31. عیسی سویون یوزَرینده یئریرییر

عیسی جماعتی یئدیزدیردیک دن سونرا، اؤیْرَنْجی لَرینَه قاییقه مینیب چایلیقین او بیر ساحِلیَنه گئدْمَه یی تاپْشیرْدی، لاکین او، قیسَه مَدَت اورادا قالْدی. اؤیْرَنْجیلَر و عیسی جَماعتی یولا سالْدیقْدان سونْرا دوعا اِئدْمَکْ اوچون بیر داغین باشینَه چیخْدی. او اورادا تَکْ گئجه نین یاریسینَه قَدَرْ دوعا اِئدَرْدی.

اؤیْرَنْجیلَر قاییق ده پارو وورْماغا مَشغول ایدیلَر، لاکین، کولاک اونْلارا قارشی اَسَرْدی. گئجه یاریسینَه یاخین وَقتی چایْلیق یالْنیز کیچیک بیر حِصّه سینی گِئدمیش ایدیلَر.

سونرا عیسی دوعاسی نی بیتیردی و اؤیْرَنْجیلَرین یانینا گِئدی. او سویون یؤزَرینْدن اونْلارین قاییقینَه طَرَف قَدَم وورْدی.

اؤیْرَنْجی لَر عیسی نی گؤرَنْدَه چوخ قورْخْدولار، چونْکِه اونون روح اولْدوغونو دؤشونوردولَر. عیسی اونْلارین قورخْدوغونو بیلْدی و اونْلارا دئدی: »قورخْمایین، منم! «

سونْرا پِتِرسْ عیسی یَه دئدی: »یا سَرورَم! اگر سَن سُنْسَه، دِئیین تا سویون اوسْتونَه سَنین یانینا گَلیم. « عیسی پِترَه دِئدی: »گَلْ! «

پِتِرس قاییق دان دؤشوب سویون اوسْتونْده عیسی نین یانینا گِئدی. لاکین بیر قَدَرْ گِئدیکْدَن سونْرا، ایزینی عیسی دَن چِئویردی، بَلَنْد و یوکْسَکْ دالغالارا باخْدی، سونْرا گؤجْلو چایلیقین گؤجونو حِسْ ائدی.

اونْدان سونْرا پِترسه قورْخو بؤرْونْدو و سویا باتانْدا قیشْقیرْدی: »یا سَرورَم، مَنی خِلاص اِئدینْ و نِجات وِئرین! « عیسی تَئزْ اَلینی اوزادیب اونو سودان چیخارْدی. سونْرا دئدی: »ای ایمانی آز! اولانْلارْدا تَهْلوکَه سیز قالْماغا نِئیَه مَنه اینانْمادین؟ «

پِترس ایله عیسی قاییقه مینَنْدَه دَر حال کولاک دایانْدی و سو ساکِت اولْدو. چوخ تَعجُب لَه نَنْ اؤیْرَنْجی لَر عیسی یَه سَجْدَه اِئدَه رَک اونا دِئدیلَر: »حَقیقتْدَن سَن خدایین اوغْلوسان. «