24. یوحَنا، عیسانی تَعْمید وئریر

زکریا و الیزابتین اوغلو "یوحَنا"آدلی بویودو و پیغَمبرلیقه سِئچیلْدی. او، چؤل و صَحْرالارْدا یاشاییردی. او چؤلْلَردَه بالْ و چورْدوگان یِئییرْدی. دِوه نین توکْ و یونْگونْدَن پالتار گِئیینیرْدی.

چوخْلو آدام چؤلْلَرْدَه یوحَنانین یانینا گَلَرْدیلَر اونین دانیشْدیغینَه قولاق آسیرْدیلار. او، اونْلارا تبْلیغ ائدیب و دِئییرْدی: »توبَه اِئدین، چونْکِه خدایین پاشالیغی یاخینْدیر. «

اِنسانْلار یوحَنانین خَبرینی اِئشیتْدَنْدَه چوخْلاری گناه لارینْدان توبَه اِئدیرْدیلَر و یوحَنا اونْلاری سونان تَعْمید /غُسْل/وِئرَرْدی. بیر چوخ دینی رَهْبَرْلَر دَه یوحَنانین یانینا گَلَرْدیلَر، لاکین، اونْلار گناه لارینی اِعْتِراف و توبَه اِئدْمَه دیلَر.

تَعْمیدچی یوحَنا دین رَهبَرلَرینَه دِئدی: »ای زَهْرلی ایلانْلار! توبُه اِئدین و داوْرانیشْی نیزی دَییشْدیرین. خدا یاخْشی مِئیوَه وِئرْمَه یَنْ هَر دال-آغاجی کَسیب، اودا آتاجاق. « یوحَنا پیغَمْبرلین اونْگَه دَن دییینی بوتون بیتیرْدی. پیغمبرلَر اونْجَه دَن دِئمیش ایمیشْلَر: »باخین، اینْدی مَن سیزین ایچین ائلْچی و ساوچیمی، یول حاضِرلاماق ایچین سیزدَن قاباق گیندَریرَم تا یولو سیز ایچین هَمْوار اِئدْسین. «

بَعضی دینی رَهبَرلَر یوحَنادان سوروشْدولار: »سَن مَسیح سَن؟ « یوحَنا جَواب وِئرْدی: »مَن مَسیح دئییلَم، امّا، مَنْدَن سونْرا، مَنْدَن قات-قات یوکْسَکْ اولان بیری گَلَه جَکْ. مَن اونین آیاغ قابیلارینی آچْماغا لاییق دئییلَم. «

اِئرْتَه سی گین عیسی سودا تَعْمید /غُسل/اولونْماق ایچین، تَعْمیدچی یوحَنانین یانینا گَلْدی. یوحَنا اونو گِئرَنْدَه دِئدی: »بو بوتون دونیانین گناه لارینی گوتورَن خدایین قوزوسو دور. «

تَعْمیدچی یوحَنا، عیسایا دِئدی: »مَن سَنی تَعْمید /غُسْل/وِئرْمَه یَه لاییق دئییلَم. سَنین طَرَفینْدن تَعْمید اِئدْمَه لی اولان مَنَم. « امّا عیسی دِئدی: »مَنی تَعْمید اِئدین، چونْکِه، بو دوزْگون ایشْدیر. « بِئلَه لیکْلَه، یوحَنا، عیسانی تَعْمید اِئدی، باخْمیاراق کِه، عیسی هِئچ وَقْت گناه اِئدْمَه میشْدی.

عیسی تَعْمید اولْدوغونْدان سونْرا، سودان چیخانْدا، خدایین روحو گؤیَرْچین کیمی گِئرینْدی و آشاغی اِئنْدی و اونین اؤزَرینَه اوتوردی و عینی زَمانْدا آسْمانْدا خدایین سَسی گَلْدی: »بو، مَنیم اوغْلوم دور. مَن اونو سِئوْگی و مَن اونْدان راضی و خُشْنودَم. «

خدا یوحَنایا دِئمیش ایدی: »مَقْدّسْ روحو اِئدییز شَخصین اؤزَرینَه گَلَه جَکْ، او، خدایین اوغْلو دور. « خدا بیر و یِئکّه دیر و یوحَنا عیسانی تَعْمید اِئدَنْدَه، آتا خدایین سَسینی اِئشیدی. او اوغول خدایی، یَعنی عیسانی گِئرْدی و مُقّدْس روحو دا گؤیرَچین شَکْلینْ دَه گِئردی.