۱- آفرینش

اَلَ اَوَّلَن طارِه وار زادِ بِلَکِه دیزَدِ: اُ دُونیا وَ تَمامِ جاندارْلَرِ آلْتِه گینْ ایچینَّ دیزَدِ. یِرِ دیزَدَنَّنْ سُورا، بِخاطِرِ بوکِه هَنِه هِشْنَ شیکلْ تُوتْمامُوشِدِ، وارْ یِرْ قَرَنْگِه وَ پوچِدِ. آمّا طارِنی روحِه سولاریْ ایسِنَّیْدِ.

پَس طارِه دِدِ : (رُوشَنالیگْ اُلا ) وَ رُوشَنالیگْ اُلِّه. طارِه گِرْدِ رُوشَنالیگْ خُوبـْدُر اُنینَّ آدِنِه گینِّز قُویـْدِ. طارِه قَرَنْگیِّه رُوشَنالیگْدَن آیرْدِ وَ اُنینَّ آدِنِه گِجَ قُویْدِ. طارِه رُوشَنالیگِ اَوَّلْکِه گینَّ دیزَدِ.

ایکِه گینْ خِلقَتْدَنْ گَچَنَّ، طارِه دِدِ تا: یِری ایسِنَّ فَلَکْ دیزَلَ « وَ بِلَکِه اُلِّه. طارِه اُ فَلَکی آدِنِه آسمان قُویْدِ.

اُچُومْکِه گینَّ طارِه دِدِ تا «آسمانی آلْتوناکِه سولارْ بیرْ یِرَ یِقِلَّلَرْ تا بیابان دیزَلَ.» اُ بیابانِه قُورِّ یِرْ وَ سولارینَّ آدِنِه دریا قُویْدِ. طارِه گِرْدِ اُ زادیکِه دیزَدْمیشْ خُوبْدُر.

اُناسُورا طارِه دِدِ:«انواعِ آقاجْلارْ وَ اُدْلَرْ یِری ایسِنَّنْ چیخَلَّرْ» وَ بِلَکِه اُلِّه. طارِه گِرْدِ اُ زادیکِه دیزَدْمیشْ خُوبدُر.

دِردْ گینْ آفَرینِشْدَنْ گَچَنَّ، طارِه دِدِ کِه: «آسِمانا رُوشَنالیگْ گَلَ.» وَ بِلَکِه طارِه گینِه، آیِّه وَ اُلْدُزْلَرِ دیزَدِ تا یِرَ رُوشَنالیگْ باقُوشْلیّالّار وَ گینِّزُ، گِجَیْ وَ آیْلارُ، ایلَّرِ بیرْ بیرْدَن آیردِ. طارِه گِرْدِ اُ زادیکِه دیزَدْمیشْ خُوبدُر.

بِشْ گینْ گَچَنَّ طارِه دِدِ: «آبزیلارْ دَرْیایِ وَ قُوشْلارْ آسمانِ دُولُّرالّار.» بِلَکِه وارِ آبزیلَرِ وَ قُوشلارِ دیزَدِ. طارِه گِرْدِ اُ زادیکِه دیزَدْمیشْ خُوبْدُر وَ اُلّارِ بَریکَتْ وِرْدِ.

آلْتِه گینْ آفَرینِشْدَنْ گَچَنَّ، طارِه دِدِ: «یِرْ انواعِ جاناوارْلَرْدَنْ دُلا» وَ طارِنی اِرادَسِه اُلِّه. حِیوانلاری بیرْ پاراسِه اَهْلیدِلَرْ، بیرْ پاراسِه خَزَنْدَیدِلَرْ وَ بیرْ پاراسِدَ وَحْشیدِلَرْ. طارِه گِرْدِ اُ زادیکِه دیزَدْمیشْ خُوبْدُر وَ خوشحال اُلِّه.

اُناسُورا طارِه دِدِ: «اینسانِه اِزِمْتَکِه دیزَدَّم تا یِرَ وَ جاناوارْلَرَ حاکِمْلیکْ اِدَ.»

اُنا طارِه بیجَه تُرْپاقْ تُوتْدِ اُنِه اینسان شیکلِنَ چاخارْدِ وَ اُنا حَیات ایفِرْدِ. طارِه اُنینَّ آدِنِه آدامْ قُویْدِ. طارِه بِیگـْ باغ آدامیچِه فَراهم اِدِّ تا ایچینَّ زندگانلیگ اِدَ وَ اُنِه گِزْلیَّه.

طارِه ایکِه مخصوص آقاجْ باغی اُرْتاسُونّا قُویْدِ، بیرِ حَیاتْ آقاجِه وَ اُ بیرْسِدَ خُوبُ و پِسْ تانودیگْ آقاجِه. طارِه آداما دِدِ کِه باشاریرْ تَمامِ باغی آقاجْلارُنی میوَسِنَّنْ غیرِ بُو خُوبُ و پِسْ تانودیکْ آقاجُنی میوَسِنَّنْ یِیَه. اَگِه اُ آقاجیْ میوَسِنَّنْ یِیَه اِلَرْ.

اُناسُورا طارِه دِدِ: «خُوبْ دَیلْکِه آدامْ تَکْ قالا.» چون حِیوانْلَرْ باشارْمِیْلَرْ خُوبْ هَمدم آدامیچِه اُلالّار.

به بُو دَلیل طارِه آدامِ عمیق اُخِیا سالِّه. اُناسُورا قابورقاسِنینْ بیرْسِنِه گِتِرْدِ وَ اُنّان، آرْوادْ دیزَدِ وَ اُنِه گَتِرْدِ آدامْ یانونا.

اُنّا که اُنِه گِرْدِ، دِدِ:« بُو مُوجودْ مَنَه بَینْزِیرْ. اُنینَ آدِنِه نِسا قُویاران چون آدامْنَنْ تُوتُلْمُوشِدِ.» بِخاطِرِ بُودُرْ کِه کیشِه آنا وَ آتاسِنَّنْ آیْرُلُرْ وَ گِدیرْ زِیْفَسِه یانونا وَ اُناسُورا اُ ایکِه بیرْ نَفر اُلیلّارْ.

طارِه کیشِه وَ زِیْفَیِه اِزِتَکِه دیزَدِ. اُ اُلّارِ بَریکَتْ وِرْدِ وَ دِدِ،» باروَر اُلینْ وَ اُشاقْلارْ گَتِرینْ وَ یِرِ دُلُرینْ ! وَ طارِه گِرْدِ اُ زادیکِه دیزَدْمیشْ خُوبِْدُر وَ خوشحال اُلْدِ. بُولارینْ وارْسِه آلْتِه گینْ ایچینَّه اُلْدِ.طارِه کیشِه وَ زِیْفَیِه اِزِتَکِه دیزَدِ. اُ اُلّارِ بَریکَتْ وِرْدِ وَ دِدِ:« باروَراُلی وَ اُشاقْلارْ گَتِری وَ یِرِ دُولُّری.» وَ طارِه گِرْدِ اُ زادیکِه دیزَدْمیشْ خُوبدُر وَ خوشحال اُلِّه. بُولّآری وارْسِه آلْتِه گینْ ایچینَّه اُلِّه.

اِدِّه گینْ گَچَنَّ، طارِه آفرینش ایشِنِه تَمامْ اِدْمیشِدِ. طارِه بُو گینِه بَریکَتْ وِرْدِ وَ اُنِه مقدس اُخُدِ. چون بُو گینْ ایچینَّ طارِنی ایشِه تمام اُلِّه، آرام تُوتْدِ. بِلَکیدِ کِه طارِه وارِ دُونیایِ وَ مَخْلوقاتِه دیزَدِ.