21. خدا مسیح گَلیشینی وَعْدَه اِئدیر.

خدا یارادیلیشْ اوّلینْدَن چوخ یاخْشی بیلیرْدی کِه، اوزون مدّتدَن سونْرا، وَعْدَه اِئدیلْمیش مَسیحی گیندَرَه جَکْ. او، آدَم نَن حَوّایَه وَعْدَه و سِئز وِئرْمیش ایدی کِه، بونو شُبْهَه سیز یِئرینَه یِئتیرَه جَکْ. خدا سِئز وِئرْمیش ایدی کِه، حَوّانین نَسْلینْدَن بیری گَلیبْ و ایلانین باشینی اَزَه جَکْ. حَوّانی آلْدادان ایلان شو شیطان ایدی. وَعْدَه بو اِئدی کِه، مسیحین شیطانی تَمامْلا مَغْلوب اِئدَه جَه جَکْ دی.

خدا، ابراهیمَه سِئز وِئرْدی کِه، اونین واسِطَه سی نَن بوتون دُنیانین بوتون مِلّت لَری، خیر و بَرَه آلاجاقْلار. او، بیر مُدّت دَن سونْرا، مسیحی گینْدَرْمَکْلَه، اِئزْ وَعْدَه سینی یِئرینَه یِئتیرْدی. وَعْدَه ائدیلْمیش مَسیحْ دُنیانین هَر خَلقین دان اولان اِنسانْلاری، گِناه لارینْدان خِلاص اِئدَه جَکْ دی.

خدا موسایا، گَلَه جَکْ دَه، اونین کیمی بیر خِلاص کارین چیخاجاغینی وَعْدَه اِئدمیش ایدی. بو خِلاص کار وَعْدَه ائدیلْمیش "مسیحا" ایدی. بِئلَه لیکْلَه، خدا بیر داها مَسیحین گَلیشینی وَعْدَه ایدی.

خدا، داود پادشاهَه سِئز وِئرْدی کِه، اونین نَسْلینْدَن بیری پادشاه اولاجاق و خدایین قومینَه اَبَدَه چَن سِلْطَنَت و پادشاه لیق اِئدَه جَکْ. بو او دِئمَکْ اِئدی کِه، مَسیح داودون نَسْلینْدَن اولاجاق دی.

اَرْمیای پیغمبرین واسِطَه سی نَن، خدا، یِئنی عَهْد باغلایاجاییغینی وَعْدَه اِئدی، لاکین، بو عَهْد، خدایین سینا داغینْدا اِسرائیل نَن باغلادیغی عَهْد کیمی دَئییل ایدی. یِئنی عَهْددَه خدا اِئز قانونینی، اِنسانلارین قَلْبینَه یازْدیرْدی، اِنسانلار اونی شَخْصا تانییرْلَر و اونی سِئویب و اَمْرلَرینَه عَمَلْ اِئدیرْلَر. اونلارْلا بو یِئنی عَهْدی باغْلایان، مَسیح ایدی. اونْلار، اونین قومو اولاجاقلار و خدا اونْلارین گُناه لارینی باغیشْلایاجاق.

خدایین پیغمبرلَری دَه دِئدیلَر کِه، وَعْدَه اِئدیلْمیش مَسیح، پیغمبر، کاهِن و پادشاه اولاجافْدی. پیغمبر، خدایین کَلامینی ائشیتْدَن و اِنسانلارا چاتْدیران شَخص دیر. خدا وَعْدَه اِئدمیش مَسیح، بیر کامِلْ پیغمبر اولاجاق، چونکِه، او، خدایین ساولارینی تمام و بوتون باشا دؤشَه جَکْ و ساوْلاری اِنسانْلارا کامِل و مُکَمِّل شَکیل دَه چاتْدیراجاق.

یَهَودین کاهِن لاری، خَلقین گُناه لاری نین جَزاسین عَوَضْ اِئدْمَکْ ایچین، اونْلارین آدینْدان خدا اَ قُربانْلار تَقدیم اِئدیرْدیلَر. هَمْچِنین کاهِین لار اِنسانلار ایچین، خدا اَ دُعا اِئدیرْدیلَر. بونونْلا بِئلَه، قَرار اِئدی وَعْدَه اِئدیلْمیش مَسیح، کاتا و باش کاهِن اولسون کِه، اِئزینی خدا اَ بیر کامِل و مُکَمِّل قُربانْلیق کیمی، تَقدیم اِئدسین. یَعنی او، هِئچ وَقت گِناه ایشْلَتْمَز وَقتی اِئزینی قُربان وِئرَنْدَه، باشْقا قُربانْلیقَه اِحتیاج قالمایاجاق.

پادشاه لار و بیگلر-بیگی لر بیر قوروپ انسانلارا حُکم دارلیق ائدیرْدیلَر. اونلار بعضا سَهْو و یانْلیش ایشْلری دَه بارْدی. داود پادشاه یالْنیز اِسرائیل لی لَری، اِدارَه اِئدیرْدی. لاکین، داودون نَسْلین دَن اولان وَعْدَه اِئدیلْمیش مَسیح گَلَه جَکْ دی. او بوتون دنیایا اَبَدَه چَنْ حُکْم دارلیق اِئدَه جَکْ. او، عَدالَتْلَه حُکْم اِئدَه جَکْ و دوزْگون قَرارلار توتیب، وَعْدَه وِئرَه جَکْ.

خدا طَرفینْدن گیندَریلْمیش پیغمبرلَر وَعْدَه اِئدیلْمیش مَسیح حَقّینْدَه چوخْلو خَبرلَر سؤیله میشلَر. مَلاکی پیغمبر، مَسیحین گَلیشینْدَن اوّل، باشْقا بیر کاتا پیغمبرین گَلَه جَه یینی خَبر وِئْرمیشدی. اِشَعیای پیغمبردَه، مسیحین باکِره قیزدان دوغولاجاغینی خَبر وِئرْمیشْدی. میکاه پیغمبردَه، مسیحین بَیتْ لَحْم شَهرینْدَه دوغولاجاغینی سؤیلَه میشْدی.

اِشَعیای پیغمبر دئییبدی کِه، مسیح، اَلْجَلیلْ شهرین دَه یاشایاجاق. او، اِنسانلارین قیریلان قَلْب لَرینَه تَسَلّی وِئرَه جَکْ، اَسیرلَری آزاد اِئدَه جَکْ. او، هَمْچنین خَبر وِئرْمیشْدی کِه، وَعْدَه اِئدیلْمیش مَسیح، ناچاق و خَسْتَه لَرَه، کورْلارا، توپاللارا، کارْلارا، شَفاء وِئرَه جَکْ دی.

اِشَعیای پیغمبردَه، خبر وِئرْمیشْدی کِه، اِنسانلار وَعْدَه اِئدیلْمیش مَسیحَه نِفْرَت اِئدَه جَکْ لَر و اونی قَبول اِئدْمَه-یَه جَکْ لَر. دیگر پیغمبرلَر خبر وِئرْمیشْلَر کِه، مَسیحین یولْداشْلارینْدا بیری، اونْدان یوزْ دونْدَرَه جَک. زَکَرْیا پیغمبر خَبر وِئرْمیش کِه، بو یولْداش اوتوزْ گؤموش سِکّه مُقابِلین دَه اونا خیانَت اِئدَه جَک. دیگر پیغمبرلَر دَه خَبر وِئریبلَر کِه، اونْلار مَسیح پیغمبری اِئلدیره جَکْلَر و اونین پالْتارینا پوشْک و قَرْعَه آتاجاقلار.

پیغمبرلَر، اونین نِئجَه اِئلَه جَه یینَه دَه خبر وِئرْمیشْلَر. اِشَعیای پیغمبر دِئمیشْدیر کِه، اِنسانلار اونا توپورورْلار، دؤیورْلَر و اَلَه سالارْلار. سونْرا، اونین بَدَنینی دیشیب و سانْجارْلار کِه، بیر کاتا آغیریدان اِئلَه جَک. بونا باخمایاراق کِه، هِئچ بیر گَناه ایشْلَتْمَه میش اولار.

دیگر پیغمبرلَر دَه خبر وِئریبلَر کِه، وَعْدَه اِئدیلْمیش مَسیح، هِئچ بیر گُناهی اولْمایان و کامِل بیر اِنسان اولْمالیدیر. او، گَرَک اؤلْسین، چونْکِه، خدا اونی، بوتون دُنیانین اِنسانلارین گَناهی عَوَضینَه، چَزالانْدیراجاق. اونین جَزاسی، سَبَب اولار تا اِنسان نَن خدا آراسینْدا آرامِش و صَلْح یاراتْدیلْسون. بو سَبَب دَن مَسیح وورولوب اِئلْدیریلْمَه سی خدایین اِرادَه سی ایدی.

دیگر پیغمبرلَر دَه، خَبر وِئرْمیشْلَر کِه، خدا مَسیحی اِئلیمینْدن سونْرا، دیریلْدَه جَک. بونا گِئرَه دَه، مَسیح اِئلْمَکْلَه و یِئنَه اِئلیمدَن دیریلْمَکْلَه، گَناهکار اِنسانْلاری، خِلاص اِئدْمَک نَقْشَه سینی تَمام و کامِل اِئدَه جَک. خدا بو ایشْدَن، بَشریت لَه یِئنی عَهْد باغْلاماق ایسْتَه ییرْمیش دی.

خدا پیغمبرلَره، مسیحین گَلیشی نَن باغْلی چوخ شَئی آچیقْلادی. لاکین، بو پیغمبرلَرین، هِئچ بیرین نین وَقتین دَه مَسیج هَلَه گَلْمَه میش ایدی. سون پیغمبرلیک دَن دورْد یوز ایل دَن چوخ وَقت کِئچْدیکْ دَن سونْرا، وَقت کامِل و مُکَمِّلْ اولانْدا، خدا مَسیحی دُنیایا گینْدرْدی.