48. عیسی وعده ائدیلْمیش مسیح دیر

خدا دونیانی یارادانْدا هر شَئی کامل یاراتْدی و هئچ بیرین گناه سی یوخ ائدی. آدم و حوا بیر-بیرلَرینی سِئویردیلر و خدایی ده چوخ سِئویردیلَر. ناخوشلوق و خَسْتَه لیک و حتّی ائلیم یوخیدی. بو خدایین ایسْتَه یی دونیا ائدی.

شیطان حوا ایله باغْداکی ایلان واسِطه سیلَه دانیشْدی، چونْکی، اونو آلْداتْماق ایسْتَه ییرْدی. سونْرا، او و آدم گناه ائدیلَر. اطاعت سیزلیکْلَرینَه گِئرَه بوتون انسانلار ائلیمه محکوم دورلار.

آدام ایله حوانین گناه لارین سبَبینْدَن داها دَهْشَتْلی ایش و حادثه لَر باش وئرْدی. اونْلار خدایین دوشْمنی اولْدولار. نتیجه دَه، او وقتدَن اینْدیَه قَدَرْ هامی گناه ائدمیشْلَر. هر کَس دوغولْدوغو آنْدان خدااَ دوشمن دیر. خدا ایلَه انسان آراسینْدا صلح مناسبتی یوخیدی، لاکین، خدا صلح برقرار اولْماسینی ایستَه ییردی.

خدا سِئز وئرمیشْدی کی، حوانین نَسلیندَن اولان بیر شخص، شیطانین باشینی ووراجاق و شیطان اونین دابانینی دیشْلَه یَه جَک. بو او معنا دئمکْدیر کی، شیطان میسیحی ائلْدیره جَک، لاکین، خدا اونو یِئنیدَن دیریلْدَه جَک. اونْدان سونْرا، وَعده ائدیلمیش مسیح شیطانین گوجونو ابَدِی و همیشه مَحو ائدَه جَک. اوزون ایلْلَردَن سونْرا، خدا عیسی نین وعده ائدیلْمیش مسیح اولْدوغونو آچیقْلادی.

خدا نوح پیغمبره امر ائدی بیر گیمی تیکیب دوزلْدسین. عائلبه سینی گینْدَرَه جَه یی طوفانْدان خِلاص ائدْمَک اوچون بو امری وئرْمیش دی. بئله لیکْلَه، خدا اونا ایمان گَتیرَنْلَری خِلاص ائدی. عینی بو شکیلْدَه، بوتون انسانلار گناه لارینَه گِئرَه، خدا طریفینْدَن ائلیمَه لاییق دیلَر، لاکین، خدا، عیسی نی اونا ایمان گتیرَن هر کسی خِلاص ائدْمک اوچون گینْدَرْدی.

یوز ایلْلر بویو کاهِن لار انسانلار اوچون، خدااَ قوربانْلار گتیریرْدیلَر. بو ایش انسانلارا گناه ایشْلَتْدیکْلَرینی و خدایین جَزاسینَه لاییق اولْدوقْلارینی گؤسْتَریرْدی. لاکین او قوربانْلار انسان گناه لاری نین باغیشْلانْماسینا سَبب اولا بیلْمَزیدی. عیسی باش کاهِن دیر. او، کاهِن لارین ائدَه بیلْمَه دیکْلَرینی ائدی. او، بَشریتین گناه لاری اوچون، قوربان وئرمَک اوچون ائزینی قوربان وئرْدی. او، بوتون بشریتین گناه لارینه گِئرَه جَزا آلماغی قبول ائدی. بونا گِئرَه دَه عیسی باش کاهِن دیر.

خدااَ ابراهیمه دئمیش: »سنین واسطه لیلَه دونیانین بوتون قَبیله لَرینَه خیر بَرکت وئرَه جَه یَم. « عیسی دَه ابرهیم نسلینْدَن ائدی. خدا ابراهیم واسطه سیلَه دونیانین بوتون ملت لَرینه خیر و برکت وئریر، چونکی، عیسی یَه ایمان گتیرَنْلَر، گناه دان خِلاص اولاجاق. وقتی بو انسانلار عیسی یَه ایمان گتیریرْلَر، خدا اونْلاری ابراهیمین نَسلی کیمی تانییر.

خدا ابراهیمه اوغْلو/اسحاق یا اسماعیل/اونون اوچون قوربان وئرْمَه یَه سینی سؤیلَه دی. لاکین، خدا قوربانْلیق اوچون اوغْلونون یِئرینَه بیر قوزو حاضر ائدی تا قوربان ائدْسین. هامی میز گناه لاریمیز اوچون ائلیمه لاییق و مَحکوم ایق. امّا، خدا عیسی نی دونیایا باغیشْلادی تا بیزیم یِئریمیزْدَه قوربان اولْسون و بو یولْدا ائلسین. بونا گِئرَه دَه بیز عیسی نی خدایین قوزوسو آدلانْدیریریق.

خدا مصره سون بلا گیندَرَنْدَه هر بیر اسرائیل عائله یَه بیر قوزو کَسْمَه یی امر ائدی. بو قوزو گَرَکْ قوصورْسؤز و عیب سیز اولْمالی ائدی. سونْرا، اونون قانینی قاپی چارْچیوه سی نین اوسْت و یانلارینَه سَپْمَه لی دیرْلَر. خدا او قانی گئریب، ائوْلَری نین یانینْدان کئچیب، او عائله نین ایلْک اوغْلونو ائلْدیرْمَه ایدی. بو باش وئرَنْدَه خدا اونو پِسَخْ آدلانْدیرْدی.

عیسی پِسَخ بایرامی قوزو کیمینْ دیر. او، هئچ بیر سَهو ائدْمَه میشْدی و هئچ وقت دَه گناه ائدْمَه میشْدی. او شو پِسَخ بایرامین گینْلَرینْدَه ائلدی. وقتی هر کیمْسَه عیسی یَه ایمان گتیرَنْدَه، عیسی نین قانی اونون گناه لاری نین جَزاسینی اودَه ییرْدی. سانکی، خدا، اونو جَزالانْدیرْماماق ایلَه یانینْدا کِئچیر.

خدا بنی اسرائیل ایلَه عَهد باغْلادی، چونْکی، اونْلار مخصوص بیر قوم ائدیلَر کی، ائزی اونْلاری سِئچْمیش ایدی تا اونا مخصوص اولْسونْلار. لاکین، خدا اینْدی هر کَس اوچون اَل-چاتان اولان یِئنی عهد یارادمیشْدیر. هر کیم و هر قَبیلَه دَن اولْسادا اگر بو عَهد و مُقاولَه نی قَبول ائدْسه، خدایین خَلقینَه قووشور. او، عیسی یَه ایمان ائدیی اوچون خدایین خَلقینه قووشولور.

موسی بیر پیغمبر ایدی، خدایین کلامینی، کاتا قدرت ایلَه اِعلان ائدی. لاکین، عیسی پیغمبرلَرین اَن بؤیویو دور. او، خدا دیر، اونا گِئرَه دَه اونون ائدیی و دئدییی هر شئی خدایین عَمل لَری و سِئزلَری ایدی. بونا گِئرَه دَه اینجیل عیسی نین مُقدس کتابی، خدایین کلامی آدلانْدیریر.

خدا داود پادشاه وَعده و سِئز وئرْمیش ایدی، اونون نَسلینْدَن بیری خدایین خَلقینه ابدی اولاراق پادشاه لیق ائدَه جَک. عیسی خدایین اوغلو و وعده ائدیلْمیش مسیح دیر و او، داوودون نَسلسنْدَن دیر و ابدی پادشاه لیق ائده بیلَر.

داود اسرائیلین پادشاهی ایدی، عیسی ایسَه بوتون دونیانین پادشاهی دیر! او، یِئنیدَن گَلَه جَک و ابدی اولاراق عَدالت و صلح ایله پادشاه لیق ائدَه جَک.