7. خدا یَعْقوبَه خیر و بَرَه وِئریرْ

اسحاقین او ایکِی اوغْلو، عیسَوْ و یَعْقوبْ آدلی بویودولارْ. عیسَوْ اُووا گِئدمَه یِی خوشْلاییرْدی لاکینْ یَعْقوبْ اِئودَه اوتورانْ بیر کیشِی ایدِی. رِبِکا یعْقوبو سِئویرْدِی، وَلِی عیسَوْ ایسَه اِسْحاقینْ مَحْبوبو ایدِی.

بیر گون عیسَوْ چوخ آجْ حالْدا اُودان قاییتْدِی. عیسَوْ یَعْقوبَه دیدی: »خواهِش اِئدیرَمْ بیر آز یِئمَه یینْدَنْ وَ چِئرَه یینْدَنْ مَنَه وِئرْ. « یعقوب جَوابْ وِئرْدی: »اوّلْجَه مَنَه سُؤزْ وَ قولْ وِئرْ کِه ایلْکْ اولادْلیغَه گِئره سَنَه مَخْصوصْ اولانْ هَرْ شَئیی مَنَه وِئرَه جَه سَنْ. « بونَه گِئرَه دَه عیسَوْ وَعْدَه وِئرْدی کِه ایلْکْ دوغانْلیقْ حُقوقونْدان بوتونْ اِمتیازْلارینی یَعْقوبَه وِئرْسینْ. سونْرا یَعْقوبْ عیسَوْوَه بیر آز یِئمَک وِئرْدی.

اِسْحاق عیسَوْوَه خیر وَ بَرَه دُعا ایسته یَنْدَه، رِبِکا دَه اونو آلْداتْدی یَعْقوبو عیسَوْوینْ یِئرینَه اِسحاقینْ اوتاقینَه گِئنْدَرْدی. اِسْحاقْ قوجالْمیشْ ایْدیْ و آرْتیق یاخْشِی گِئرْمزْ ایدِی. یَعْقوبْ عیسَوْوین پالْتارینی گِئیینْدِی بویْنونو وَ اَلْلَرینی گِئچیْ دَریسِی نَنْ اؤرْتْدِی.

یَعْقوبْ آتاسی نینْ یانینَه گَلیبْ دیدی: »مَنْ عیسَوْوَمْ وَ مَنَه خیر وَ بَرَه دُعاسی وِئرْمَکْ ایچین گَلْمیشَمْ. « اِسْحاق گِئچی نینْ قئل و تؤکونَه توخونوبْ، پالْتارینْ ایسینی آلانْدا ایلَه بیلْدِی کِه عیسَوْ اونینْ یانینَه گَلِیبْ اونَه خیر و بَرَه دُعاسِی وِئرْدی.

عیسَوْوینْ یَعْقوبْ دَن نِفْرَتِی واریدی، چونکِی اونونْ ایلْکینْ حَقّینی وَ خیر وَ بَرَه دُعاسینی اوغورْلادِی. هَمْچِنینْ او نَقْشَه چَکْدِی کِه اِسْحاقینْ اِئلیمینْدَن سونْرا یَعْقوبو اِئلدیرْسینْ.

آنْجاقْ رِبِکا دَه بونْدان خَبَرْدارْ اولْدِی. او، اِسْحاقْ نَنْ یَعْقوبو اوزاقْ بیر یِئرَه رِبِکانینْ قومْلاری نینْ یانینَه گِئنْدَرْدِی.

یَعْقوبْ اوزونْ ایلْلَرْ دَه رِبِکانینْ قومْلاری نَنْ یاشارْدی. او مُدَتینْ عَرْضینْدَه او، اِئوْلَنْدی و اونْ ایکِی اوغْلو وَ بیر قیزی اولْدِی. خدا یَعْقوبَه چوخْلو ثِرْوَتْ وِئرْدی.

یَعْقوب کَنْعانْ داکِی اِئوینْدَنْ، ییرْمِی ایلْ اوزاقلاشْدیقْ دانْ سونْرا عائلَه سِی، قولْلوقْچولارِی وَ بوتونْ سورولَری نَنْ اورایَه قاییتْدی.

آنْجاقْ، یَعْقوبْ چوخْ قورْخورْ دور، چونْکِی، عیسَوْوینْ هَلَه دَه اونو اِئلْدیرْمَه یِی نَقْشَه سِینِی دؤشونَرْدِی. بو جِهَتَه او، اؤزْ سوروسونونْ چوخْلو حیوانْلارینْ دانْ عیسَوْوَه هَدیَه ایچین گِئنْدَرْدِی. او مالْ-قارانِی عیسَوْوینْ یانینَه آپارانْ قولْلوقْچو، اونَه دیدی: »قولونْ یَعْقوبْ، بو مالْ - قارانِی سَنَه تَقْدیمْ اِئدیرْ. او تِئزْلیکْدَه بورادا اولاجاقْ. «

لاکین عیسَوْ آرتیقْ یَعقوبَه آزارْ وِئرْمَکْ فِکْرینْدَه دِئییلْ ایدِی وَ اونو گِئرَنْدَه چوخْ سِئوینْدِی. یَعْقوبْ باریشْ ایلَه دینجْ کَنْعانْ دَه یاشاییرْدی. سونْرا اِسحاقْ اِئلْدِی و یَعْقوبْ ایلَه عیسَوْ اونو قَوِرَه باسْدیرْدیلار. اَلْلاهینْ اِبْراهیمْ نَنْ باغْلادیغِی عَهْدْ ایلَه پیمانْ، اِسْحاقْ دانْ سونْرا یَعْقوبَه چاتْدِی.