30. عیسی مسیح بئش مینگ انسانی یئدیزدیردی.

عیسی حواریون لَرینی چاغیریش و اؤیرَتْمَکْ ایچین بیر چوخ کَندْلَره گیندَرْدی. قاییدانْدا اونْلار، عیسی یَه ائدیکْ ایشْلَرینی بیلْدیرْدیلر. سونْرا عیسی اونْلاری دینْجَلَه مَک ایچین چایْلیق یاخینْلیغین دا خَلْوَتْ اولان یئکَه یِئرَه آپارْدی. بِئلَه لیکْلَه هامی بیر قاییقَه مینْدیلَر و چایین او بیر طَرفینَه کئچْدیلَر.

چون جَماعَت عیسی و اؤیْرَنْجی لَری نین قاییق دا گِئدی یینی گئرْدیلَر، اونْلاردان اونْجَه دَنیزین او تایینَه ییتیشْماق ایچین دَنیزین ساحِلین دا قاچْماغا باشْلادیلار. بونا گئرَه دَه عیسی و اؤیْرَنْجی لَری اورایا گَلَنْدَه کاتا بیر گوروپ آدام اونْلاری گئزْلَه ییرْدی و اونْلاری قارْشیلارْدیلار.

اونْلارین سایی قادینْلار و چاغالار ایسْتینَه اولْماق نان بئش مینگه یاخین کیشی ایدیلَر. عیسی مَسیح ایرَه یی اونْلار ایچین بَرَک یانْدی، چونکِه اونْلار چوبان سیز قویونْلار کیمی ایدیلَر. او، اونْلارا اؤیْرَتْمَه یَه و ناخوش لاری ساغ ائدْمَه یَه باشْلادی.

آخشام چاغی، اؤیْرَنْجی لَر عیسی نین یانینا گَلیب، دئدیلَر: »ای اُستاد، جَماعتی گینْدَر تا ایزْلَری ایچین یِئمَکْلَر تامین ائدسینْلَر، چونکِه بو اوجْقار یِئرْدَه یِئیمَه یَه هئچ نَمَه یوخْدور. «

لاکین عیسی اؤیْرَنْجی لَرینَه دئدی: »اونْلاری ایزینیز یِئدیزْدیرین. « اونْلار جَواب وِئرْدیلَر: »بیز بو جَماعتی نِئجَه یِئدیزْدیرَک؟! بیز جَمعا بِئش دَنَه چِئرَه ی یی میز و ایکی بالاجا بالیقمیز وار والسلام. «

عیسی اؤیْرَنْجی لَرینَه دِئدی کِه جَماعتَه دِئسینْلَر: اَلْلی نَفَرْلیک گوروپ لار دوزَلْدیب و یاشیل اودْلارین اوسْتونْدَه اوتورْسونْلار.

سونرا عیسی الینَه بِئش دَنَه چِئرَه یْ و ایکی بالاجا بالیق گؤتورْدو، اَلْلَرینی آسْمانْدا قالْدیرْدی و یِئمَکْ ایچین، خدااِ شوکور و خیرْلی دوعا ائدیب و اونا بَرَکَتْ وِئرْدی.

بونْدان سونْرا عیسی چِئرَه ی لَری و بالیقْلاری سینْدیرْدی و خَلق آراسینْدا پایْلاماق ایچین اؤیْرَنْجی لَرینَه وِئرْدی. اؤیْرَنْجیلَر خَلقَه یِئمَک وِئرْدیلَر و هامی سی یِئدیلَر و دؤیْدولَر، لاکین او یِئمَکْلَردن خوچ اَسْکیک و آز اولْمادی.

ااؤیْرَنْجیلَر یِئمَک قالیقْ لارینی توپْلادیلار و بِئلَه جَه، او بِئش چِئرَه ی و ایکی بالیقْدان قالانْلار، اونْ ایکی سَبَدی دولْدورْدولار.