32. عیسی بیر دیو توتولموش کیشینی و بیر ناخوش قادینی ساغالدیر

بیر گین عیسی و اؤیْرَنْجی لَری قاییق نان جَدَریان اؤلْکَه سیندَه بیر گیلین او بیر ساحِلینَه گِئدیلَر. قورویا ییتیشَنْدَه قاییقدان دؤشْدولَر.

اورادا بیر پیس روحْلارا توتولموش بیر آدام واریدی.

او آدام او قَدَرْ گوجْلو ایدی کی هئچ کیم اونو رام ائدَه بیلْمَزیدی. دفعه لَر اونو زنجیرنان باغْلامیشْدیلار، امّا او زنجیرلَری قیریرمیشْدی.

همین آدام اورادا اولان قبْرلَرین آراسینْدا یاشاییرْدی. گِئجَه گیندیز قیشْقیریرْدی. اونین اَیْنینْدَه هئچ بیر رَخْت و پالتار یوخیدی و ایتی داشْلارنان ایزینه خِسارَت ییتیریب ایزینه یارلار وورور دور.

او آدم عیسی نین یانینا گَلَنْدَه اونین قارْشی سینْدا دیز چؤکْدو. عیسی او دیوَه اَمْر اِئدی: »بو آدامدان چیخ. «

دیو اوجا سَسْلَه دئدی: »ای اوجا خدایین اوغْلو عیسی، مَنْدَن نه ایسْتَه ییرْسَن؟ خواهِش ائدیرَم مَنه ایشْکَنْجَه وِئرْمَه یین! « سونرا عیسی اونْدان سوروشدو: »آدین نَمَه دیر؟ « او جواب وِئرْدی: »منیم آدیم لژیون دور. چونْکِه بیز چوخوق. «)لژینون، روما اوردوسونْدا بیر نئچه مینگ عَسْگرلَردَن عِبارت دیر.(

دیولار عیسی یَه یالْوارْدیلار: »بیزی بو اؤلْکَه و بو تورْپاقْدان قووما. « بیر تَپَه دَه بیر دونْقوز سوروسو اوتْلاییرْدیلار. ناتمیز روحْلی لار عیسی یَه یالْواریب، دِئدیلر: »اونْدا بیزی دونْقوزلارین یانینا گینْدَرین. « عیسی اجازه وِئریب و دئدی: »گِئدین. «

دیولار آدامْدان چیخیب، دونْقوزلارین ایچینَه گلدیلر. ایکی مینگه یاخین اولان دونْقوزلارین بوتونو تپه دَن آشاغی گئله /گؤله/دؤشْدولَر و بوغولوب و ائلْدیلر.

سورویه باخان دونْقوزچولارا بو باش وِئرَن حادِثَه نی گیرَنْدَه شهره قاچیب عیسی نین اِئدیکْلرینی جماعتَه خبر وئردیلر. شهر جماعتی گَلیب گیرْدیلَر کِه، دیو توتموش آدام ساکِت اولوب، یئنی پالتار گئییب عاقلی باشیندا اوتوروب.

چوخ قورخان خَلْق عیسی دَن گِئدْمَه سینی و اورانی تَرْک اِئدْمَه سینی ایسْتَه دیلَر. امّا عیسی قاییقه منیدی. لاکین دیوه اسیر اولان آدام، عیسی دَن اونْلا گِئدْمَه سینی خواهِش ایلَه ایسْتَه دِی.

لاکین، عیسی اونا دِئدی: »ائوینَه قایید و خدا سَنین اوچون نَه اِئدیینی و اونون مَرْحَمَتی سَنی نِئجَه احاطه اِئدییینی هامی خَلْقَه دانیش. «

بو آدام گِئدی و عسی نین اونون اوچون اِئدیکْلَرینی قارْشی سینْدا چیخان هَر کَسَه دانیشْدی. اونون حِکایَه سینی اِئشیدَن هَر کَسْ حیرَتَه گَلَرْدی.

عیسی گیلین او بیری ساحِلینَه قاییتدی. اورایا چاتْدیقْدان سونْرا، اطرافینَه کاتا بیر دسته جماعت ییغیلْدیلَر. اِذدِهام آراسینْدا اون ایکی ایل قان آخْماقْدان اذیت چَکَنْ بیر قادینْدا واریدی. بوتون وار-دولتینی مُعالِجَه سینه خَرْج ائدْمیش و حَکیم لَرَه وئرْمیش ایدی. امّا، وضعیتی دادها یاخشی یوخ، بلکه، پیس اولانْمیش.

قادین ائشیدْمیش ایدی کِه، عیسی چوخْلو ناخوش و خَسْتَه لَرَه شَفاء وئریب، او ایز-ایزینَه دئدی: »اینانیرام کِه، یالنیز عسی نین پالتاریا توخونْسام، من دَه ساغالاجاغام. « قادین جَماعت ایچینْدَن عیسی نین دالیندان آرخاسینا پیتیشَنْدَه اوزانیب، اونون پالتارینا توخونْدو. عیسی نین پالتارینا توخونادا اونون قان آخاماسی دایانْدی.

عیسی در حال باشا دؤشْدو کِه بیر قُوّه اونو تَرْک ائدی. اونا گیرَه دلی دؤنْدِی و سوروشْدو: »منیم پالتاریما کیم توخونْدو؟ « اؤیرَنْجی لَر جواب وئرْدیلر: »چوخْلولار هَر طرفْدَن سَنی سیخیرْلَر نِئیَه، سوروشْورْسَن مَنَه کیم توخونْدو؟ کیم منیم پالتاریما اَل وورْدو؟ «

قادین قورْخودان تیتْرَه یَه رَکْ عیسی نین آیاغْلارین آلتینا دیز چؤکْدو. سونْرا اونا ائدییینی و نِئجَه ساغْلادیغینی سؤیلَه دی. عیسی اونا دئدی: »ایمانین سَنی ساغْلاتْدی! ساغ - ساغْلام گئدین. «