27. یاخشی سامری حِکایَه

بیر گین یَهودی دین اُستادلارینْدان بیری، عیسانین یانینا گَلْدی. او عیسانین تَعلیم لَرینین یانْلیش اولْدوغونو ثابِت اِئدْمَک ایسْتَه ییرْدی. او عیسادان سوروشْدو: »اُسْتاد، اَبَدی حَیاتَه صاحِب اولْماق ایچین اِنسان نَه اِئدْمَه لی دیر؟ « عیسی جَواب وِئرْدی: »تورات کتابینْدا بو بارَه دَه نَمَه یازیلیب؟ «

اُستاد یَهودی دِئدی: »یا ربّ خداینی بوتون ایره ی نَن، بوتون جانْلا، بوتون گوجونْلَه و بوتون عَقْلین نَن سِئوین. قوشْنی نی ایزین کیمی سِئوین. « سونْرا عیسی دِئدی: »دوغْرو دِئییرْسَن! سَنْ دَه بوجور اِئدین کِه اَبَدی حَیاتَه صاحِب اولاسانیز. «

امّا او دین عالِمی تَقوالی گِئرینْمَکْ ایسْتَه یَه رَکْ یِئنیدَن سوروشدو: »قوشْنیم کیمْدیر؟ «

عیسی هَمین دین رَهبَرَه بیر حِکایه نَن جَواب وِئرْدی: »بیر یَهودی کیشی اورْشَلیم دَن اَریحایَه گِئدَرْدی.

یولْدا اوغْرو و قولْدورْلار اونا هُجوم اِئدَه رَک بوتون وار یوخونو اَلینْدَن آلْدیلار و ایزینی دَه دؤیْدویْلَر و یاری ائلی جَسَدینی یولون کِنارینْدا قویوب گِئدیلَر.

بو حادثَه دَن سونْرا، اورادان بیر یَهودی کاهِن گِئچَرْدی. هَمین آدَمی یولون اورْتاسینْدا گِئریب یولون او بیری طرفینْدن، یولونا دَوام ائدی و اونا هِئچ مُحَلْ قویْمادی. «

بیر آزْدان سونْرا بیر لاوی لی یولْدان گَلْدی ییتیشْدی.)لاوی لار مَعبدین کاهِن لارینا کؤمک ائدن اسرائیل قبیله سینْدن اِئدیلر.(او دا یولون او بیر طرفینَه کِئچْدی، همین آدَمه هِئچ فِکْر اِئدْمَه دی.

سونْرا، سامرلی لاردان اولان باشْقا بیر آدَم گَلْدی.)سامرلی لار و یَهودی لر بیر بیرینَه نِفْرَت اِئدیرْدیلَر(. یارالایان یَهودی اولْدوغونو گِئرسَه دَه، یوره یی اونین ایچین یانْدی و یارالارینی یویْدو، مَلْحَمْ چِکدی، یارانی سارْدی و اوسْتونو باغْلادی.

سونْرا سامِرلی اونو اِئشّه یینَه مینْدیرْدی، قوناق خانایا آپارْدی و اورْدا اونا قولْلوقْلوق اِئدی. «

اِئرْتَه سی گین سامِرلی سیاحتینَه دَوام اِئدْمَه لی اولْدی. او قوناق خاتاچیا بیر آز پول وِئرْدی و دِئدی: »بو یارالی آدَمَه باخین و اونا قولْلوق اِئدین، بونْدان آرْتیق خَرْج ایلَه سَن، مَن قاییدانْدا آرْتیق سَنَه پول وِئرَرَم. «

سونْرا عیسی هَمین دین عالِمینْدان سوروشدو: »اینْدی، سَنجَه بو ایچ نَفَر دَن هانْسی اوغْرولارْدان و زوراکی لیغا مَعْروض قالان آدامین قوشْنی سی اِئدی؟ « دین عالِمی جَواب وِئرْدی: »اونین ایچین قَلبینی قیران یورَه یینی یاخان. « عیسی اونا جَواب وِئردی: »سَن دَه گِئدین بویلَه اِئدین. «