25. شیطان عیسانی سیناغا چَکیر

عیسی تَعْمید اولونْدوقْدان سونْرا، خدایین روحو اونی دَر حال چؤل و صَحْرایَه آپارْدی. اورْدا قیرخ گین و گِئجَه اوروجْ توتْدو. سونْرا شیطان عیسانین یانینا گَلْدی و اونی گناهَه طَرَف وَسْوَسَه و سوق اِئدی.

شیطان عیسانی سیناییب دِئدی: »اگر سَن خدایین اوغْلوسانْسا، بو داشْلارا دئیین کِه، چِئرَه یْ اولْسون کِه، یِئییَه سَن! «

عیسی جَواب وِئرْدی: خدایین کَلامینْدا یازیلیب: »اِنسان دیری قالیب و یاشاماق ایچین تَکْ چِئرَه یْ یِئی مَه یَه نیازی یوخْدی، بَلْکَه، خدایین آغْزینْدان چیخان هَر بیر سِئزَه احتیاج دا وار! «

سونْرا، شیطان اونی مَعْبَدین اَن اوجا یِئرینَه آپاریب، دئدی: »اگر سَن خدایین اوغْلوسانْسا، ایزینی بورادان آشاغی آتْ، چون مُقدَّس کِتابْدا دِئییلیب: »آیاغینی داشا ووماماق ایچین، خدا ایز مَلَکْلَرینَه سَنی داشیماغی اَمْر اِئدَه جَکْ. «

امّا، عیسی شیطانین دِئیدیینی اِئدْمَه دی و جَواب وِئرْدی: خدا ایز سِئزی نَنْ خَلْقینَه اَمْر اِئدی: »خدایی نیز رَبّی سینانْمایین. «

سونْرا شیطان اونی هونْدور بیر داغین باشینا چیخاریب بوتون دونیا اؤلْکَه لَرینه و اونْلارین گوج و ثِروَتْلَرینی اونا گوسْتَریب دِئدی: »اگر دیز چوکوب مَنَه دوعا و نیایش اِئدَه سَن، بونْلارین هامی سینی سَنَه وِئریب باغیشْلارام. «

عیسی جَواب وِئرْدی: »مَنْدَن اوزاق اوْلین، شیطان!"او، خدایین سِئزی نَنْ خَلْقینَه اَمْر اِئدی: »یالْنیز خدایی نیز رَبّه عِبادَت اِئدین و یالْنیز اونا قولْلوق اِئدین. «

عیسی شیطانین وَسْوَسَه لَری نین تَلَه سینَه دؤشْمَه دی. بِئلَه لیکْلَه، شیطان اونی تَرْک اِئدی و مَلَکْلَر گَلیب عیسایا خِدْمَتْ اِئدیلَر.