19. پیغمبرلَر

اِسرائیلین بوتون تاریخ بویو خدا اونْلارا بیر سِری پیغمبرلَر گیندَرْمیش دی. پیغمبرلَر خدا دان خَبَرْلَر آلیب و اِنسانْلارا چاتْدیرْمیشْدیلار.

ایلیا آدْلی بیر پیغمبر اِئمیش، بو پیغمبر، آخابْ پادشاهین دورونْده یاشارْمیش. اَخاب، اِسرائیل لَری بَعَل بُتَه سِتایش اِئدْمَه-یَه تَشْویقْ اِئدَنْ بیر پیسْ و شَرارَتْلی آدام ایمیشْ. بیر گین ایلیا پیغمبر، اَخاب شاهَه دِئدی که خدا اونو جَزالانْدیراجاق. ایلیا گَنَمْ اَخابه دئدی: »اِسرائیلین بؤلْکَه سینْدَه، مَنیمْ اَمْریمْ اولْمایانْدان، یِئرْ ایزینْدَه هِئچْ یاغیشْ، حتّا شِحْ یاغْمایاجاق. « آخاب شاه، ایلیا پیغمبرین بو سِئزْلَرینْدَنْ، او قَدَرْ غَضَبْ لَنْدی، اونو اِئلدیرمَکْ قَرارینْدا گَلْدی.

خدا، ایلیا پیغمبرَه، چِئلَه گئدْمَه-یه و اِئزینی اَخاب شاه دان، گیزْلَنْمَه-یَه اَمْر اِئدی. ایلیا پیغمبر، چِئلَه گئدی و خدایین اونا گؤسْتَرْدییِی بیر چایین قیراغینْدا یاشاماق ایچین، مَشْغولْ اولْدی. اونا، هَر سِحَرْ و هَر آخْشامْ، قارْغالار چِئرَکْ و اَتْ گَتیرَرْدیلَر. بو مُدّتْ عَرضینْدَه، اَخاب شاه و قوشونْلاری ایلیانین آرْخاسینْدان گِئدیبْ و اونو آختارْدیلار، امّا، اونو تاپا بیلْمادیلار.

یاغیشْ یاغْمادیغی ایچین بیر مَدّتْ دَن سونْرا، او دَرَه نین سویو قورودی. ایلیا او دَرَه نین یاخینْدا، باشْقا بیر اؤلْکَه-یه گِئدی. اوْرادا بیر فَقیر قادین اوغْلو ایلَه یاشاییرْدیلَر. اونْلارین قوراقْلیقْدان یِئیمَه لَری توکَنْمیش اِئدی. بو قورانْلیقَه باخْمایاراق، او قادین ایلیادین قایْغی سینَه قالْدی و اونْدان مُراقِبَتْ اِئدی. خدا قادینی و اونین اوغْلونین اِحتیاجْلارینی اُودَه دِی. اونین قاب-کوزَه سی هِئچْ وَقْت، اونْدان و یاغْدان، بوشْ قالْمایارْدی و قورالیقْدا یِئیمَکْ ایچین، هَمیشَه یِئیمَه یِی واریدی. ایلیا ایچْ ایل اورادا قالْدی.

ایچْ ایلْ یاریمْدان سونْرا، خدا ایلیایَه یِئنیدَن یاغیشْ یاغاجاغینِی بیلْدیرْدی. خدا ایلیادان، اِسرائیل پادشاهین اؤلْکَه سینه، قاییدْماسینِی و اَخاب نَنْ دانیشْماسینی ایستَه دی. اَخاب، ایلیانی گیرَنْدَه اونا دئدی: »بوتون بو بَلالارینْ سَبَبْ کاری سَنْ سَنْ! « ایلیادا، اَخابین جوابینْدا دِئدی: »بوتون بو چَتینْلیکْلَر سَنینْ اِئزینْدَن دی! سَنْ حَقیقی خدا اولانْ یَهُوَه نی تَرْک اِئدیبْ، بَعَل بُتی عِبادَت اِئدیرْسَنْ. بوتون اِسرائیل خَلقینی کَرمِل داغینا گَتیرینْ. «

بوتون اِسرائیل، او جُمْلَه دَن، دورْد یوزْ و اَلی نَفَر اولانْ بَعَل پیغمبرلَری کَرمِل آدْلانانْ داغینا گَلْدیلَر. ایلیا پیغمبر اورادا ییغیلان خَلْقَه دِئدی: »نَه وَقْتَه قَدَرْ، ایکی یورَکْلی قالْماقْ ایستَه ییرْ سیزْ؟ اَگَر یَهُوَه خدا دیرْسَه، اونا سُجْدَه اِئدین، یوخْسا اگر، بَعَل خدا دیرْسَه، اونا تابِع اولون. «

ایلیا بَعَل پیغمبرلَرینَه دِئدی: »بیر سیغیری قُرْبان لیق ایچین کَسینْ، اَتینی دوغْرایین و قُربانْگاه دا قویونْ، آنْجاق اونو اودْ نَنْ یانْدیرْمایین. عینْ بو ایشی مَن باشْقا قُربانْگاه دا اِئدَه جَه یَم. قربانْگاهینَه اودْ گینْدَرَنْ خدا، حَقیقی خدا دی. « بونا گِئرَه دَه، بُتْ بَعَلین پیغمبرلَری، قُربانْلیقی حاضِرلادیلار، لاکین، اودْ یانْدیرْمادیلار.

سونْرا، اونْلار بَعَل بُتَه دُعا اِئدیبْ دئدیلَر: »ای بَعَل، بیزیم سَسی میزی اِئشید! « اونْلار بوتونْ گینی دُعا، قیشْقیرْمافْلا، بیچاقْلا ایزْ بَدَنْ لَرینی یارالانْدیلار و چوخْ خِسارَت یاتیرْمَکْلَه مَشغول اولْدیلار. لاکین، بَعَل دَن هئچ بیر جواب گَلمَه دی و آسمانْدان دا، اودْ اِئندیرْلَنْمَه دی.

بَعَل پیغمبرلَری، بوتون گینی دُعا اِئدیکْدَنْ سونْرا، یورولوب دُعا اِئدْمَه یی دایانْدیرْدیلار. سونْرا، ایلیا باشْقا بیر سیغیری قُرْبان گاهینْ اوستونَه قویْدی و خَلْقَه دِئدی: »قُرْبان گاهین اؤزَرینَه اون ایکی کاتا کوپْ-قازان سو تؤکْسونْلر، سیغیرین اَتی، اودین و حَتّا اونون اَطرافین، یِئرلَری دَه تمامی هِئلْ اولْسون. «

سونرا، ایلیا بِئله دُعا اِئدی: »ای اِبراهیمین، اِسحاقین و یقوبین خدایی، یَهُوَه، بو گینْ بیزَه گئرْسَتْ، سَن اِسرائیل خدایی سان، مَن دَه سَنین قولونام. منیم دُعامی قَبولْ اِئد و جواب وِئر، بو خَلقْ سَنین حَقیقی خدا اولْدوغونو بیلْسینْلَر. «

دَر حال آسماندان آلوو و اودْ اِئنْدی. اودْ، قُربان گاهین اَطرافینی، بوتون اَتی، اودینْلاری، داشْلاری، تورپاغی و حَتّا سویو یانْدیرْدی. خَلقْ بونی گیرَنْدَه دَر حال یِئرَه ییخیلْدیلار و دِئدیلَر: »یَهُوَه خدا دیر! یَهُوَه خدا دیر! «

سونْرا، ایلیا دِئدی: »بَعَل بُتْ پیغمبرلرینْدن هِئچ بیری نین قاچْماسینا اِمْکان وِئرمَه یین! « سونْرا، خَلْق، بَعَل پیغبرلَرینی توتوب و هامی سینی اورادان گؤتوروبْ و اِئلْدیرْدیلَر.

سونْرا، ایلیا پیغمبر، اَخاب پادشاهَه دِئدی: »دَر حال اِئزْ اِئوینَه قاییدینْ، چونْکی، تِئزْلیکْلَه یاغیش یاغاجاق. « عینْ زَمان دا آسمانْدانْ قارا بولودْلار بؤرودو و گؤجْلو یاغیش یاغْماغا باشْلادی. یَهُوَه قورالیقْلیغا سونْ قویْدو و بونونْ نَنْ ثابت ائدی کِه، یالْنیزْ او، حَقیقی خدا دی.

ایلیا اِئز ماموریتینی بیتیرْدیکْ دَن سونْرا، خدا اِلَیْشَعْ آدلی بیر آدامی پیغمبرلیغَه سِئچدی. خدا اِلَیْشَعْ واسِطَه سی نَنْ چوخْلو مُعْجُزَه لَر گوسْترْدی. بو مَعْجَزَه لَردَن بیری دُشْمَنْ اورْدوسونْ سَرْکَرْدَه لَرینْدَن بیری، نَعَمانْ آدلی اولانین باشینا گَلْدی. او، بیر نوع دَهْشَتْلی دَرِی ناچاق و خَسْتَه لی یین دَن دَرْد و اَذیت چَکیرْدی. او، اِلَیْشَعْ حقّینْدَه بیر سِئزْلَر ائشیتْدْمیش اِئدی، اونا گِئرَه دَه اونین یانینا گِئدیبْ شَفاء ایسْتَه دی. اِلَیْشَعْ، نَعَمانَه دِئدی: »یِئدّی دَفْعَه اُردون چایینَه باتسین تا یاخشی اولْسون. «

نَعَمان، اوّلْجَه بو تَکْلیفَه غَضَبْ لَنْدی و بونون آخْماق اولْدوغونو دؤشونْمَکْ ایچین، بو ایشی اْئدْمَکْ ایسْتَه مَه دی. لاکین، سونْرادان قَرارینی دَییشَه رَکْ، اِئزینی یِئدّی دَفعَه اُردون چایی نین سویونا آتیرْدی. یئدّینجی دَفعَه سودان چیخانْدا، تامْ ساغالْمیش ایدی! بِئلَه لیکْلَه، خدا اونا شَفاء وِئردی.

خدا اِسرائیل خَلْقینَه، چوخْ باشْقا پیغمبرلَر گیندَریب. اونْلارین هامیسی اِنسانْلاری بُتْ لَره سِتایِش اِئدْمَه-یی دایانْدیرْماغا، باشْقالاری نَن عَدالَتْلَه رَفتار اِئدْمَه-یَه، بیر-بیرلَرینَه یاخْشی لیق اِئدْمَه-یَه، پیسْلیکْ دَن چَکینْمَه-یَه و خدا اِ اِطاعَت اِئدْمَه-یَه، چاغیریرْدیلار. اگر بِئلَه رَفتار اِئدْمَه سَه لَر، خدا یانینْدا گناهکار ساییلیرْلار و خدا اونْلاری جَزالانْدیراجاق.

چوخْ وَقت اِنسانْلار خدا اِ اِطاعت اِئدْمیرْدیلَر. اونْلار چوخْ وَقت پیغمبرلَرلَه پیس رَفتار اِئدیرْدیلَر. حَتّا بَعْضا اونْلاری اِئلدیلَرْدیلَر! بیر دَفعَه اَرمیایْ آدلی پیغمبری چاهَه آتْدیلار و اؤلْمَکْ ایچین اونی اورادا قویْدیلار. اَرمیای چاهین دیبینْدَه پالْچیغا باتْدی. لاکین، بونْدان سونْرا، پادشاه اونا یازیغی گَلْدی و اِئلْمَزْدَن اوّلْ قوللوقْچولارینا، اونو چاهدان چیخارْماغی اَمْر اِئدی.

اِنسانلار پیغمبرلَرَه نِفْرَت اِئدسَه لَردَه، پیغمبرلَر یِئنَه دَه خدا دان دانیشیرْدیلار. اِنسانْلارا خبرْدارْلیق اِئدیرْدیلَر. اگر، توبَه اِئدْمَه سَه لَر، هَلاکْ اولاجاقْلار. اونْلار هَمْچِنین، اِنسانْلارا خدایین مَسیحْ نین گینْدَرْمَکْ وَعْدَه سینی خاطِرالادیلار.