35. مَرْحَمَتْلی آتانین حِکایَه سی

بیر گین عیسی اَطرافینَه چوخ انسانلار توپْلانْمیش ائدیلَر تا اونْدان تَعلیم اوچون، سؤز ائشیدْسینلَر. اونْلارین چوخوسو وِئرْگی ییغانْلارْدان و موسی نین قانونونا تابِع اولْماق ایستَه مَه یَنْ باشْقا اِنسانْلارْدان ائدیلَر.

لاکین اورادا اولان دین رَهبَرلَری، عیسی نین گَناهکارلارلا نِئجَه یاخین یولْداش کیمی رَفتار اِئدییینی گِئرْدیلَر. بِئله لیکْلَه اونْلار بیر- بیرینَه عیسی نین سَهْو و یانْلیش ایش اِئدییینی سُؤیْلَه دیلَر. عیسی اونْلارین سِئزْلَرینی اِئشیدَنْدَه بو اَحوالاتی اونْلارا دانیشْدی.

بیر کیشی نین ایکی اوغلو واریدی. بیر گین کیچیکْ اوغلو آتاسینا دِئدی: »آتا، اینْدی میراثیمی ایستَه ییرَم! « بونا گِئرَه دَه آتاسی اونا مالینْدان بیر پایْ وِئرْدی.

تِئزلیکْلَه کیچیک اوغلو اَلینْدَه هَر مال-دولتی توپلاییب، گؤتوردو و اوزاق بیر اؤلْکَه یَه گِئدی و اورادا گناه لیایشلر ایله، یاشایش و حیاتْیندا، بوتون وار-دولتینی اِسراف ائدی.

تئزلیکْلَه اوغْلانین اولْدوغو یِئرْدَه شِدّتْلی قَحْط لیق باش وئرْدی و اونون یِئمَک آلْماغا پولو یوخ ایدی. بونا گِئرَه دَه او، یالنیز الینْدَن گَلَن یِگانَه ایشی، دونْقوزْلارین اوتارْماقدان عِبارَت ائدی و اوقَدَرْ عاجِزْ و آج ایدی، دونْقوزْلارین یِئمَه یی ایله دؤیورْدو.

نهایت بیر گین کیچیک اوغْلان ایز-ایزینَه دِئدی: »منیم بورادا نه ایشیم وار؟ آتامین بوتون قولْلوقْچولاری نین یِئمَه لَری بولْدور، امّا، مَن بورادا آجیمْدان ائلمه لییَم. اونا گِئرَه ده آتامین یانینا قاییدیب، اونون قولْلارینْدان بیری اولْماسینی اونْدان خواهِش ائدَه جَه یَم. «

بِئلَه لیکْلَه او آتاسی نین ائوینه گِئدی. هَلَه ائودَن اوزاقدا ائدی آتاسی اونو گیرَنْدَه ایرَه یی یانْدی و تَلَه سیکْ حادا، اونون طرف قاچْدی گئدی، اونو قوجاقْلاییب، ایز و گئزیندن اوپْدو.

اوغلان آتاسینا دِئدی: »آتا، مَن سَنَه و خدااِ قارْشی گناه ایشْلر ائدْمیشم و داها سَنین اوغْلون اولْماغا لاییق دئییلَم. «

امّا، آتاسی قولْلوقچولارْدان بیرینَه دئدی: »تِئز اوْل و گئدین ائودَن اَن یاخشی پالْتاری گَتیرین، اوغْلوما گئیینْدیر. « اَلینَه قیمتلی ایزی آیاغینا آیاغ قابی تاخین و کؤکْله میش و چاق جووانانی گَتیرین کَسین، گِئدین شَنْلیکْ و شادلیق ائدین. چونْکِه بو اوغْلوم اینْدیَه چَنْ ائلْمیش ائدی، ایندی دَه ساغ و دیری اولوب. او ایتمیش ایدی اینْدی اونو تاپْمیشام. «

بِئلَه لیکْلَه، اونْلارین هامیسی کاتا بیر بایرام و جَشْن توتوب کئچیرْدیلر. چوخ کئچْمَه میش ائدی زَمی و تارْلادا ایشْلَه ییب، ائوه قاییدان کاتا اوغْلان، ساز آلَتْ لارین سَسینی، اویون ایلَه ماهَنی اوخودونو ایشیدی و کُنجکاو اولوب نه یاش وئرْدیی اوچون ماراقْلانْدی.

کاتا اوغْلان بو شَنلیک قارْداشینی ائوَه قاییدْماق اوچون اولْدوغونو آنْلایانْدا، غَضَبلَنْدی و ائوَه گیرْمَک ایستَه مَه دی. آتاسی ایشیگَه چیخْدی و اونْدان ائوَه گَلْمَه یی و شَنْلیک و شادْلیق دَه شرکت و اِشتراک ائدمَه سینی یالْوارْدی، امّا، او قبول ائدمه دی و آتاسی نین دَعوتینی رَدّ ائدی.

کاتا اوغْلو آتاسینا گلایَه ائدیب دئدی: »بو ایلْلر عَرضینْدَه سَنَه صِداقَت ایلَه خِدْمَت ائدیم! مَن هئچ وقت سَنین اَمرینَه قارْشی اولْمامیشام و بوتون بو مَدّت عَرضینْدَه یولداشْلاریمْ ایلا بایْرام ائدْمَک اوچون مَنَه بیر گئچی اوغْلاغی دَه وئرمه میش سَن. امّا، بو کیچیک اوغْلون، سَنین مالینی اؤز گناهکارلیق یولونْدا اِسراف ائدی و اینْدی ائوَه قاییدیقْدان سونْرا، سَن اونون بایْرام و سَنلیک ائدْمَه سی اوچون، اَن یاخشی کؤکْلَنمیش و چاق چووانانی کَسیب سَن. «

آتاسی جواب وئرْدی: »اوغلوم، سَن همیشه مَنیم یانیمْداسان و مَندَه اولان هَر شئی سَنینْدیر. آنْجاق اَن یاخشی ایش اینْدی بو دور شَنْلیک ائدیب، سِئوینْمَک دیر. چونْکِه، قارْداشین اینده چَن ائلمیش ائدی اینْدی دیریلیب و ساغدیر. او اینَدیه دَک ایتْمیش ائدی، اینْدی تاپیلْمیش دیر. «