18. داودون سِلْطَنَتین بؤلونْمَه سی

پادشاه داود قیرخ ایل پادشاه لیق اِئدی. اونون اِئلیمینْدَن سونْرا، اوغلو سلیمان اِسرائیلین پادشاهی اولْدی. خدا سلیمان نَنْ دانیشْدی و اونْدان سوروشْدی: »سَنَه نَمَه وِئرْمَه یی ایسْتَه ییرسَنْ؟ « سلیمان خدا دان اونا حِکْمَتْ وِئرْمَه سینی ایسْتَه دی. سلیمان نین خواهِش و ایسْتَه یی خدا راضی سالْدی و اونو یِئرْ اِئزینْدَه اَن بیلیم لی و مُدْریکْ اِنسان اِئدی. سلیمان چوخْ شَئی اویْرَنْدی و چوخْ مُدْریکْ و بیلیملی بیر پادشاه اِئدی. خدا سلیمانی دا چوخْ زنْگین و دارا اِئدی.

سلیمان اورشَلیم شَهرینْدَه داودون پلانْلاشْدیغی و ماتِریالارینی توپلادیغی بیر مَعبد تیکْدیرْدی. او، وَقت دَن اِنسانلار اورادا گؤروشْ چادیرین عَوضینَه، خدا اَ عِبادَت اِئدیب قُرْبان کَسَه بیلیردیلَر. خدا مَعبد دَه حاضِر و اِئز قوم و خَلقی نَنْ بیرلیکْ دَه یاشاییرْدی.

لاکین، سلیمان باشْقا قَبیله لَردَن اولان قادینْلارا عاشیق اولورْ و اونْلاری آرواد آلیر. او، مینگَه یاخین قادینْ نَن اِئولَنْدی و بونونْ نَن دا خدا اَ عاصی اولْدی. او، قادینْلارین یاد و غَریبَه اولْکَه لَردَن گَلیب عِبادَت اِئدْمَکْ ایچین اِئزْلَری نَن بُت لار گَتیریرْدیلَر، سلیمان قوجالیق چاتْدیغینا چاتانْدا آروادلاری نین بُت لارینْه دَه سِتایش اِئدَرْدی.

بو سَبَب دَن خدا سلیمانَه غَضَب لَنْدی و اونا دِئدی کِه، بو اِطاعَت سیزلیی، جَزالانْدیرْماق ایچین اونین اِئلیمینْدَن سونرا، اِسرائیل پادشاه لیغینی ایکی یِئرَه بؤلَه جَکْ.

سلیمانین اِئلیمینْدَن سونْرا، یِئرینَه اوغلو رِحُبعام پادشاه اولْدی. بوتون اِسرائیل خَلقی اونو اِئزْ پادشاهی کیمی قَبول اِئدْمَکْ ایچین توپْلانْدی. اونْلار رِحُبعامَه شِکایَت اِئدیلَر کِه، سلیمان اونْلاردان چوخْ ایش چَکیرْدی، اونْلار مَجبورا چوخْلو وِئرْگی اودَه مَه لی اولْورْلار. اونْلار رِحُبعام دان خواهِش و ایسْتَه دیلَر کِه، آتاسی کیمی سَرْت اولْماسین.

لاکین، رِحُبعام اونْلارا آخْماقجاسینا جَواب وِئریب دِئدی: »سیز بیلیرسیز، آتام سلیمان، چوخْ سَرْت اِئدی، امّا، مَن سیزی داها چوخ چالیشْدیراجاغام و سیزی جَزالَنْدیراجاغام. «

اونون سِئزْلَرینی اِئشیتْدَنْ دَن سونْرا، بیر چوخْ اِنسانلار اونا قارْشی عُصیان اِئدی. اونْدان اِسرائیل قَبیله لَری نین اونْ قَبیله سی یاریلْدی. یالنیز، ایکی قَبیله اونا صادِق قالیب و اِئزلَرینی یهودا پادشاهی آدلانْدیرْدیلار.

قالان اونْ قَبیله ایسَه او اؤلْکَه نین شِمال بؤلْکَه لَرینْده یاشایان و اِئزلَرینی اِسرائیل پادشاه لیقی آدلانْدیران یِرُبعام آدلی بیر آدامی اِئزْلَرینَه پادشاه اِئدیلَر.

یِرُبعام خدا اَ اِطاعت اَئدْمَه دی و اِنسالاری گناهَه سووق اِئدی. او، ایکی بُت دوزلَتْدی و انسانْلاردان اونْلارا عِبادت اَئدْمَه لَرینی ایسْتَه دی. اونْلار داها یهودا پادشاه لیغینْ دا اولان اورشَلیمَه عِبادت اَئدْمَه -یه گِئدمیرْدیلَر.

یهودانین پادشاه لیغی و اِسرائیلین پادشاه لیغی بیر - بیرینَه دُشمن اولْدیلار و تئز – تئز، بیر – بیریلَه دؤیوشورْدیلَر.

یئنی اسرائیل پادشاه لیغین دا بوتون پادشاه لار پیس و شرور اَئدیلَر. اونْلارین بیر چوخ سِلطنتی ایله کِئچیرْمَکْ ایسْتَه یَنْ انسانلار طرفینْدَن اِئلْدیریلْدیلَر.

بوتون او، پادشاه لار و اِسرائیل خَلقی نین چوخ بُت لَر نینَه سِتایش اِئدیرْدیلَر. بُت لَره سِتایش اِئدَرْکَن فاحِشَه لَر نَن یاتیرْدیلار، حتّی اوشاقْلاری داها بُت لَره قُربان وِئرمیشْلَر.

یَهودا پادشاه لاری داودون نَسْلینْدَن اِئدیلَر. بو پادشاه لارین بَعضی لَری یاخْشی انسانلار اِئدیلَر، عدالَتْله حُکْم اِئدَرْدیلَر و خدا اَ عِبادت اِئدیرْدیلَر. لاکین، یَهودا پادشاه لاری نین چوخو پیس و شرور اِئدیلَر. حتّی بَعضی لَری اِئزْ اولادْلارینی بُت لَره قُربان وِئریرْدیلَر. یَهودا خَلقی نین چوخو دا خدا اَ قارشی عُصیان اِئدیرْدیلَر و باشْقا خدا لارا عِبادت اِئدیرْدیلَر.