۱۷- عهدِ خدا هادِ داوود

شائول اولین پادشاه اسرائیل بُ. همون طَوری کُ مردم شُ اَگا قد بلند و خوشگل بُ. نُ اولون حکومتِش خیلی پادشاه خیبی بُ. ولی کم کم ب ایی مِردَیِ خیلی شروری تبدیل گِردا کُ خداش ستایِشِ و پیرویش نَکَ. نِزِینی بُبُ کُ خدا ایبی مِردَ پادشاهی را انتخابِش کَ.

خدا ایی جِوونی ب اسمِ داوود را انتِخابِش کَ تا نُش آمادَ کِرِ جانشینیِ شائول پادشاه را. داوود، چوپونی از اهالی بِیتْ‌لَحْم بُ. نُ در حالی کُ نگهبانی وَرِگَلِ بُباشون انجام شَدا، دوقَر گَلَ از دستِ گرگ و خرس نِجات شادا و بَشُنکُشت. داوود ایی مِردَ فروتن و عادلی بُ. نُ ب خدا اعتمادِش دَ و از خدا اطاعت شَکَ.

وقتی کُ داوود هَنی جِوون بُ هادِ جلیات غول پیکر کُ خیلی قِوی و چیره دست بُ و سه متر جی قَدِّش بُ مُبارِزَ شَکَ.ولی، خدا ب داوود کُمکِش ک تا جلیات شکست هادِ و اسرائیل نجات هادِ. بَدِ نُ داوود چند قَر بر دشمنونِ اسرائیل پیروز گِردا. نُ ب ایی سربازی زرنگ تبدیل گِرداده بُ و توی خیلی از جَنگون قَومِ اسرائیل رهبری شَکَ. پاکِ مردم نُماش خیلی تحسین شُ اَکَ.

محبت مردم نسبت ب داوود باعث آبُ تا شائول به نُ حسادت کِرِ. بِلَخِرَ شائول تصمیمِش گییَ تا داوودِش بُکُشِ، ولی نُ ب بیابون فِرارِش کَ و قائم گِردا. ایی رویی کُ شائول هادِ سربازونِش پِیِ داوود بُدِندَ، شائول اتفاقی بُشُ تو غاری کُ داوود نینِ دِ قائم بُبُدِ بُ. شائول داوودِش نِدی. داوود خیلی به شائول نزدیک بُبُ و ایی تیکَ از پیرَنِ شائول بَشبِرید. وقتی شائول غارِیش تَرکِش کَ داوود دادِش کَ و تِکِ لباسِ شائول به نُما‌نُشونِش دا. نِزینی ب شائول ثابِتِش کَ کُ نُ نَشِی هادِ کُشتَنِ نُما به پادشاهی بِرَسه.

بِلَخَرَ، شائول تو ایی جِنگی بِمَرد و داوود پادشاه اسرائیل گِردا. نُ پادشاه خیبی بُ و مردم دوسِشون دَ. خدا ب داوود برکت شادا و تو پاکِ کارونِش نُما کامیابِش کَ. داوود تو جنگونِ زیادی شِرکَتِش کَ و به کمک خدا دشمنونِ اسرائیل شکست شادا. داوود اورشلیمِش فَتحِش کَ و نینِ پایتختِش کَ. داوود همون نینِ زندگیِش کَ و بِمَرد. نُ حدود ۴۰ سال پادشاه بُ و اسراییلِش قوی و ثروتمندِش کَ.

داوود شَگا معبدی بُساجِ کُ پاکِ قوم اسرائیل نینِ دِ بُتونِندَ خدا پرستش کِرِندَ و قربانی تقدیمِش کِرِندَ. نزدیک ۴۰۰ سال، بُ کُ مردم یاقایی عبادت و قربونی شواَکَ کُ خیمه ملاقات اسمِش بُ و موسی بَشساتِ بُ.

ولی، خدا پِیامبر ب اسمِ ناتان پَلی داوود بَشکینا و به نُش بُوات: «چون تو جِنگونِ زیادی بُدِ، معبد مَرا نَساجِ، بلکه پیرِت نُ بَناش کیمی کَ. هادِ نِ وَضع بازِم مَ ب تو برکت کیمی اَدُم. آدِمی از نسلِ تو تا قیومَت بِ قَومِ مَ حکومت بَکِرِ.» تنها آدِمی از نسل داوود کُ شَتونا تا اَبَد حکومت بِکِرِ، مسیح بُ. مسیح نُ برگزیده خدا بُ کُ دنیا را از شَرِ گناهونِشون نُجات شَدا.»

وقتی داوود نِ حَرفَ بَشنُفت، خدا را شکر و ستایِشِش کَ. خدا جی نُش سربلند کَ و برکت زیادی نُش دا. ولی داوود از از وقتی کُ وعدِگَلِ خدا عملی اَگِردِ اطلاعیش نِدَ. ولی الان زونِمَ کُ قَومِ اسرائیل اِیگا، از زمانِ داوود، نزدیکه هزار سال ایگا اَمِدَنِ مسیح را انتظار بِکِشِ.

داوود سالونِ زیادی حکومَتِش کَ. نُ حرفِ خداش گوش اَکَ خدا جی نُش برکت شَدا. هادِ نِ آخرون عمرِش گناه بزرگی در برابر خدا مُرتَکِب بُبُ.

یَروو، وقتی کُ پاکِ سربازونِ داوود جنگ را بَر بُدِندَ، نُ از دستِ بومِ کاخ به بَر اِسسِّواش بِکَ و ایی جَنِ قِشِنگیش بِدی کُ حمام شَکَ. نُ جَنِ اَش نَشَشناسا ولی بَشفَما کُ اسمِش بَتشِبَع هَ.

یاقا نِ کُ از وَسوِسَ دوری کِرِ، شخصیش بِکینا تا نُ جَنَش بارِندَ پَلیش. نُ هادِ نُ جَنَ همبستر بُبُ و بَدِش بَشکینا کیَ شوند. بَدِ وقتِ کمی بتشبع پیغام داوود را بَشکینا کُ حاملَ گِردادَ.

شییِ بَتْشِبَع کُ اوریا اسمِش بِ، بهترین سربازون داوود بُ. اوریا نُ موقِعَ دور از کیَشون بُ و جنگ دِ بُ. داوود نُش واج کَ و بیش بُوات بِشَ کییَ و وَر جَنِد بی. ولی، اوریا قِبیلِش نِکَ کُ بِشِ چر‌ا کُ بِقیه سربازون جنگ بُدِندَ. بِلَخِرَ داوود یَقَربی اوریا را به جنگ بَشکینا و از فرماندهون درخواستِش کَ کُ نُش بِبِرِندَ خط مقدم جِنگ تا بِمیره. نِزِینی بُبُ کُ اوریا جنگ دِ بِمَرد.

بَدِ نِ کُ اوریا بِمَرد، داوود هادِ بتشبع ازدواجِش کَ و نُما ایی پیر بیش را باهارد. خدا نِ کار داوود خشمگین بُبُدِ بُ، ناتانِ نبی بَشکینا تا زشتی گُناهی کُ داوود بَشکَردَ ب نُ گوشزد کِرِ. داوود ب گناه خوش اعترافِش کَ و خدا نُش بِبَخشا. داوود بِقیه عمر خوش، حتی سخت ترون شرایط خداش پیروی و اطاعت شَکَ.

ب عنوان مجازات گناهی کُ بَشکرده بُ، پیرِ داوود بِمَرد و خیلی از آدِمونِ خاندانِش از نُ سرپیچیشون کَ و قدرتِش خیلی زیاد کَم آبُ. وَلی، با وجود نِ کُ داوود سرپیچی شَکَ خدا هادِ عهدی کُ هادِ نُش دَرِش بَسته بُ وفادار بُ و نُش ب انجام بِرَسَنا. بَدِ نیا داوود و بتشبع صاحبِ پیری گِردادِندَ کُ اسمش سلیمان زِمینِشون تا.