22. تَعمید وِئرَن یوحَنانین دوغولْماسی

خدا، چوخْدان اِئز پیغمبرلَری واسِطَه سی، خلق نَن دانیشیرْدی. لاکین، دورْد یوزْ ایلْدَن سونْرا، خدا هَه نیز اِئز خَلقی نَن دانیشْمامیش ایدی، خدایین مَلائکَه سی قافیلْدان "زَکریا"آدلی قوجا کاهِنَه گِئریندی. او و حَیات یولْداشی "اِلیزابَت"آدلی، خدا دان قورْخان و اونا تابِع اِنسانْلاردان ایدیلَر. اونْلار چوخ قوجالْمیش ایدیلر و اِلیزابَت چاغا دُنیایه گَتیرَه بیلْمیرْدی.

خدایین مَلائکَه سی، زَکریایَه دِئدی: »قادی نین بیر اوغول دوغاجاق. سَن اونین آدینی "یوحَنا"قویاجاقْسان. خدا اونی اِئز روحونْدان دولْدوراجاق و یوحَنا خَلقی، وَعْدَه اِئدیلْمیش مَسیحین گَلیشین یِئرینی حاضِرلایاجاق. « زَکریا جَواب وِئرْدی: »مَن و قادینیم چاغا صاحِبی اولْماق ایچین چوخ قوجالْمیشیق! مَن هارْدان بِئلَه بیلَرَم کِه، مَنه دوغْرو دِئییرْسَن؟ «

خدایین مَلائکَه سی زَکریایه جَواب وِئرْدی: »مَن خدا طَرَفین دَن بو سِئوینجی سَنَه چاتْدیرْماق ایچین گینْدَریلْمیشَم. اینْدی مَنیم سِئزْلَریمَه اینانْمادیغینَه گِئرَه، او، چاغا دُنیایَه گَلَنَه قَدَرْ دانیشْماق گوجونو ایتیرَه جَک سَن. « شو آنْدان زَکریا داها دانیشَه بیلْمارْدی. سونْرا، خدایین مَلائکَه سی زَکریادان آیریلْدی، زَکریا دَه اِئوینَه قاییتْدی و چوخ مُدّت گِئچْمَه میش ایدی کِه، تِئزْلیکْلَه قادینی ایکی جانْلی اولْدی.

اِلیزابت آلتی آیلیق ایکی جانلی اوللاندا یئنی دن شو ملائکه بیردن الیزابَت نین "مَریَم"آدْلی قوهومونَه گیرینْدی. او، باکِرَه بیر قیز ایدی و "یوسَف"آدلی بیر کیشی نَن نشانْلی و اونا آداخْلی ایدی. مَلائکَه اونا دِئدی: »سَن ایکی جانْلی اولاجاق، بیر اوغول دوغاجاق و آدینی "عیسی" قویاجاقْسان. او، اوجا خدایین اوغلو اولاجاق و اونین سِلْطَنَت و حُکْم دارلیغی اَبَدی اولاجاق. «

مَریم جَواب وِئرْدی: »"مَن باکِرَه اولْدوغوم حالْدا، بو نِئجَه اولا بیلَر؟ « مَلائکَه ایضاح ائدی: »مقدّس روح سنین اؤزَرینَه گَلَه جَک و خدایین قُدْرَتی، سَنَه کؤلْگَه سالاجاق. بونا گِئرَه دَه او اوغول مَقدّس و اوجا خدایین اوغْلو آدلاناجاق. « مَریم مَلائکَه نین دئدیکْلرینَه اینانْدی و اونین دیدیکْلَرینی قَبول ائدی.

بو حادِثَه دَن، بیر آز مَدّت گِئچَنْ دَن سونْرا، مَریم اِلیزابتین اِئوینَه گِئدی. اِلیزابَت مَریمین سَلامینی اِئشیتْدَن دَه کؤرْپه، اونین رَحْم و بَطْ نین دَه ترْپَنْمَه-یَه باشْلادی. خدایین اونْلار ایچین اِئدیکْلَرینَه گِئرَه، چوخ سِئوینْدیلَر و خوش حال اولْدیلار. مَریم ایچ آیا یاخین اِلیزابَتین یانینْدا قالْدی و سونْرا، اِئز اِئوینَه قاییتْدی.

بو حادِثَه دَن سونْرا، اِلیزابَت بیر اوغول دوغْدو. او و زَکریا مَلائکَه دئیدیی کیمی، کؤرْپَه نین، آدینی "یوحَنا"قویْدیلار. سونْرا، خدا زَکریانین آغْزینی یِئنیدَن آچْدی و زَکریا بو حالْدا دِئدی: »خدا اَ شوکورْلَر اولْسون کِه، او، اِئزْ قومونه کؤمَکْ اِئدْمَه-یَه تَلَسیکْ گَلْدی! سَن ایسَه، ای اوغْلوم، اوجا خدایین پیغمبری آدْلاناجاقسان و اِنسانْلار گُناه لارینی باغیشلانْماسینی نِئجَه تاپاجاقْلارینی سؤیله یَه جَکْ سَن! «