دکفته. »
عيسی چهل رۊز بعد جه زنده بۊستن مرگ جأ، بارها خۊرأ شاگردان نیشأن بدأ. اؤن حتا ايبار هم زمان ويشتر جه ۵۰۰ نفرأ خؤرأ نيشان بدأ. اؤن راه يأن مختلف مرأ خؤ شاگردأنأ ثابت بۊکۊد کي واقعن زندأ بۊبۊسته ؤ هأ مدت أشأنآ درواره خۊدا^ملکۊت تعليم بدأ.
عيسی خۊ شاگردأنأ بفرماست: «خودا تۊمام اختيارأن زمين ؤ آسمان ميأن مرأ فأدأ. بنابرأن بيشيد ؤ تۊمام قۊمانأ مي شاگرد چأکۊنيد ؤ اؤشأنأ بنام پئر، ؤ پسر ؤ روح القدس تعميد بديد ؤ اؤشأنأ تعليم بديد کي چۊتۊ تۊمام دستۊراتي کي شۊمارأ فأدأم ایطاعت بۊکۊنيد. بخاطر بدأريد کي من هميشه شيمي مرأ ايسأم. »
چهل رۊز بعد أنکي عيسی جه مرده يأن ويريشت خۊ شاگردانأ بفرماست : «اۊرشليم دۊرۊن بئسيد تا مي پئر روح القدس شومارأ اوسا کونه،تا قدرت بگیرید. » بعد اۊن ،عيسی اؤشأن چوم جولو آسمانِ بجور بۊشۊ ؤ ايتأ ابر ميان گؤمأ بۊ. عيسی خۊدا راس دس بينيشت کی همه چي يأ حکومت بۊکۊنه.
کتاب متی باب ۲۸ آیههای ۱۶ تا ۲۰؛ کتاب مرقس باب ۱۶ آیههای ۱۲ تا ۲۰؛ کتاب لوقا باب ۲۴ آیههای ۱۳ تا ۵۳؛ کتاب یوحنا باب ۲۰ آیههای ۱۹ تا ۲۳؛ کتاب اعمال باب ۱ آیههای ۱ تا ۱۱
رایگان برای استفاده، اقتباس و اشتراکگذاری تحت مجوز باز (CC BY-SA 4.0).