23. عیسی نین دوغولْماسی

مَریَم، عادل و صالح بیر شخص یوسُف آدلی نَنْ نِشانْلانْمیش ایدی. یوسُف مَریمین ایکی جانْلی اولْدوغونو بیلَنْدَه بیلیرْدی کِه، چاغا اونین دئییلْ دی. یوسُف مَریمی رِسْوا و آبْروسیز اِئدْمَکْ ایسْتَه میرْدی. بو جِهتَه، اونی ساکِتْجَه تَرْک ائدْمَکْ قَرارینَه گلْدی. لاکین او، بو ایشی ائدْمَه میشْ دَنْ، اونْجَه، یوخودا اونا بیر مَلَکْ گِئرینْدی.

مَلَکْ یوسَفَه دیدی: »مَریم نَنْ ائوْلَنْمَکْدَن قورْخمایین. اونین بَطْ نینْدَه کِه چاغا مُقدّسْ روحْدان دیر. مَریم بیر اوغول دوغاجاق و سَن اونین آدینی عیسی قویاجاقسان. )یهُوَه باغیشْلاییر(، چونْکِه، او، اِنسانْلاری گَناه لارینْدان خِلاص ائدَه جَکْ. «

بِئلَه لیکْلَه، یوسَف مَریم نَنْ ائوْلَنْدی و اونو ایز ائوینَه گتیرْدی. امّا، چاغا دونیایه گلَنَه قَدَرْ اونین نَن یاتْمادی.

مَریمین حامله لی یی نین سون گینلرینْدَه رومین امپراطورو نُفوس سانیمی ایچین هر کَسینْ ایزْ آنا یورْدونا، آتا-بابا شَهرینَه قاییتْماسینی اَمْر ائدی. یوسُف و مَریم گرَکْ ناصِرَه دَن بِیتْلَحِم قَدَرْ اوزون بیر مسافت گِئدمَه لی اولْدولار، چونْکِه، اَجدادلاری پادشاه داود، شَهْرلی ایسَه بِیتْلَحِم ائدی.

مَریم و یوسُف بِیتْلَحِمه چاتانْدا، اونْدا قالماغا یِئرْ تاپْمادیلار. اونْلارین قالا بیلَه جَه یی یِگانَه یِئرْ حیوان ساخْلاماق اویچین یِئرْ ائدی. اورادا مَریم چاغانی دوغْدو و یاتْماغا یِئرْ اولْمادیغی ایچین اونو آخورْدا یاتیرتْدی. اونو عیسی آدلانْدیرْدیلار.

همین گِئجَه چوبانْلار صَحْرادا سورولَرینی قورویورْدولار. بیرْدَن اونْلارین آراسینْدا پارلاق بیر مَلَکْ گِئرینْدی و اونْلاری قورخو نَن دولْدورْدو. مَلَکْ اونْلارا دئدی: »قورْخْمایین، سیزین ایچین سِئوینْجیم وار. خدا اولان وَعْدَه اِئدْمیش مَسیح بِیتْلَحِم دَه دوغولْدو. «

مَلَکْ اونْلارا دئدی: »گِئدین او چاغانی آخْتارین، قونْداغا بورونْموش و آخورْدا یاتان بیر کورْپَه تاپاجاقْسینیز. « بیرْدَن سایسیز-حساب سیز آسمانین مَلَکْلَر قوروپو او مَلَه یَه قوشولْدو. اونْلار خدایی مَدْح و تَرَنومْ اده رَک دئدیلر: »خدا اَ گؤیدَه جَلال و حَمْد اولْسون، یِئرْدَه ایسَه، خدایین لطف ائدَه یی اِنسانْلارا صلح و امین - آمانْلیق اولْسون! «

مَلَکْلَر اونْلاری تَرْکْ ائدی و چوبانْلار سورولَرینی عیسانین اولْدوغو یِئرْ آپارْدیلار و مَلَه یین دِئدیی کیمی کورپَه نی آخورْدا یاتْدیغینی گورْدولَر. اونْلار چوخْ هَیَجانْلی اولْدولار. چوبانْلار سورولَرینین یانینا قاییتْدیلار و گِئرْدیکْلَری و ائشیتْدیکْلَری ایچین خدا اَ شوکور و حَمْد ائدیلَر.

بونْدان سونْرا، یِئرین گین چیخان طَرَفینْدَن اولْدوز تانیان و چوخ مدْریکْ اولان کیشیلَر آسْمانْدا اِعجازْکار بیر اولْدوز گئرْدیلَر. اونْلار باشا دیشْدیلَر کِه، یِئنی یَهُودی پادشاهی دوغولوب. اونا گِئرَه دَه بو چاغانی گِئرْمَکْ ایچین ایز تورْپاقْلارینْدان چوخ اوزاقْلارا گِئدیبْلَر. اونْلار بِیتْلَحِمه گَلْدیلَر و عیسانین آتا-آنالاری نَنْ بیرلیکْدَه یاشادیغی اِئوی تاپْدیلار.

او عالِمْ کیشیلَر عیسانی آناسی نَنْ گِئرَنْدَه دیز چوکوب اونا سُجْدَه ائدیلَر. اونْلار عیسایا قیمَتْلی هَدیَه لَر وِئرْدیلَر و سونْرا، اِئوْلَرینَه قاییتْدیلار.