11. پِسَخ بایرامی

خدا موسانی و هامونی فرعون یانینَه گِئندَرْدی کِه، اِسْرائیل لَری آزاد اِئدْسین. اونْلار فِرعونَه خَبَرْدارْلیق اِئدیلَر کِه، اگر اِسْرائیل خَلقینی بوراخْماسَه، خدا مِصْرینْ بوتونْ ایلْکْ اوغلانْلارینی وَ حتّا حیوانْ لارینی مَحْوْ اِئده جَکْ. فِرعون بونی اِئشیتدَندَه ایمان گَتیرْمَه دی و یِئنَه دَه خدایین اَمْرینَه عاصی اولْدی.

خدا اونَه ایمان گَتیرَنْلَر ایچینْ بیرْ یولْ حاضِرلادی تا ایلْکْ اوغولْلاری بو بَلادانْ حِلاصْ اولْسونْلار. هَر بیر اِئوْ عائِلَه قوصورْسوزْ بیر قوزو سِئچیبْ قُربان وِئرْمَه لِی اِئدی.

خدا اِسْرائیلین قوم و خَلْقینَه قوزونونْ قانینی اِئوْلَری نینْ قاپیلارینَه وَ اِئوْلَرینْ اَطْرافینَه سورْتْمَه یینَه اَمْر اِئدی. قوزونو دا قیزاردیب قوورمَه اِئدَن دَن سونْرا، تِئزْراق مایاسیزْ فَطیر چؤرَه کْ نَن یِئمَه لی اِئدیلَر. خدا دا اونْلارا دِئدی کِه، مِصری یِئی دیکْ دَن سونْرا، تِئزْراق اورْدان چیخْماغَه حاضِر اولْسونْلار.

اِسْرائیل لی لَر، خدایین بوتون اَمْرلَرینی دِقَّتْلَه یِئرینَه یِئتیرْدیلَر. او گِئجَه نینْ اورْتاسینْ دا خدا مِصْردَن گِئچْدی وَ مِصْرلَرینْ بوتون ایلْکْ اوغْلانْ لارینی مَحْو اِئدی.

خدا اِسْرائیلین قومْ و خَلقی نین قاپیلارینْدا، قانْ عَلامَتی اولانْ بوتون اِئوْلَرینْدَن گِئچْدی. او اِئوْلَردَه اولانْلارینْ هامی سی، قوزونونْ قانی اؤزَرینْدنْ خِلاصْ اولْدولار.

امّا، خدا ایمان گَتیرْمَه یَنْ و اونون اَمْرلَرینَه تابِع اولمایانْ مَصْرلی لَری نینْ اِئوْلَری نینْ کِناریندا خدا گِئچمَه دی وَ اونْلارینْ بوتون اوغْلانْ لارینی اِئلْدیردی.

بوتونْ مِصْرلی لَرین ایلْکْ اوغْلانْ لارینْ اِئلْدیرْلَر. فِرعون کاتَه اوغْلان دان توتْموش، زِندانْ دا اولانْ بیر قولونْ کاتَه اوغْلونَه قَدَر، مِصْرلی لَرین چوخْلاری خیلی کَدَرلی اولْدیلار و حَتّا ییغْلادیلَر.

اِئلَه هَمینْ گِئجَه، فِرعون موسانی و هارونی چاغیرْدی و دِئدی: »اِسْرائیلینْ قوم و اولادْلارینی گؤتوروب، دَر حال مِصْری تَرْکْ اِئدین. « مِصْرلی لَر دَه اونْلاری بو اؤلْکَه نی تِئز بیر چاغْدا تَرْکْ اِئدْمَه یَه چاغیردیلار.