12. چیخیشْ

اِسْرائیل لی لَر مِصری تَرْکْ اِئدْمَکْدَن چوخْ خوشْحال اولوب و سِئوینْدیلَر. اونْلار سونْرا، آرتیق قولْ دِئییلْ ایدیلَر وَ وَعْدَه اِئدْمیشْ اؤلْکَه یَه وَ تورْپاغَه گِئدیرْدیلَر. مِصْرلی لَر اِسْرائیل لی لَره ایسْتَه دیکْ لَری، هَر شَئ یِی او جُمْلَه دَن گوموشْ، قیزیل و قیمَتْلی اَشْیاءْ لارینی وِئرْدیلَر. خدا ایمانْ گَتیرَنْ بَعْضی قَبیلَه لَر دَه اونْلار نَن بیرلیکْ دَه مِصْری تَرْک اِئدیلَر.

گِیندیز بیر بولودْ سُتونی گِئجَه دَه ایسَه اودْ سُتونی اونْلاریْن اونونْدَه حَرَکَتْ اِئدیرْدی. خدایین حَضورو بولودْ و اودْ سُتونونْدا اونْلارْدا اِئدی و بو سَفَرْدَه اونْلارا دَوامْلی اولاراقْ، رَهْبَرلیکْ اِئدیرْدی. اونْلارینْ یالنیزْ اونون آرْخاسینْجَه گِئدْمَه سِی لازم ایدی.

قیسَه مُدّتْدَن سونْرا، فِرعون و اونونْ قومی، اِئدیکْلَرین دَن پِشیمانْ اولْدولار وَ اِسْرائیلین اولادلارینی یِئنی دَن اِسارَتْ آسْتینَه آلْماق ایچین، و اِسْرائیل لی لَری بیر داها قولْلوق اِئدْمَکْ ایچین اونْلاری تَعقیب اِئدیلَر. بو خدا ایدی کِه اونْلارینْ فِکرلَرینی دَییشَنْ اِئدی، تا اونْلارا، یالْنیز وَ حَقیقی خدا اولْدوغونو گؤسْتَرسینْ وَ اِنسانْ لار دؤشونْ سونْلَر کِه، یَهُوَه، فِرعون دَن و مِصْرلی لَرین بُتْ لارینْ دَن داها گوجْلو دور.

اْسْرائیل لی لَر مِصْر قوشونْلارینی گِئرَنْدَه، آنْلادیلار کِه، قیرمیزی دَنیزْلَه فِرعون قوشونْلارینْ آراسینْدا قالیبْلار. اونْلار چوخْ قورخْدولار و قیشْقیرْدیلار: »بیزْ مِصْری نِئیَه، تَرْکْ اِئدیکْ؟ « ـبیز هامی میز تِئزْلیکْلَه اِئلَه جَه ییکْ! «

موسا اِسْرائیل لی لَره دِئدی: »قورخْمایینْ! خدا بو گِینْ سیزینْ ایچین دؤیوشورْ و سیزی خِلاصْ اِئدیر. سونْرا خدا موسایا دِئدی: »اِسْرائیل خَلقینَه دِئیینْ کِه قیرمیزی دَنیزَه طَرَف رَوانَه اولْسونْلار. «

سونْرا خدا بولودْ سُتونی یِئرینْدَن تَرپَتْدِی و اونی اِسْرائیل اولادْلاری نَنْ فِرعون اورْدوسو آراسینْدا یِئرْلَشْدیرْدی تا مِصْرینْ اورْدوسو، اونْلاری داها گِئرْمَه سین.

خدا موسایا اَلینی دَنیزَه قالْدیرْماغا اَمْر اِئدی. سونْرا خدا دَنیزینْ سویونو ساغا سولا ایتَه لَه یَنْ بیر یِئلْ گِئنْدَرْدی کِه، دَنیزْدَه بیر یولْ آچیلْدی.

سونْرا اِسْرائیلینْ قوم و اولادْلاری، دَنیزینْ اورْتاسینْدا یولْ لارینَه دَوام اِئدیلَر کِه، اونْلارینْ هَر ایکی طَرفینْ دَه سو دیواری واریدی.

بونْدان سونْرا خدا بولودْ سُتونونو بیر کِنارا چَکْدی کِه، مِصری لی لَر اِسْرائیل لی لَرین قاچمادیغینی گورْسونلر. نَتیجَه دَه مصْرلی لَر اونْلاری تَعْقیبْ اِئدْمَکْ قَرارینَه گَلْدیلَر.

بَئلَه لیکْدَه اونْلار اِسْرائیل لی لَرینْ آرْدینْجَه دَنیزَه گیرْدیلَر، لاکینْ، خدا، مِصْرلی لَری قورْخوتْدی و اونْلارینْ اَرابَه لاری نِی پالْچیغا ایلیشْدیرْدی. اونْلار قیشْقیرْدیلار: »قاچینْ، چونْکِه خدا اِسْرائیل لی لَر ایچینْ دؤیوشور. «

اِسْرائیلین قوم لاری ساغْ و سَلامَتْ دَنیزینْ او بیر تایینَه چاتْدیقْدان سونْرا، خدا موسایا بویورْدی: »اَلینی یِئنی دَن دَنیزه اوزات. « موسا بو ایشی اِئدَنْدَن سونْرا، سو مِصْرلی لَرین و اونْلارینْ دؤیوشْ اَرابَه لاری نینْ اؤزَرینَه دؤشْدی و اونْلارینْ هامی سی دَنیزْدَه بوغولْدولار.

اِسْرائیل لی لَر مِصْرلی لَرین، اورْدولاری نینْ تَمامی مَحْو اولْدوغونو گِئرَندَه خدا گوْوَنْدیلَر و موسانین خدا طَرَفینْدَن گِئنْدَریلیمیشْ پیغمبر اولْدوغونَه اینانْدیلار.

اِسْرائیلین قوم و خَلْقی چوخْ سِئوینْدیلَر، چونْکِه خدا اونْلاری قوللوق دان و اِئلیمْدَن خِلاص اِئدی. ایندی اونْلار خدااِ عِبادَتْ اِئدْمَکْ دَه و اونْون آرْدینْجَه گِئدْمَک دَه سَر بَسْت آزاد اِئدیلَر. اِسْرائیل لی لَر آزادْلیق لاری حَقّینْدَه چوخْلو ماهَنی لار اوخویورْدولار و اونْلاری مِصْرین اورْدوسونْدان خِلاص اِئدییی ایچینْ خدااِ حَمْد و ثِنا اِئدیرْدیلَر.

بِئلَه لیکْلَه، خدا قوم و اِنسانْلارا هَر ایلْ بو حادِثَه نی بایرامْ توتوبْ و شادْلیق اِئدْمَه یی و خدایین مِصْرلی لَری نِئجَه مَغْلوبْ اِئدْمَه یینی و هَم دَه اِسْرائیلینْ قومْلارینی قولْلوقْ دَن آزاد اِئدیینی خاطیرلاماقْ اَمْر اِئدی. اونْلار بو بایرامی پِسَخْ آدلانیرْدیلار. اونْلار هَر ایلْ بو بایرامی قُربانْ کَسْمَکْله و مایاسیز فَطیر چؤرَه کْ نَن قوزونون اَتینی قووورْماقْلا قید اِئدیرْدیلَر و بو بایرام دا شادْلیق اِئدیلَر.