26. عیسانین خدمتی نین باشلانغیجی

شیطانین وَسْوَسَه لَرینَه غالِب گَلْدیکدَن سونْرا، عیسی، ایز مَسکن و یاشاییش یِئرینَه "جَلیل"آدلی شهرَه قاییتدی. روح الْقُدْس، عیسایَه چوخْلو گوجْ وِئرْدی و او، خَلْقی اؤرَتْمَکْ اوچون، یِئرْدَن یِئرَه گِئدیرْدی و هامی اونون حَقّینْدَه یاخشی دانیشیرْدیلار.

عیسی چاغالیغینی کِئچیرْدییی "ناصِرَه"آدلی کَندینَه گِئدی. شَبّات گینی، او مَعبدَه گِئددی. دین رَهبرلَری اونا اوخوماق اوچون، اِشَعیای پیغمبرین بیر نُسْخَه سینی وِئرْدیلر، بونا گِئرَه دَه عیسی طوماری آچیب اونو بیر حِصّه سینی خَلْق ایچین اوخودو.

عیسی بِئلَه اوخودو: »خدا ایز روحونو مَنیم اؤزَریمَه قویْدو کِه، خوش خَبری و سِئوینْجی یوخْسول لارا چاتدیریم. مَنی گینْدَردی کِه، کورْلَری گِئریم اَسیرلَری و مَظلوم لاری آزاد اِئدیم. چونکِه خدایین اِنسانلارا رَحْمَت وقتی گَلیب چاتْمیشدی. «

سونرا عیسی یِئرْدَه اوتورْدو و هامی دِقّت نَن اونا باخیرْدی. اونْلار بیلیرْدیلر کِه، مُقّدَس کتابین اوخودوقلاری حِصّه وَعْدَه اِئدیلْمیش مَسیحَه اِستِناد اِئدیر. بو حالْدا، عیسی دِئدی: »سیزه اوخودوغوم سیز آرتیق یِئرینَه یئتْمَکْدَه دیر. « بوتون جَماعَت حِیرَتَه گَلْدی و سوروشْدولار: »بو، یوسُفین اوغْلو دئییل می؟ «

سونْرا عیسی دئدی: »دوغْرو دور پیغمبرلَر ایز مَملِکَتین دَه قبول اولْمورْلار. ایلیای پیغمبرین دورونْدَه ایچ ایل یاریم یاغیش یاغْمایانْدا، اِسرائیل دَه دول قادینْلارین چوخ اولْماسینا باخْمیاراق، خدا ایلیانی باشْقا اؤلْکَه دَه یاشایان بیر دول قادینا کؤمَکْ اِئدْمَکْ ایچین گینْدَرْدی. «

عیسی دوام اِئدی: »اِلیَشَع پیغمبرین زمانیندا، اِسرائیل دَه بیر چوخ اِنسانلار دَری ناچاقلیق و خَسْتَه لیک لَری اِئدی. لاکین اِلیَشَع اونْلارین هِئچ بیرینی شَفاء وِئرْمَک نَن ساغالتْمادی. او آنجاق، اِسرائیلین دُشمنین کومانْدیری سوریَه لی "نَعَمان"آدلینی، بو خَسْتَه لیکْدَن شَفاء نان ساغالتْدی. « یَهودی اولان دینْلَه ییجیلَر بو سیزلَری اِئشیتْدَن دَه اونا غَضَبْ لَنْدیلَر.

ناصِره نین خَلْقی، عیسانی مَعْبَدْدَن چیخاریب بیر اوچورومون کنارینه آپارْدیلار کِه، اونو، اورادان آشاغی آتْسینْلار و اونو ائلدیرسینلر. لاکین عیسی اونْلارین آراسینْدان کِئچْدی و ناصِرَه شَهرینی تَرْک اِئدی.

سونرا عیسی جَلیل شَهرینَه گِئدی و بوتون کَنْدلَرینی گَزْدی. خَلقین چوخو اونون یانینا گَلیرْدیلر و ایزْلَری نَن چوخلو ناچاق و خَسْتَه لَر گتیریرْدیلَر. اونْلارین آراسینْدا، عَلیل، کورْ و کَرْ اِنسانلار واریدی. بَعضی لَر یِئریَه بیلْمیرْدیلر و بَعضی لَر دَه دانیشا بیلْمیرْدیلر. عیسی اونْلارا شَفاء وِئریرْدی و اونْلار ساغْلام قاییتْدارْدیلار.

اونْلار هَمْچِنین پیس روحْلارا توتولْموش چوخْلاری عیسانین یانینا گَتیرَرْدیلَر. عیسانین اَمْری نَن پیس روحْلار اِنسانلاری تَرْک اِئدیرْدی. اونْلارین چوخو قیشْقیراردیلار: »سَنْ خدایین اوغْلوسان! « جَماعَت حیرَت لَنیب و خدااَ حَمْد اِئدیرْدیلر.

سونْرا، عیسی اؤرَنْجیلَردَن اون ایکی کیشینی سِئچْدی و اونْلارا رَسولان آد قویْدی. اونْلار عیسی نَن سیاحَت اِئدیرْدیلَر و اونْدان اؤرَنَرْدیلَر.