28. زنگین گنج

بیر گین وارلی و بیر رَهبر عیسانین یانینَه گَلْدی و اونْدان سوروشْدو: »یاخْشی اُستاد، اَبَدی حَیاتَه چاتْماق و اونَه صاحب اولْماق ایچین نَه ایش اِئدْمَه لییَم؟ « عیسی اونَه بویورْدو: »نِئیَه مَنَه یاخْشی دِئییرْسَن؟ حال بو کی، خدا دان باشْقا هِئچ کیم یاخْشی دِئییل دی. اگر اَبَدی حَیاتَه صاحِب اولْماق و اونَه اَیَه چیخْماق ایستَه ییرسَن، خدایین اَمْرلَرینَه عَمَلْ اِئدین. «

او وارلی سوروشْدو: »اَمْرلَردَن هانسینَه تابِع اولْمالییَم. « عیسی جَواب بِئرْدی: »هِئچ کیمی ائلْدورْمَه، زَنا اِئدْمَه، اوغْرولوق اِئدْمَه، یالان دانیشْمَه، آتا - آنانا حُرْمَت اِئد، و قوشنینی ایزین کیمی سِئو. «

امّا گَنْج دِئدی: »مَن چاغالیقْدان بَری بوتون بو اَمْرلَره عَمَل اِئدْمیشَم، اینْدی اَبَدی حَیاتَه صاحِب اولْماق ایچین نَه اِئدْمَه لییَم؟ « بو حالْدا، عیسی اونَه مِحَبَتْلَه باخْدی.

و جَواب بِئرْدی: »اگر اَن یاخْشی سینی اِئدْمَکْ ایستَه ییرْسَن، گِئد هَر نَه یین وارْسَه سات و پولونو یوخْسولْلارا بِئرْ کِه، سَنین خَزینَه نین یِئرْدَه یوخ، بَلْکَه آسْمانْدا اولْسون! او زَمان مَنیم آرْخامْدان گَلْ! «

گنْج عیسانین بو سِئزْلَرینی اِئشیتْدَنْدَه چوخ کَدَرْلَنْدی، چونْکِه زنگین ایدی و وار دولتینی و اَمانَتینی ایتیرْمَکْ ایستَه مَه دی. عیسی دان ایز چِئویرْدی.

سونْرا عیسی اؤرَنْجیلَرینَه دِئدی: »بیلین کِه وارلی آدَم ایچین خدایین پادشلیغینَه گیرْمَکْ چوخ چَتینْدی. یِئنَه دِئییرَم، دِوَه نین اینَه دیشینْدَن گِئچْمَه سی وارلی نین خدایین سِلْطَنَتینَه گیرْمَه سینْدَن آسانْدی! «

اؤرَنْجیلَری عسانین بو سِئزْلَرینی ائشیتْدَنْدَه تَعَجُب لَنْدیلَر و سوروشْدولار: »بَس کیم خِلاص اولا بیلر؟ «

عیسی اؤرَنْجیلَرَه باخیب، دِئدی: »اِنسان ایزینی خِلاص اِئدَه بیلْمَزْ، لاکین خدا هَر شَئی مُمکِن دور. «

پِتْروس عیسایَه دئدی: »بیز هَر شَئی دَن اَلْ چَکْدیکْ تا تابِع اولاق، اینْدی مُکافاتیمیز نَه اولاجاق؟ «

عیسی جَواب بِئرْدی: »کیم مَنیم ایچین قارْداش و باجی، آتا-آنا و چاغا، ائو و یِئر تورْپاق دان تَرْک اِئدْسَه، یوز قات آرْتیق آلاجاق و اَبَدی حَیاتَه صاحِب اولاجاق. آنجاق بیرینْجی اولانْلارین چوخو سونونْجو، سونونْجو اولانْلارین چوخو بیرینْجی اولاجاق. «