37. عیسی ایلْعازری دیریلْدیر.

ایلْعازَر آدلی بیر کیشی وار ایدی او و ایکی باجیسی مریم و مرتا نَن، عیسی نین یاخین یولْداشْلارینْدان ایدیلَر. بیر گین عیسی ایلْعازَرین آغیر ناخوش و خَسته اولْدوغونو ائشیدی. عیسی بو خبری ائشیدنده دئدی: »بو ناخوشْلوق اونون ائلیمینه سبب اولمایاجاق، لاکین خدایین عَظمتی و عِزّتی اونْدا باشْقالارینا آشْکار اولوناجاق. «

عیسی اونْلاری سِئوْسَه دَه داها ایکی گین اولْدوغو یِئرْدَه قالْدی. بو ایکی گینْدَن سونْرا، عیسی اؤیْرَنجی لَرینَه دئدی: »گَلین یَهودیه قاییداق. « امّا اؤیْرَنجی لَر دئدیلَر: »ای اوستاد، بیر نِئچَه گین اؤنْجَه یَهودیه خَلقی سَنی ائلْدیرْمَکْ ایستَه ییرْدیلَر! « عیسی جَواب وِئرْدی: »دوسْتوموز ایلْعازَر یاتیب و من اونو اویاتْمالییام. «

عسی نین اؤیْرَنْجی لَری جَواب وئرْدیلَر: »یا ربّ! اگر او یاتیبسا، ساغْلایاجاق. « سونْرا عیسی آیْدین حالْدا دئدی: »ایلْعازَر ائلیبدی. اورادا اولْمادیغیما گِئرَه خوشْحال و شادام، تا سیز مَنَه اینانا بیلَه سیز. «

عیسی ایلْعازَر یاشایان شَهرَه گَلَنْدَه، ایلْعازَرین ائلیمینْدَن دورْد گین کِئچْمیش ایدی. مرتا عیسی نی قارشیلاماغا گِئدی و دِئدی: »یا آغایِ مَن، اگر بورادا اولْسایدین، قارداشیم ائلْمَزیدی. امّا، مَن اینانیرام کِه خدا دان هَر نَه دیلَه سَن، او دا سَنه وِئرَه جَک. «

عیسی جَواب وئردی: »قیامت دا دیریلْمَه و حَیات مَنم. هَر کیم مَنَه اینانْسا، ائلْسَه دَه دیری اولوب یاشایار. مَنَه اینانان هِئچ وقت ائلْمَز. آیا مَنیم دیدیی لَریمَه اینانیرْسان؟ « مَرتا جَواب وِئردی: »بلی اوستاد، اینانیرام، سَن خدایین اوغْلو مَسیح سَن. «

مَریم عسی نین یانیتا گَلْدی و اونون آیاغْلارینا ییخیلْدی و دِئدی: یا آعا و سَرْوَرَم، اگر بورادا اولْسایدین، قارْداشیم ائلْمَزیدی. « عیسی اونْلارْدان سوروشدو: »اونو هارادا قَبْرَه باسْدیرمیش سیز؟ « اونْلار جَواب وئرْدیلَر: »بیر مَقْبَرَه دَه، گَلْ گِئدَکْ گِئرین. « سونْرا عیسی آغْلادی.

ایلْعازَرین قَبْری قواخ و ماراغا ایدی آغْزی نین اؤنْگینَه ایرْلی داش قویْموشْدولار. عیسی مَقْبَرَه یَه چاتانْدا اونْلارا دئدی: »داشینی بیر کِنارَه یووارْلایین! « لاکین، مَرتا دئدی: »اونون ائلیمینْدن دورْد گین کِئچیب، اینْدی اونون جَسَدینْدن قوخو و پیس ایس گَلیر. «

عیسی جَواب وئردی: »مَگر مَن دئیمَه دیم کِه اگر مَنَه اینانْسانیز خدایین جَلال و عِزّتینی گِئرَه جَک سیز؟ « بِئلَه لیکْلَه داشی بیر طَرفَه یووارلادیلار.

سونْرا عیسی آسْمانَه باخیب و دئدی: »آتا، مَنی ائشیدیینَه گئرَه سَنَه تَشَکور ائدیرَم. بیلیرَم کِه سَن مَنی همئشه دیلَه ییرسَن، امّا مَن بونون بورادا اولانْلار انسانْلار اوچون دئدیم، تا اینانْسینلار کِه مَنی سَن گِئنْدَرْمیش سَن. « سونْرا اوجا سَسْلَه دئدی: »ایلْعازَر، چیخ قَبیرْدَن چیخ گَلْ بورایا! «

ایلْعازَر جَسَدی دفینَه بؤکولْموش حالْدا مَزارْدان چیخْدی. عیسی اونْلارا دئدی: »اونو آچین تا باجارسین یِئریسین. « بیر چوخ یَهودی لَر بو معجزه نی گِئرَنْدَه عیسی یَه اینانْدیلار.

امّا، یَهودیلَرین دینی رَهبرلَری پاخیلْلیق ائدیرْدیلَر، بونا گئرَه دَه عیسی و ایلْعازَر ائلْدیریمَه سینی پالاشْدیرماق اوچون بیر آرایا توپْلاشْدیلار.