9. خدا موسانی چاغیریر

یوسفین اِئلیمینْ دَنْ سونْرا، بوتونْ قومْلاری مِصردَه قالْدیلار. اوزونْ ایلْلَر اولادْلاری نَنْ بیرلیکْدَه اورادا یاشاماغا دَوامْ اِئدیلَر وَ چوخْلو اوشاق صاحِبی اولْدولار. مِصرلیلَر اونْلارا اِسرائیلْ لیلَر دِئییرْدیلَر.

یوزْ ایلْلَر دَنْ سونْرا، اِسرائیلْ لَرینْ سایی خیلی چوخْ آرتْمیشْدی. مِصریلَر آرْتیق یوسفِی وَ اونونْ کؤمَه یی نی خاطِرلامیرْدیلار. اونْلار اِسرائیلی لَرْدَنْ قورْخورْدولار، چونکِه اونْلارینْ سایی چوخْ ایدی. بونَه گِئرَه دَه او دورَه دَه مِصری اِدارَه اِئدَن فِرعونْ اِسْرائیلی لَری مِصْریلی لَره قولْ اِئدی.

مِصْریلی لَر، اِسْرائیلی لَری چوخْ بِنالار و حَتّا شَهرلَر تیکْمَه یَه مَجْبورْ اِئدیلَر. چَتینْ زَحْمَت اونْلار ایچین حَیاتی آجیلاشْدیرْمیشْ دِی، لاکین، خدا اونْلارا خیر و بَرَه وِئردی وَ داها چوخْ اولاد صاحیبی اولْدولار.

فِرعونْ اِسْرائیلی لَرینْ چوخْلو اوشاق صاحبی اولْدوقلارینی گِئریبْ خَلْقینَه اَمْر اِئدی کِه، بوتون اوغْلان اوشاقلارینی نیل چایْ یینَه آتیبْ اونْلاری اِئلْدیرسینْلَر.

تا این کِه اِسْرائیلْ لِی قادینْ اوغْلان چاغانِی دُنیایَه گَتیرَه نَه قَدَرْ، او اَری نَنْ بیرلیکْدَه کؤرْپَه چاغانی باجاردیقجَه قَدَرْ گیزلَتْدیلَر.

کؤرپه چاغانینْ آتا-آناسی، اونو داها گیزْلَه دَه بیلْمَه یَنْدَه، اِئلْدیرْمَه سینینْ قارشی سینی آلْماق ایچین کؤرپه چاغانی نیلْ چایینْ ساحیلینْ دَه کِه قامیشْلیقْلار آراسینْدا اوزَنْ سَبَدَه قویْدولار. امّا کاتَه باجیسی اونونْ باشینَه نَمَه گلَه جَه یینی اوزاقْدانْ ایزلَه ییرْدی.

فِرعونونْ قیزی سَبَدِی گِئریبْ ایچَرِی باخْدی. کؤرپه چاغانی گِئرَنْدَه، اونو اوغْلو کیمی ایزی ایچین قَبولْ اِئدی. او، کؤرپه چاغایَه قولْلوق اِئدْمَکْ ایچین اِسرائیل لی قادینی دایَه لیکْ ایشَه گؤتَرْدی تا چاغایه سود وِئرْسین. هَمین قادینْ کؤرپه چاغانین آناسی اولْماسینْدانْ خَوَرْسیز اِئدی. آناسی کؤرپه چاغانی سودْدان آییرانْدان سونْرا، اونو فِرعونونْ قیزینَه قایْتارْدی. چاغانینْ آدینی موسا قویْدولار.

موسا بویویَنْدَه بیر مِصریلی نی گِئردی کِه، بیر اِسْرائیلْ لِی غُلامِی دؤیورْدی. موسا اِسرائیلْ لِی قاراشینی خِلاصْ اِئدْمَه ایچین چوخْ چالیشْدی.

موسا اونو هئچ کیمین گِئرْمَه یَه جَه یینی دؤشونرَرَکْ، او مِصریلینی اؤئلْدیریب جَسَدینی گیزْلَتْدی. امّا بیر شَخْص موسانین بو ایشینی گِئرْدی.

فِرعون موسانین بو حَرکتینْدَن خبر توتدی و موسانی ائلدیرمَک ایسْتَه دی. موسا مِصردَن چؤل صَحْرایَه قاچْدی وَ فِرعونونْ قولْلوقْچولاری اونو اورادا تاپا بیلْمَه دیلَر.

موسا مِصردَن اوزاق بیر اؤلْکَه نین شَهْرین دَه چوبان اولْدی. هَمین اؤلْکَه دَن بیر قادین نانْ اِئوْلَنْدی وَ اونْدان ایکِی اوغْلو اولْدی.

بیر گِین موسا قایینْ آتاسی نینْ قویونْ سوروسونو اوتارارْکَنْ بیر کولْ گِئرْدی، شَعْلَه وَ آلووِی باریدی، امّا، یانْمیارْدی. بونا گِئرَه دَه سَبَبینی اؤرَنْمَکْ اوچونْ اونا یاخینْلاشْدی. موسا یانان کولونْ یانینا گَلَنْدَه، خدا کولونون آراسینْدان سَسْلَنْدی: »آیاغْ کووشْلارینی چیخار، چونْکِه دورْدوغونْ یِئر مَقدّسْ دیر. «

سونرا خدا دیدی: »مَنْ مِصردَه خَلْق و قومومین عَذابْ و اَذیتینی گِئردیم. خَلْق و قومومین مِصر اِسارَتینْدَن چیخارْماق ایچینْ سَنی فِرعونونْ یانینَه گِئنْدَریرَمْ. مَن کَنعان تورْپاقینی، اِبراهیمَه، اِسْحاقَه و یَعْقوبَه وَعْدَه اِئدیییم تورْپاغِی، اونْلارا وِئرَه جَه یَمْ. «

موسا دیدی: »اَگَر جَماعَتْ مَنْدَنْ سوروشْسَه کِه مَنِی کیمْ گِئنْدَریبْ دی، اونْلارا نَمَه دِئییم؟ خدا دیدی: »مَن وارَم، او وارْلیقیم". اونْلارا دِئیین،"وارَمْ"مَنِی سیزینْ یانینَه گِئنْدَرْدی. هَمْچِنینْ اونْلارا دِئیینْ کِه، مَنْ "یَهُوَه"سیزین آتالارْنیزینْ، یَعْنِی اِبراهیمین، اِسْحاقین وَ یَعْقوبین اَللهِی یَم. بو مَنیم آدیم اَبدَه چَن هَمِئشَه لیکْدی. «

موسا فِرعونونْ یاخْشی دانیشَه بیلْمَه یَه جَه یینْدَن قورْخْدوغو ایچین اونینْ یانینَه گِئدْمَکْ ایسْتَه مَه دِی. بونَه گِئرَه دَه خدا موسانین قارْداشی هارونی اونَه کؤمَک اِئدْمَکْ ایچین گِئنْدَرْدی.