15. وَعْدَه اِئدیلْمیشْ اؤلْکَه.

نهایت، اِسْرائیل خَلْق نین وَعدَه اِئدیلْمیش تورْپاق و اؤلْکَه، یعنی کَنْعانَه گیریشْمَه سین وقتی گَلْدِی. اورْدا "اریحا"آدلی بیر شهر واریدی، اطرافِی مُحْکَمْ دیوارلارْ نَنْ قورولْموشْ اِئدی. یوشع او شَهْرَه ایکی جاسوس گِینْدَرْدی. اورْدا "راحاب"آدلی بیر فاحِشَه خانیم یاشاییردی. او جاسوس لاری اِئزْ یانینْدا گیزْلَتْدی و اونْلارینْ شَهْردَن قاچْماسینا کُؤمکْ اِئدی. او، خدا اَ اینادیغی ایچین، بو ایشی گیردی. جاسوسْلار راحابه سؤز و قولْ وِئرْدیلَر، اریحانی مَحْو اِئدَنْدَنْ سونْرا، اونُو و عائِلَه سینی قورویاجاقْلار.

وَعْدَه اِئدیلْمیش دیارا گِئدْمَک ایچین، اِسرائیل لی لَر، گَرَکْ اُرْدون چایین دان کِئچْمَه لی اِئدیلَر. خدا یوشع-یه دِئدی: »اَوّلْ کاهِنْلری گِینْدَرْ. « کاهِنلَرین آیاغْلاری اُرْدون چایین نین سویونا چاتانْدا، آخارْ سو دایانْدی و اِسرائیل لی لَر، قورولْموشْ چایْدان کِئچَه بیلْدیلَر.

او قوم اُرْدون چایین دان کِئچَنْدَن سونْرا، خدا یوشع-یه دِئدی کِه، قُدْرَتْلی "اریحا"آدلی شَهْرَه هُجومَه حاضر اولْسین. خدا خَلْقَه دِئدی: کاهِنْلَر و قوشون، گَرَکْ آلْتی گِینْ عَرضینْ دَه و هَر گینْدَه بیر دَفعَه شَهرین اطرافینْ دَه گَزْسینْلَر. بِئلَه لیکْلَه، کاهِنلَر و قوشون بو ایشی اِئدیلَر.

یِئدّینْجی گینْ، اِسرائیل لی لَر، گَرَکْ شَهْری یِئدّی دَفعه دورَه وورسون اِئدیلَر، سونْرا، کاهِنلَر شیپورْلاری چالْسینْلار و بوتونْ خَلْق اوجادان قیشْقیرْسین. اونْلار بو ایشی دَه اِئدیلَر.

سونْرا، اریحا شَهرین اطرافینْ دَه بوتون دیوارْلار اوچْدی. اِسرائیل لی لَر، خدایین اَمْری نَنْ، شَهریین ایچینْدَه، بوتون هَر زادْلار کِه واریدی، مَحْو اِئدیلَر. یالْنیز اِسرائیل لی لَره قوشولانْ،"راحاب"آدلی و اونون عائِله سی ساغ قالْدیلار. وَقتی کَنْعان تورْپاغینْدا یاشایان، او بیر قَبیلَه لَر، اِسرائیل لی لَر، اریحا شَهرینی دارْماداغونْ اِئدیکْ لَرینی بیلَنْدَه، اِسرائیلین خَلقی، اونْلارا داها هُجوم اِئدْمَه سینْدَن چوخْ قورْخْدیلار.

خدا کَنعان دَه هِئچ بیر قَبیلَه نَنْ باریش موقاویلاسی باغْلاماغینی، اْسرائیل خَلقینَه، اَمْر اِئدْمَه میشْ ایدی. لاکین،"جبعونیان"آدلانانْ، کَنعانین قَبیلَرینْدَن بیر، یوشع-یه، یالانْ دانیشْدی و اونْلار، کَنعان دان اوزاق بیر یِئرْدَن گَلْدیکْ لَرینی اِدْعا اِئدیلَر. اونْلار یوشع دَن ایسْتَه دیلَر، اونْلار نَنْ باریش موقاویلاسی باغلاسین. یوشع و اِسرائیلین دیگر رَهبَرلَری، خدا اَ دَن مِصْلِحَت سیزْ، جبعونیان نَنْ موقاویلَه سی باغلادیلار.

ایچْ گینْدَن سونْرا، اِسرائیل لی لَر، جبعونیانین کَنعانْلی اولْدوغونو باشا دؤشْدیلَر. بِئلَه لیکْدَه، اونْلارین آلْدادیلْماسینا غَضب لَنْدیلَر. امّا، اونْلار نَنْ باریش موقاویله سینی پوزْمادیلار، چون، او موقاویله نِی خدایین حُضورونْدا باغْلامیش ایدیلَر. بونْدانْدا بیر آز مُدّت دَن سونْرا، کَنعانْلارین باشْقا قَبیلَه سین "اموریان"آدلانان پادشاه لاری، وقتی جبعونیان نَن اسرائیل لَرین باریش موقاویله سی باغْلادیقْ لارینی، اِئشیدیلَر، بیر-بیرله اِتْفاق اولوب و عَهْد باغْلادیلار و اِئزْ قوشْنِی لارینی توپْلاییبْ و جبعونیان لارین قوشونونا هَجوم اِئدیلَر. بو حالْدا، جبعونیان لار، یوشع دَن کُؤمَکْ ایستَه دیلَر.

یوشع اِسرائیل اورْدوسونو توپْلادی. اونْلار بوتون گِئجَه نِی جبعونه چاتانا قَدَرْ یولْدا اِئدیلَر. اونْلارْ سِحَرْ تِئزَه دَن و غافیلْدان اموریان لارا هُجوم اِئدیلَر.

خدا او گینی اِسرائیل ایچین دؤیوشْدی. او، اموریان لاری چاشْدیرْدی، آسْمانْدان کاتا تولولاری یاغْدیرْدی و چوخْلُو اموریان لاری اِئلْدیرْدی.

خدا هَمچِنین آسْمانْدا گینَشین حَرَکَتینی دایانْدیرْدی، تا اِسرائیل قوشونْلارین، اموریان لاری تمامیلا مغلوب اِئدْمَکْ ایچین، کِفایَت قَدَرْ وَقت اولْسون. خدا او گین اسرائیل لَره کاتا غَلَبَه قازانْدیرْدی.

خدا بو اورْدولاری مَغْلوب اِئدیکْدَن سونْرا، بیر چوخ دیگر کَنعان قَبیله لَری، اِسرائیل لی لَرَه هُجوم اِئدْمَکْ ایچین بیرْلَشْدیلَر. یوشع و اسرائیل لی لَر، اونْلارا هُجوم اِئدَرَکْ اونْلاری مَحْو اِئدیلَر.

بو مُحارِبَه لَرْدَنْ سونْرا، خدا اِسرائیلین هَر قَبیلَه سینَه وَعْدَه اِئدیلْمیشْ تورْپاقْدان بیر پایْ وِئرْدی. سونْرا، خدا اِسرائیلین بوتون سَرْحَدْلَرینْدَه باریش یاراتْدی.

یوشع قوجالانْدا، بوتون اِسرائیل لی لَری توپْلادی. سونْرا، او، اِنسانْلارا سینا داغینْدا خدایین اونْلارا باغْلادیغی عَهْدَه تابِع اولْماغا سؤز وِئرْدیکْلَرینی خاطرلادی. اِسرائیل لار خدا صادِق قالْماغا و اونون قانون لارینْا تابِع اولْماغا سؤز وئرْدیلَر.