20. سؤرْگون و قاییدیش

اِسرائیلین پادشاهی و یَهُودانین سِلْطَنَتی هَر ایکیسی خدا اَ قارشی گناه ائدیلَر. سینا داغینْدا، خدا اَ باغْلادیغی عَهْدی قیرْدیلار. خدا، پیغمبرلَر طَرَفینْدن، اونْلاری توبَه اِئدْمَه یی و یِئنیدَن عِبادَت اِئدْمَه سینْلَر بارَه دَه اونْلاری خَبَرْدارْلیق اِئدی. امّا، اونْلار خدا اَ اِطاعَت اِئدْمَه دیلَر.

بِئلَه لیکْلَه، خدا اونْلاری جَزالانْدیرْدی و دُشْمَن لَرینَه، اونْلاری مَحْو اِئدْمَه سینی اِجازَه وِئرْدی. او دورانْدا، آشورْ آدلی باشْقا بیر قُدْرَتْلی قومْ واریدی. آشورْلولار، باشْقا قومْ لارا قارْشی، چوخْ رَحْم سیز اِئدیلَر. اِسرائیلین پادشاه لیغی، آشورْلار طَرَفینْدَن مَحْو اِئدیلْدی. آشورْلولار، اِسرائیل پادشاه لیغی نین چوخْلو آدامْلارینی اِئلْدیرْدیلَر، سونْرا، ایسْتَه دیکْلَری هَر شَئی غارَت اِئدیلَر و تورْپاقْلاری نین چوخْ حِصَه سینی دَه یانْدیرْدیلار.

آشورْلولار بوتون رَهْبَرْلَری، وارْلی لاری و خُصوصی باجاریقْلاری آشورا آپارْدیلار. اِسرائیل دَه یالْنیز بَعضی چوخْ فَقیر اِنسانْلار قالادیلار.

آشورْلولار اورادا یاشاماق ایچین، یاد و غَریبَه اِئل لَری، اِسرائیل تورْپاغینا گَتیرْدیلَر. او اَجْنَبی لَر داغیلْدیمیش شَهرلَری یِئنی دَن قاییرْدیلار و قالانْ اِسرائیل لی لَرلَه اِئوْلَنْدیلَر. بو اِئوْلی لیکْلَرین اولادْلاری، سامِریلار آدلانْدیلار.

یَهُودا پادشاه لیغی نین خَلقی، گِئردیلر کِه، خدا، اِسرائیل پادشاه لیغی نین ساکِنْ لَرینی، ایمانْ سیزلیق لارینا و اِطاعَت سیزلیکْ لَرینَه، گِئرَه جَزالانْدیرْدی، لاکین، اونْلار یِئنَه دَه بُتْ لَرَه و کَنْعان خدا لَرینَه سِتایش اِئدیلَر. خدا اونْلاری خَبَردار اِئدْمَکْ ایچین، پیغمبرلَر گیندَرْدی، لاکین، اونْلار اِئز ایشْلَرینَه دَوامْ اِئدیلَر.

اِسرائیل پادشاه لیغین نین آشورْلولار طَرَفینْدَن داغیدیلْمیش دان تَخْمین نَن یوز ایل سونْرا، خدا بابل پادشاهی نِبوکَدنِصَّر آدلینی، یَهُودا پادشاه لیغینَه هُجومْ اِئدْمَکْ ایچین گیندَرْدی. بابلی لار گوجْلو بیر خَلْق اِئدیلَر. یَهُودا پادشاهی، نِبوکَدنِصَّر خِدْمَت چی سی اولْماغا و اونا هَر ایل چوخْلو پول اودَه - مَه - یَه راضی اولْدی.

لاکین بیر نِئچَه ایلْدَن سونْرا، یَهُودا پادشاهی بابلَه قارشی عَصیان قالْدیرْدی. بونا گِئرَه، بابل لی لَر گِئری قاییتْدیلار و یِئنیدَن یَهُودا پادشاهینَه هُجومْ اِئدیلَر. بابل لی لَر اورْشَلیم شَهرینی اَلَه کِئچیرْدیلر، مَعبَدی داغیتْدیلار و شَهردَه و مَعبَدده اولانْ بوتون ثِرْوَتْ لَری اَلینْدَن آلیبْ و اِئزْلَری نَن آپارْدیلار.

نِبوکَدنِصَّر قوشونْلاری، یَهُودا پادشاهینی جَزالانْدیرْماق ایچین، اونین اوغول لارینی، اونین گِئزینْ قارْشی سینْدا اِئلدیردیلَر و سونْرا، اونین اِئز گِئزْلَرینی ده کورْ اِئدیلَر. بونْدان سونْرا، بابل پادشاهینی اِئزْلَری نَن آپارْدیلار. اونی اِئلدیرْمَکْ ایچین زِنْدانَه سالْدیلار.

نِبوکَدنِّصَّر و اونین قوشونْلاری، یَهُودا پادشاه لیغی نین بوتون اهالی سینی هَر نِئچِه کِه، دِئمَکْ اولارْدی اِئزْلَری نَنْ بابلَه آپارْدیلار. یالْنیز اَکینْچی لیکْ و مال-دووار بَجَرْمَکْ ایچین، چوخْ یوخْسولْ اِنسانلاری اورادا بوراخْدیلار. خدایین قومی، وَعْدَه اِئدیلْمیش اؤلْکَه سینْدَن تَرْکْ اِئدْمَه -یَه، مَجْبور اولْدوغو زَمانی "سورگون" آدلانیر.

خدا اِئز قومونی، گناه لارینَه گِئره جَزالانْدیرْدی، لاکین، اونْلاری و اونْلارا وِئرْدییی وَعْدَه لَری اونوتْمادی. خدا اِئز قوم نین قایغی سینَه قالْدی و پیغمبرلَرین واسِطَه سی نَن اونْلارْنان دانیشْدی. خدا وَعْدَه وِئرْدی کِه، یِئتْمیش ایلْدَن سونْرا، اِسرائیل قومونی وَعْدَه اِئدیلْمیش اؤلْکَه - یَه، قایْتاراجاق.

یِئتْمیش ایلْدَن سونْرا، پارسْلارین پادشاهی، کوروش آدلی، بابلی لَری مَغْلوب اِئدی. بِئله لیکْلَه، بابل امپراطوری عَوَضینَه، پارسْلار امپراطوری سی، بیر چوخْ مِلّتْ لَرَه حاکِمْ اولْدی. بو زَمان، اسرائیلین خَلْقی، یَهُودی آدلانْدیرْدیلار و اونْلارین چوخْ لاری بوتون عُمورْلَرینی بابل دَه یاشامیشْدیلار. یالْنیز یَهُودا اؤلْکَه سین چوخْ قوجالاری، او اؤلْکَه نی خاطِرلایه بیلَرْدیلر.

پارسْلار قَدْرَتْلی اولْسالارْدا، اونْلارین حُکْم دارْلیغین آلتینْدا اولان اِنسانلارا قارْشی، مُلاییم و مِهربان داوْرانیرْدیلار. قیسَه مُدّت دَن سونْرا، کوروش، پارسْ پادشاهی لیغینَه چاتْدیقْدان سونْرا، او، اَمْر اِئدی: »یَهُودا قاییدْماق ایسْتَه یَنْ هر بیر یَهُودی، پارس تورْپاغینی تَرْکْ اْئدیب، یَهُودا تورْپاغینَه قاییدا بیلیرْلَر. « او، حَتّا، اورْشَلیم دَه، مَعْبَدی یِئنی دَن تیکْمَکْ ایچین، اونْلارا پول وِئرْدی! بِئلَه لیکْلَه، سورْگونْ دَن یِئتْمیش ایل گِئچَنْدَن سونْرا، کیچیک بیر یَهُودی قوروپو یَهُودا تورْپاق نین، اورْشَلیم شَهرینه قاییدیلار.

اونْلار، اورْشَلیمه چاتانْدا، مَعْبَدی و شَهرین اَطرافینْداکی، دیواری یِئنیدَن تیکْدیلَر. پارسْلار هَلَه دَه اونْلارا حاکِمْ اِئدیلَر، لاکین اونْلار یِئینیدَن وَعْدَه اِئدیلْمیش دیارادا یاشاییرْدیلار. اونْلار باشارادیلار مَعبَددَه گَلیب، خدا اَ عِبادت اِئدسینْلر.