34. عیسی باشقا مثللر اؤیرَه دیر

عیسی خدایین پادشاه لیغی حقّینْدَه بیر چوخ باشْقا حِکایَه لَر دانیشیب، مَثَلا او دئدی: »خداین پادشاه لیغی او شَخصه اوخشاییر ایز زَمی و تارْلاسینْدا خَرْدِل توخومو اَکْدی. سیز یاخشی بیلیرسیز کِه خَرْدِل توخومو، توخوموم لارین اَنْ کیچیکی دیر. «

»بونونْلا بِئلَه خَرْدِل توخومو بؤیودوکْدَه باغداکی بوتون آییری بیتْکی لَری اوسْتَه لَه ییر. او قَدَرْ کِه قوشْلار اونون بوداقْلارین آراسیندا دینْجُه لیرْلر. «

عیسی باشْقا آییری بیر حِکایَه بِئلَه دانیشْدی: »خدایین پادشاه لیغی چِئرَه یین مایاسی کیمین دیر تا بوتون خَمیرَه یاییلْسین. «

»خدایین پادشاه لیغی زَمی و تارْلادا گیزْلَنْمیش گَنْج خَزینَه سی کیمین دیر. باشْقا آییری بیر شَخص اونو تاپیب، اونو یِئنیدَن تورْپاغین آسْتینْدا گیزْلَتْدی. اونون ذوقونْدان، گِئدی اَلینْدَه هَر نَه مال-دولَتی واریدی و ساتْدی تا بِقَدْرْ کِفایَت پول قازانْسین و نِهایَت او یِئرِی یِئنیدَن آلابیلْسین. «

»خدایین پادشاه لیغی چوخ قیمَتْلی و گِئزَه لْ بیر مروارید و اینجی کیمین دیر. بیر تاجِر اونو تاپْدی و یِئنَه اونو آلماق اوچون هَر نَه مال –دولتی واریدی، ساتْدی تا بِقَدْرْ کِفایَت پول قازانْسین و او مرواریدی یئنَه آلْسین. «

اورادا بیر عِدَه آدام وار ائدیلَر کِه گُمان ائدَرْدیلَر کِه، یاخشی عَمَلْ لَرینَه گِئرَه خدایین درگاهینْدا قبول اولونوبْلار. اونْلار یاخشی ایش گِئرمَه یَنْ باشْقالاری خوار گِئزْدَه باخیرْدیلار. عیسی اونْلارا بو حِکایَه نی دانیشْدی: »ایکی کیشی دوعا ائدْمَک اوچون مَعبَدَه گِئدیلَر. اونْلارْدان بیری دینی رَهبَری و او بیریسی ایسَه وِئرْگی ییغان ائدی. «

دینی رَهبَری دوروب آیاغا قالْخْدی و بِئلَه دوعا اوخودو: »خدایم، سَنَه شوکور اِئدیرَم، مَن باشْقا اِنسانْلار کیمی، گناهکار، اوغْرو، ظالِم، زَناکار، حَتّی بو وئرْگی ییغان کیمی دئییلَم.

هفته دَه ایکی دَفعه اوروج توتورام و قازانْدیغیم بوتون پول و اَلیمَه گَلَنْ بوتون گَلیریمْدَن، اونْ دان بیرینی سیزَه وئریرَم. «

امّا، همین وئرْگی ییغان اودَه ییسی او دین رَهبَرینْدَن اوزاق دایانیب، دوعا ائدَنْ دَه حَتّی باشینی آسْمانا قالْدیرْماییب، یوموروغونو سینَه سینَه توتوب، دئدی: »خدایم، مَنَه رَحمْ ائدین، چونْکِه مَن گناهْکارَم! «

سونْرا عیسی دانیشْدیغینی دوام ائدی: نسیزه دوغْروسونو دئییرَم؛ خدا او وِئرْگی ییغانین دوعاسینی ائشیدی و اونا حقّ قازانْدی. خدا ایزینی یوخاری توتانی آدامی آلْچادار و ایزینی آلچالْدانی دا اوجالْدار. «