29. داشْلی یؤرَه کْلی قولْلوقْچونون حِکایَه سی

بیر گون پِتْروس عیسی دان سوروشْدو: »اُستادیم مَنَه پیسْلیک و ظَلْم اِئدَن قارْداشیمی نِئچَه دَفْعَه باغیشْلامالییَم؟ آیا یِئدّی دَفْعَه ؟ « عیسی دِئدی: »یِئدّی دَفْعَه یوخ، یِئتمیش سانی یِئدّی دَفْعَه! « عیسی ایسْتَه ییردی کِه، بیز همیشَه باغیشلامالی اولْدوغوموزو باشَه دؤشَک. سونْرا عیسی بو اَحْوالاتی دانیشْدی.

او دئدی: »خدایین سِلْطَنَتی ایز قولْلاری نان حَقّ حِساب چَکْمَکْ ایسْتَه یَنْ پادشاهَه بَنْزَییر. هَمین قولْلوقْچولارین دان بیرینین بورْجو ایکی یوز مین ایلْلیک ایشینین اوجْرت -مُعاشینَه برابر ایدی. «

قولْلوقْچو بو مَبلغ دَه بورْجو اوْدَه یَه بیلْمَه دیِی ایچین پادشاه بو بورْجونو قارْشی سین دَه اونون آرْوادی، چاغالاذی و بوتون مال –دولتی ایلَه بیرْلیکْدَه ساتْماغی اَمْر ائدی.

امّا کیشی ایزینی پادشاهین آیاغینَه آتیبْ یالْواریب، دِئدی: »ای پادشاه، لَطفَن مَنَه بوتون بورْجْلاریمی آخیرا قَدَرْ اوْدَه مَک ایچین وقت بِئر. « پادشاهین اونَه یازیغی گَلْدی، اونو آزاد اِئدی و بوتون بورْجلارینی باغیشْلادی.

لاکین او قولْلوقْچو پادشاهین سارایینْدان چیخانْدا اَمَکْداشْلارینْدان بیرینین اونَه دوْرد آیلیق مَعاش بورْجو اولْدوغونو گورْدو. او، بوغازینی سیخیب دِئدی: »مَنَه بورْجونو اوْدَه. «

بورادا دوستو اونون آیاغینَه ییخیلاراق دِئدی: »خواهِش اِئدیرَم، مَنَه بیر آز وقت بِئرین، بوتون بورْجومو قایْتاریم. « امّا، طَلَبْکار قانِع اولْماییب و بوتون بورْجلاری اوْدَنیلَنَه قَدَرْ اَمَکْداشینی زندان سالیب و اونو حَبْس ائدی.

شَخصین دوستلاری حِکایَه نی ائشیتْدیکْدَه، چوخ کَدَرْلی اولْدولار و پادشاهین حضور و وارلیغینَه گِئدیلَر، حِکایه نی اونَه بیلْدیرْدیلَر.

پادشاه در حال، قولْلوقْچولارْدان سوروشْدو و دِئدی: »ای شَرور! و ای قولْدور، مَن سَنَه کاتا بیر بورْجو باغیشْلادیم. سَن دَه گَرَک اَمْکْداشین نَنْ عینی داوْرانْنیشی اِئدْمَه لی سینیز. « پادشاه چوخ عَصَبْلَشْدی و حَبْس اولونْماسینی اَمْر ائدی تا بوتون بورْجو اوْدَه مَه یَنَه قَدَرْ زِندانْدان سَر بَسْت بوراخْماسینْلار.

سونرا عیسی دِئدی: »قارْداشینیزی باغیشْلامیرْسان، آسْمانلی آتام سَنَه عینی مُناسِبَت گؤسْتَه رَه جَکْ. «