8. خدا یوسف و عایلِسی نجات وئریر

اوزون ایلْلَردَن سونْرا، یعقوب قوجا اولانْدا سِئویمْلِی اوغْلو یوسفی گِئندَردِی کِه، سورو اوتارانْ قارْداشْلاری نینْ ساغْلام لیغینْدَن خبر گَتیرْسینْ.

یوسُفینْ قارْداشْلاری اونَه نِفْرَت اِئدیرْدیلَر، چونکُه آتالاری اونو نَه اینْ کِه اونْلارْدان چوخْ سِئویرْدی، هَمْدَه یوسُف اونْلارینْ اوزَرینْدَه حُکْمْرانْلیق اِئدَه جَه یِینِی یوخودَه دؤشْدَه گِئرودی. یوسف قارْداشْلاری نین یانینَه گِئدَنْدَه اونو قاچیریبْ قولْ آلْ وِئرْچِی لَرینَه ساتْدیلار.

یوسُفینْ قارْداشْلاری اِئوَه لَرینَه چاتْمامیشْ، یوسفین پالْتارینِی جیریبْ و اوستونَه گِئچِی قانِی سَپْدیلَر. سونْرا قانْلِی پالْتاری آتالارِی یَعْقوبه گؤسْتَردیلَر کِه، یوسُفِی وَحْشی قورْدْ حیوانینْ اِئلْدیردینی تَصَوّرْ اِئدْسینْ. یعقوب بو حالِی گِئرَنْدَه چوخْ کَدَرْلَنْدی.

قولْ تاجِرْلَرِی یوسفی اِئزْلَرِی نَنْ مِصْرَه آپارْدیلار. مِصْرْ نیلْ چایینینْ یانینْدا یِئرْلَشَنْ کاتَه و گوجْلو بیر اؤلْکَه ایدی. قارْداشْلاری اونو مِصرینْ بیر زَنگین و دولَتْلِی مامورونَه ساتْدیلار. یوسف اَرْبابینَه یاخْشی قولْلوقْ اِئدیرْدی وَ خدا دَه اونَه خیر و بَرَه وِئرْدی.

هَمینْ مامورینْ خاتینی یوسف لَه جِنْسِی عَلاقَه دَه اولْماقْ ایستَه دِی، و بو ایشْ ایچینْ چوخْ چالیشْدِی، لاکینْ یوسف خدااِ قارْشی گَناه اِئدْمَکْدَن اِمتِناعْ اِئدِّی. بونَه گِئرَه دَه او قادینْ غَضَبْلَنْدی و یوسفی ناحَقّ بُهتانْدا اِتْهامْ اِئدِّی و اونو توتوبْ، دوسْتاقدا حَبْسْ اِئدْمَه یَه گِئنْدَرْدِی. آنْجاقْ یوسَفْ زِنْدانْدا دا خدااِ صادِق قالْدی و خدا دَه اونَه خیر و بَرَه وِئرْدی.

ایِکی ایلْدَن سونْرا، یوسف گُناه سیز اولْسادا، هَلَه دَه حَبْسْدَه ایدِی. بیر گِئجَه فِرعونْ )مُصْرْلِی لَر اؤزْ پادشاه لارینَه فِرعونْ دِئییرْدیلَر(، ایکِی غَریبَه یوخو گِئرْدی و اونو چوخْ چاشْدیرْدی. فِرعونونْ مُصْلِحَت چِی لَرینْدَنْ هِئچْ بیری، اونونْ یوخولارینی یوزا /تَفْسیر/بیلْمَه میشْدِیلَر.

خدا یوسفَه یوخو یوزْماقْ قابیلیتِی وِئرْدیِی ایچینْ، فِرعونینْ یوخولارینِی یوزْماقْ اوچونْ، یوسُفِی زِنْدانْدانْ چاغیردی. یوسَف اونَه دیدی: »خدا یِئدّی ایلْ بولْلوق وِئرَه جَه لاکین اونْدان سونْرا یِئدّی ایلْ آجْلیقْ اولاجاق. «

فِرعونْ یوسفین شَخْصیَه تینَه او قَدَرْ حیرانْ اولْدی کِه، اونو مِصْرْدَه ایکینْچی اَنْ گوجْلو شَخْصْ یِئرینَه قویْدی.

یوسف خَلْقَه دیدی کِه یِئدّی ایلْ بولْلوقْ چاغِی، اَرْزاق مَحْصولْ لاری اَنْبارْ اِئدیبْ و ساخْلاسینلار. سونْرا یِئدّی ایلْ آجْلیقْ باشْلایانْدا، یوسف بو محصول لارِی اِنْسانْلارا ساتْدی کِه تا، اونْلار کِفایَت قَدَرْ یِئمَک تاپْسینْلار.

شِدّتلی آجْلیق و قوراقْلیق، تَکْجَه مِصردَه دِئییلْ اِیدی، هَمْدَه یَعْقوبْ و عائِلَه سی نینْ یاشادیغی، کَنْعانْ تورْپاقینِی بوروموش اِیدی.

بِئلَه لیکْلَه، یَعْقوبْ کاتَه اوغْلانْلارینی یِئمَک و یِئمَک آلْماقْ اویچین، مِصْرَه گِئنْدَرْدی. اونْلار یوسفین قاباقینْدا اونْدان یِئمَکْ آلماقْ ایچینْ دایانْدیقْدا، اونو تانیمیرْدیلار. لاکین یوسف اونْلاری تانیدی.

یوسف قارْداشْلارینی سینادیقْدان سونْرا، اونْلارا دیدی: »مَن سیزین قارْداشینیز یوسفَم، قورْخْمایین. سیز مَنَه پیسْلیکْ اِئدینیز، امّا خدا سیزین پیسْلِیینی یاخْشیلیغا چِئویرْدی. اینْدی گَلین و مَصرْدَه یاشایین و مَن سیزین و عائِلَه لَرینیزْ ایچین بورادا هَر شَئیی تامین اِئدَه بیلَه رَم. «

وقتی یوسفین قارْداشْلاری اِئوْلَرینَه قاییدیبْ و آتالارینَه یوسفین دیری و ساغْ اولْماغونو دِئیَندَه، چوخْ سِئوینْدی.

یعقوب قوجا اولْسادا، عائِلَه سِی ایلَه بیرْلیکْدَه مِصْرَه کوچْدی و هامی سی اورْدا بیر یِئرْدَه یاشادیلار. یعقوب اِئلیمینْدَن اؤنْجَه، بوتون اوغولْلارینَه خیر و بَرَه وِئرْدی.

خدایین ابراهیمَه وِئرْدییی عَهْدْ و پیمانِی اِسْحاقدان سونْرا یعقوبَه اونْدانْ سونْرا، اونونْ اونْ ایکِی اوغْلو و اونْلارین عائِلَه لَری نَنْ باغْلانْدی. یعقوبونْ اونْ ایکِی اوغْلونونْ نَسْلینْدَن، اِسرائیلین اونْ ایکی قومْ وَ قَبیلَه سی دوْغولْدی.